Videns Iesus turbas ascendit in montem: et reliqua.
Dhaet h['a]lige godspel, the nu lytle ['ae]r aetforan eow geraedd waes,
micclum gethwaerlaecdh thyssere freols-tide, fordhan dhe hit geendebyrt tha
eahta eadignyssa dhe dha halgan to heofonlicum gedhincdhum gebrohton.
Matheus awr['a]t on thysum daegtherlican godspelle, thaet se Haelend on
sumere tide "gesawe micele menigu him fyligende; tha astah he upp on ane
dune. Thadha h['e] gesaet, tha genealaehton his leorning-cnihtas him to,
and h['e] undyde his mudh, and hi laerde, thus cwedhende, Eadige beodh tha
gastlican dhearfan:" et reliqua.
Se wisa Augustinus trahtnode this godspel, and saede, thaet seo d['u]n the
se Haelend astah get['a]cnadh dha healican bebodu sodhre Rihtwisnysse: tha
laessan beboda waeron gesette dham Iudeiscan folce. An God theah-hwaedhere
gesette, thurh his halgan witegan, tha laessan bebodu Iudeiscre dheode, the
mid ['o]gan dha-gyt gebunden waes; and he gesette, thurh his agenne Sunu,
tha maran bebodu cristenum folce, tha dhe he mid sodhre lufe to alysenne
com. Sittende he taehte: thaet belimpdh to wurdhscipe l['a]reowdomes. Him
to genealaehton his discipuli, thaet h['i] gehendran waeron lichamlice, tha
dhe mid mode his bebodum genealaehton. Se Haelend geopenode his mudh.
Witodlice se geopenode his mudh to thaere godspellican l['a]re, sedhe on
dhaere ealdan ['ae] gewunelice openode thaera witegena mudh.
Theah-hwaedhere his mudhes geopenung get['a]cnadh tha deoplican spraece dhe
he dha fordh-ateah. He cwaedh, "Eadige beodh tha gastlican dhearfan,
fordhan the heora is heofonan rice." Hwaet sind dha gastlican dhearfan
buton dha eadmodan, the Godes ege {550} habbadh, and nane todhundennysse
nabbadh? Godes ege is wisdomes angynn, and modignyss is aelcere synne
anginn. Fela sind dhearfan thurh hafenleaste, and na on heora gaste,
fordhan dhe h['i] gewilniadh fela to haebbenne. Sind eac odhre dhearfan, na
dhurh hafenleaste ac on gaste, fordhan the h['i] synd, aefter thaes
apostolican cwyde, "Swa swa naht haebbende, and ealle dhing geagnigende."
On thas wisan waes Abraham dhearfa, and Iacob, and Dauid, sedhe, on his
cynesetle ah['a]fen, hine sylfne geswutelode thearfan on gaste, thus
cwedhende, "Ic sodhlice eom waedla and thearfa." Tha m['o]digan rican ne
beodh thearfan ne thurh hafenleaste ne on gaste, fordhan dhe h['i] synd
gewelgode mid aehtum, and todhundene on mode. Thurh hafenleaste and on
gaste synd thearfan dha fullfremedan munecas, the for Gode ealle dhing
forlaetadh to dhan swidhe, thaet hi nelladh habban heora agenne lichaman on
heora anwealde, ac lybbadh be heora gastlican l['a]reowas wissunge; and
fordhi swa micclum swa h['i] her for Gode on hafenleaste wuniadh, swa
micclum h['i] beodh eft on dham toweardan wuldre gewelgode.
"Eadige beodh tha lidhan, fordhan the h['i] thaet l['a]nd geagniadh." Tha
synd lidhe and gedefe, tha dhe ne widhstandadh yfelum, ac oferswydhadh mid
heora g['o]['o]dnysse thone yfelan: hi habbadh thaet l['a]nd the se
sealm-sceop embe spraec, "Drihten, thu eart min hiht: beo min dael on
thaera lybbendra eordhan." Thaera lybbendra eordhe is seo stadhelfaestnyss
thaes ecan eardes, on dham gerest seo sawul swa swa se lichama on eordhan.
Se eard is rest and l['i]f gecorenra halgena.
"Eadige beodh dha the heofiadh, fordhan dhe hi beodh gefrefrode." Na beodh
tha eadige, the for hyndhum odhdhe lirum hwilwendlicra hydhdha heofiadh; ac
dha beodh eadige, dhe heora synna bewepadh, fordhan the se Halga Gast h['i]
gefrefradh, sedhe dedh forgyfenysse ealra synna, se is geh['a]ten
Paraclitus, thaet is, Frefrigend, fordhan dhe he frefradh thaera
behreowsigendra heortan thurh his gife.
"Eadige beodh tha the sind ofhingrode and ofthyrste aefter rihtwisnysse,
fordhan dhe hi beodh gefyllede." Se bidh {552} ofhingrod and ofdhyrst
aefter rihtwisnysse, sedhe Godes beboda lustlice gehyrdh, and lustlicor mid
weorcum gefyldh: se bidh thonne mid tham mete gefylled dhe Drihten embe
spraec, "Min mete is, thaet ic wyrce mines Faeder willan, thaet is
rihtwisnys." Thonne maeg h['e] cwedhan mid tham sealm-sceope, "Drihten, ic
beo aeteowed mid rihtwisnysse on dhinre gesihdhe, and ic beo gefylled,
thonne dhin wuldor geswutelod bidh."
"Eadige beodh tha mildheortan, fordhan the h['i] begytadh mildheortnysse."
Eadige beodh tha dhe earmra manna thurh mildheortnysse gehelpadh, fordhan
dhe him bidh swa geleanod, thaet h['i] sylfe beodh fram yrmdhe alysede.
"Eadige beodh tha claenheortan, fordhan dhe h['i] geseodh God sylfne."
Stunte synd tha dhe gewilniadh God to geseonne mid flaesclicum eagum,
thonne he bidh mid thaere heortan gesewen; ac heo is to claensigenne fram
leahtrum, thaet heo God geseon mage. Swa swa eordhlic leoht ne maeg beon
gesewen buton mid claenum eagum, swa eac ne bidh God gesewen buton mid
claenre heortan.
"Eadige beodh tha gesibsuman, fordhan dhe h['i] beodh Godes bearn
gec['i]gede." On sibbe is fulfremednyss thaer dhaer n['a]n dhing ne
thwyradh: fordhi synd tha gesibsuman Godes bearn, fordhan dhe n['a]n dhing
on him ne widheradh ongean God. Gesibsume sind tha on him sylfum, dhe ealle
heora modes styrunga mid gesceade gel['o]giadh, and heora flaesclican
gewilnunga gewyldadh swa thaet h['i] sylfe beodh Godes rice. Dheos is seo
sib dhe is forgyfen on eordhan tham mannum the beodh g['o]des willan. God
ure Faeder is gesibsum; witodlice fordhi gedafenadh tham bearnum thaet hi
heora Faeder geefenlaecon.
"Eadige beodh dha dhe tholiadh ehtnysse for rihtwisnysse, fordhan dhe heora
is heofonan rice." Fela sind dha dhe ehtnysse dholiadh for mislicum
intingum, swa swa dodh mannslagan, and sceadhan, and gehwilce fyrnfulle; ac
seo ehtnys him ne becymdh to n['a]nre eadignysse; ac seo ehtnys ana the
bidh for rihtwisnysse gedholod becymdh to ecere eadignysse. Nis to
ondr['ae]denne dhwyrra manna ehtnys, ac m['a] to fordhyldigenne, {554} swa
swa Drihten to his leorning-cnihtum cwaedh, "Ne ondraede ge eow dha dhe
eowerne lichaman ofsleadh, fordhan dhe h['i] ne magon eowre sawle ofslean,
ac ondraedadh God, dhe maeg aegdher ge sawle ge lichaman on helle-susle
ford['o]n." Ne sceole we dheah tha dhwyran to ure ehtnysse gremian, ac
swidhor, gif h['i] astyrede beodh, mid rihtwisnysse gestillan. Gif hi
dhonne thaere ehtnysse geswycan nelladh, selre ['u]s bidh thaet we ehtnysse
dholion thonne we riht forlaeton.
Eahta eadignyssa synd on thisum godspelle geendebyrde; is dheah gyt an
cwyde baeftan, dhe is gedhuht swilce he sy se nygodha staepe, ac he
sodhlice belimpdh to dhaere eahteodhan eadignysse, fordhan dhe hi butu
sprecadh be ehtnysse for rihtwisnysse and for Criste. Tha eahta eadignyssa
belimpadh to eallum geleaffullum mannum, and se aeftemysta cwyde, theah dhe
he synderlice to tham apostolum gecweden waere, belimpdh eac to eallum
Cristes limum, fordhan dhe h['e] nis se nygodha, ac fyligdh thaere
eahteodhan eadignysse, swa swa we ['ae]r saedon. Se Haelend cwaedh, "Eadige
ge beodh thonne man eow wyrigdh, and eower eht, and aelc yfel ongean eow
sprecdh leogende for me." Se bidh eadig and gesaelig the for Criste dholadh
wyriunge and hospas fram leasum licceterum, fordhan dhe seo lease wyriung
becymdh tham rihtwisum to eadigre bletsunge.
"Blissiadh and faegniadh, fordhan dhe eower m['e]d is menigfeald on
heofonum." Geleaffullum gedafenadh thaet hi wuldrion on gedrefednyssum,
fordhan dhe seo gedrefednys wyrcdh gedhyld, and thaet gedhyld af['a]ndunge,
and seo af['a]ndung hiht. Se hiht sodhlice ne bidh naefre gescynd, fordhan
the Godes lufu is ag['o]ten on urum heortum thurh dhone Halgan Gast, sedhe
us is forg['i]fen. Be thisum cwaedh se apostol Iacobus, "Eala ge mine
gebrodhra, wenadh eow aelcere blisse, thonne ge beodh on mislicum
costnungum, fordhan the seo af['a]ndung eowres geleafan is miccle
deorwurdhre thonne gold the bidh dhurh fyr af['a]ndod." Eft cwydh thaet
halige gewrit, "Laemene fatu beodh on ofne af['a]ndode, and rihtwise menn
on gedrefednysse heora costnunge." Be thisum cwaedh eac se Haelend on odhre
{556} stowe to his leorning-cnihtum, "Gif dhes middangeard eow hatadh, wite
ge thaet h['e] me hatode ['ae]r eow; and gif h['i] min ehton, thonne ehtadh
hi eac eower." Crist sylf waes fram arleasum mannum acweald, and swa eac
his leorning-cnihtas and martyras; and ealle dha dhe gewilniadh arfaestlice
to drohtnigenne on geleaffulre geladhunge, h['i] sceolon ehtnysse dholian,
odhdhe fram ungesewenlicum deofle odhdhe fram gesewenlicum arleasum deofles
limum: ac thas hwilwendlican ehtnyssa oththe gedrefednyssa we sceolon mid
gefean for Cristes naman gedhafian, fordhan dhe he thus behet eallum
gedhyldigum, "Blissiadh and faegniadh, efne eower m['e]d is menigfeald on
heofonum."
We mihton dhas halgan raedinge menigfealdlicor trahtnian, aefter Augustines
smeagunge, ac us twynadh hwaedher ge magon maran deopnysse dhaeron
thearflice tocnawan; ac uton biddan mid inweardre heortan thone Aelmihtigan
Wealdend, sedhe ['u]s mid menigfealdre maersunge ealra his halgena nu
to-daeg geblissode, thaet he us getidhige genihtsumnysse his miltsunge
thurh heora menigfealdan thingraedena, thaet we on ['e]cere gesihdhe mid
him blission, swa swa we nu mid hwilwendlicere thenunge h['i] wurdhiadh.
Sy wuldor and l['o]f Haelendum Criste, sedhe is anginn and ende, Scyppend
and Alysend ealra halgena, mid Faeder and mid Halgum Gaste, ['a] on
ecnysse. Amen.