_To my ryght wel belovyd cosyns, Herry Inglese and Johan Berney,
Escuiers._
[Sidenote: After 1440 (?)]
Ryght wel belovyd cosyns, I comaund me to yow. And please you to hafe in
knoulege that at whyche tyme ye were delyvered out of pryson by the
moyen of ij. prysonners that y delyvered yow, whyche, as ye know wel,
one was Burd Vynollys and the other Johan de Seint Johan dit Dolot, and
in lyke wyse I boughte anothyr prysonner clepyt Johan Villers for the
delyveraunce of Mautbye[50.2] Sqwyer, whyche mater ye knowythe welle.
And for as moche as my wrytynges that makyth mencion of that
delyveraunce of the said Mautbye be not in my warde, y pray you that ye
wolle undre your seelys certyffye me the trouthe how the said Mautbye
was delyveryd by my moyen. Y hafe found a cedule that makyth mencion of
that prysonner, of whyche I sende you a double, to be better avertysed
of the mater. And therfor, as my trust ys yn yow that ye sende me your
gode remembraunce in as goodly haste as ye may. And our Lord kepe you.
Wryt at Londone the v. day of November.
JOHN FASTOLF, _Chevalier_.
[Footnote 50.1: [MS. in Pembroke College, Cambridge.] The date
of this letter is quite uncertain; but as Fastolf is believed to
have returned from abroad about 1440, we presume it was not
earlier than that year.]]
[Footnote 50.2: No doubt John Mauteby, son-in-law of John Berney
and father of Margaret Paston. _See_ Blomefield’s _Norfolk_, xi.
228.]
[[Herry Inglese _text unchanged: normal spelling is “Inglose”_]]
40