_To my right trusty and welbeloved frende, John Paston, Squier._
[Sidenote: Year uncertain]
Right trusty and welbeloved frend, I grete you hertly wel, and wul ye
wite that Wotton is ever creyng and callyng upon me to write un to you
for hise londe; wherfore at the reverence of Good, consideryng the
symplenesse of hem all, I pray you that ye put hem at a certen, and lete
hem all that they aught to have of right, for thaire creyng cause men to
thinke ye do hem grete wrong, which I wote wel ye wold be sory to do.
Oure Lord have you in hise governance. Writen at Midelton, the xvj. day
of October.
Youre frende,