[Sidenote: 1451(?)]
Primo. Sciat vestra veneranda discretio quod Episcopus hujus diocesis
est Thomæ Danyell et suis fautoribus maxime benevolus et in ipso
episcopo T. T., J. H.,[217.2] et suis complicibus est ipsius confidentia
maxima, &c.
2º Si justiciarii pacis hujus comitatus omnes et singuli debeant sua
autoritate pacis media pro eorum posse per totum Norfolch. comitatum
diligenter conservare et pacis ejusdem perturbatores carceri vel castro
proprio mancipari facere, quæritur quare dictus episcopus, pacis,
ut creditur, justiciarius, non vult in hac parte hujusmodi pacis
perturbatoribus resistere; sed magis eisdem in talibus insolenciis
favorem et auxilium in omnibus præbere.
3º Si quærantur consiliarii dicti Episcopi, certum est quod Prior
monachorum, M. J. Celot, J. Bulman, T. T.,[218.1] J. H.,[218.2] J.
W.,[218.3] Johannes Yates cum consimilibus ceteris sunt etiam
consiliarii dicti Danielis.
4º Cum, secundum Apostolum,[218.4] furta, homicidia et talia vicia eis
similia sunt abhominabilia Deo et hominibus, ac utriusque legis divinæ
et humanæ contraria sacratis sanccionibus, in tantum quod non solum qui
talia agunt digni sunt morte, sed etiam qui conscenciunt agentibus; ex
quibus certe verisimiliter concluditur quod non solum Kervere, latro, et
Daniel famulus, furator equi ac murre satis notorius, puniretur una cum
fautoribus ejus.
5º Vestra discretio dicta Christi in Ewangelio diligenter consideret,
‘Si in viridi ligno hæc faciant, in arido quid fiet?’[218.5]
6º Non solum hæc pensare debetis pro vestræ personæ defensione seu
vestræ familiæ, sed magis movere vos debet zelus et amor rei publice
totius vestræ patriæ.
7º Si ista indilate et cum omni possibili celeritate citius non
reformaveritis, timendum valde supponitur de insurreccione plebis, quod
absit omnino.
8º Novitque discretio vestra ex paucis indigestis plura politice
percipere. Statui pro præsenti tempore finem scribendi imponere.
[Footnote 217.1: [Add. MS. 34,889, f. 158.] This undated letter
may have been written in February or March 1451, when Tuddenham
and Heydon hoped to regain their ascendency. Though not
addressed, we may presume that it was written to John Paston.]
[Footnote 217.2: Sir Thomas Tuddenham and John Heydon.]
[Footnote 218.1: Sir Thomas Tuddenham.]
[Footnote 218.2: John Heydon.]
[Footnote 218.3: John Wyndham.]
[Footnote 218.4: The reference appears to be to Romans i.
29-32.]
[Footnote 218.5: Luke xxiii. 31.]
178