_To my right trusty and wel be loved frend, Jhon Paston, Squier._
[Sidenote: Year uncertain]
Right trusty and wel beloved frend, I grete you wel, thankyng you
hertely for the gentilnes and good wylle I have founde in you at alle
tymes. And for as myche as I and other stonde feffed in the landes of
Thomas Canon, which is in vareaunce betwene you and hym, if ye wylle do
so myche as for your part chese ij. lerned menn and the said Canon shal
chese other ij., they to juge this mater as they shal seme of right and
resoun. And if so be that the said Canon wylle not do so, I wylle not
lete you to suye hym after the forme of the Kynges lawe. And if ze
thinke it to many lerned men, take ze one, and he another; and if they
may not accorde, ze and I to be umpere, for we stande bothe in like cas.
And we shal make a good ende be the grace of oure Lord, which have you
in hise governance.
Writen at Midelton, the ix. day of Octobre.
Zowr frend,