_To my right especiall maister, John Paston,[160.5] in hast._
[Sidenote: 1450 / AUG. 19]
Ryght worthy worshipfull sir, and myn especiall maister, I recomaund
me to yow, and pray yow wete that I was [yesterdaye atte][160.6]
. . . .[160.6] my lord Chauncellers[160.7] hous, and there I spake with
White; and he tolde me that he hadde the letter that ye sewed for from
. . . . . . . .[161.1] directed to the Lord Moleyns of that substance
that ye hadde sued to hym for an especiall assise[161.2] and an _oier_
and _determiner_,[161.3] [and][161.1] . . . . .[161.1] that he shuld
comaunde his men beyng at Gresham to departe thens, and that the
profitez thereof shuld be receyved by an endifferent [person][161.1]
. .[161.1] saufly to be kepte til the right were determyned be twen yow
and my Lord M., &c., whiche letter White sente forthe [by][161.1] a man
of my Lord Chaunceller to the Lord Moleyns. And he sent his answer in
writyng of this substance, that it shuld not like my Lord Chaunceller
to graunte assise, &c., for als moche as the Lord M. hadde sore be
laboured in his cuntre to peas and stille the poeple[161.4] there to
restreyngne them from rysyng, and so he was dayly laboured there abowt
in the Kynggs servyce, and that considered, he trustid veryly that there
shuld non assise be graunted to your entent. And he seid forther in his
answer, if he myght attende to be in Norffolk, and leve the necessary
servyce that he dede to the Kyng now in Wyltshire, he wolde be but weel
pleased that ye hadde your assise; for he knewe his title and his
evydence so good for his part, that he durst weel putte it in my Lord
Chaunceller, and in what juge he wolde calle to hym. And wher my Lord
Chaunceller desired hym to avoyde his men from Gresham, he trustid that
my Lord wolde not desire that, by cause he hadde his possession, and
that it was his wyffs ryght, and so hym thought it a geynst reason that
he shuld a voide utterly his possession.
This same Moneday goth my Lord Chaunceller and my Lord of Buk[161.5]
into Kent to sytte up on an _oier_ and _determyner_[161.6] at
Rorchestre; and Whyte told me that there is wretyn an generall _oier_
and _determyner_ to be in Norffolk, and what ther[fore][162.1] and for
the Lord Moleyns writyng, hym semyth it is not to your avayll to sewe
for an especiall assise, ne for an _oier_ and _determyner_.
Whan I come hiddirward, I mette with my Lord of Norffolk betwen Berkewey
and Baburgham homward, and whethir he shall come agayn hiddir or noght I
wot not, but I trowe rather yes thanne nay; for it is seid that alle the
Lords be sent for to be here on Moneday or Tuysday next comyng for a
counseyll.
The Chief Justice[162.2] is not here, ne noon other Justice, except
Danvers[162.3] is now made Juge of the Comune Place, and is forth into
Kent with the Lords, &c.
Al this tofore was wretyn on the Moneday next after our Lady day. And
this same Wednesseday was it told that Shirburgh[162.4] is goon, and we
have not now a foote of londe in Normandie, and men arn ferd that Calese
wole be beseged hastily, &c.
Pynchamour shall telle yow by mowthe more thanne I have leyser to write
now to yow. I wrot to myn em’[162.5] that there were ix. or x. m^l.
[_nine or ten thousand_] men up in Wiltshire, and I hadde it of the
report of Whittocks mede; but I trowe it is not so, for here is now
littel speche therof; ner the lesse, if I here more, I shall sende yow
worde her after by sum loders that come to Seynt Bertilmews
[fayre].[162.1]
Wretyn in hast at London, the Wednesseday next after our Lady day, &c.
Your own symple servaunt,