On Decies daege, thaes waelhreowan caseres, waes se halga biscop Sixtus on
Romana byrig drohtnigende. Dha faerlice het h['e] his gesihum, dhone biscop
mid his preostum samod geandwerdian. Sixtus dha unforhtmod to his preostum
clypode, "Mine gebrodhra, ne beo ge afyrhte, cumadh, and eower nan him ne
ondraede dha scortan tintregunga. Tha halgan martyras gedhrowodon fela
pinunga, thaet h['i] orsorge becomon to wulder-beage thaes ecan lifes." Tha
andwyrdon his twegen diaconas, Felicissimus and Agapitus, "Dhu, ure faeder,
hwider fare we butan dhe?" On dhaere nihte weardh se biscop mid his tw['a]m
diaconum hraedlice to dham redhum ehtere gebroht. Se casere Decius him
cwaedh to, "Geoffra dhine l['a]c dham undeadlicum godum, and beo dhu thaera
sacerda ealdor." Se eadiga Sixtus him andwyrde, "Ic symle geoffrode, and
g['y]t offrige mine l['a]c dham Aelmihtigan Gode, and his Suna, Haelendum
Criste, and dham Halgum Gaste, hluttre onsaegednysse and ungewemmede."
Decius cwaedh, "Gebeorh dhe and dhinum preostum, and geoffra. Sodhlice gif
dhu ne dest, thu scealt beon eallum odhrum to bysne." Sixtus sodhlice
andwyrde, "Hwene aer ic dhe saede, thaet ic symle geoffrige dham
Aelmihtigum Gode." Decius dha cwaedh to his cempum, "Laedadh hine to dham
temple Martis, thaet he dham gode Marti geoffrige: gif he nelle offrian,
beclysadh hine on dham cwearterne Mamortini." Tha cempan hine laeddon to
dham deofolgylde, and hine dhreatodon thaet he dhaere deadan anlicnysse his
l['a]c offrian sceolde. Thadha he dhaes caseres haese forseah, and dham
deofolgylde offrian nolde, dha gebrohton hi hine mid his twam diaconum
binnan dham blindan cwearterne.
Tha betwux dham com LAURENTIUS, his erce-diacon, and dhone halgan biscop
mid dhisum wordum gespraec, "Dhu, m['i]n faeder, hwider sidhast dhu butan
dhinum bearne? Thu halga {418} sacerd, hwider efst dhu butan dhinum
diacone? Naes dhin gewuna thaet dhu butan dhinum diacone Gode geoffrodest.
Hwaet mislicode dhe, min faeder, on me? Geswutela dhine mihte on dhinum
bearne, and geoffra Gode thone dhe dhu getuge, thaet thu dhy orsorglicor
becume to dham aedhelan wulder-beage." Thadha se eadiga Laurentius mid
thisum wordum and ma odhrum bem['ae]nde thaet he ne moste mid his lareowe
dhrowian, dha andwyrde se biscop, "Min bearn, ne forlaete ic dhe, ac dhe
gerist mara campdom on dhinum gewinne. We underfodh, swa swa ealde men,
scortne ryne thaes leohtran gewinnes; sodhlice thu geonga underfehst miccle
wulderfulran sige aet dhisum redhan cyninge. Min cild, geswic dhines wopes:
aefter dhrim dagum dhu cymst sigefaest to me to dham ecum life. Nim nu ure
cyrcan madhmas, and dael cristenum mannum, be dhan dhe dhe gewyrdh."
Se erce-diacon dha, Laurentius, be dhaes biscopes haese ferde and daelde
thaere cyrcan madhmas preostum, and aeldheodigum dhearfum, and wudewum,
aelcum be his neode. He com to sumere wudewan, hire nama waes Quiriaca, seo
haefde behyd on hire hame preostas and manega laewede cristenan. Dha se
eadiga Laurentius dhwoh heora ealra f['e]t, and dha wudewan fram hefigtimum
heafod-ece gehaelde. Eac sum ymesene man mid wope his f['e]t gesohte,
biddende his haele. Laurentius dha mearcode rode-tacen on dhaes blindan
eagan, and he dhaerrihte beorhtlice geseah. Se erce-diacon dha-gyt geaxode
m['a] cristenra manna gehwaer, and h['i] aer his dhrowunge mid gastlicere
sibbe and mid f['o]t-dhweale geneosode.
Thadha h['e] dhanon gewende, dha waes his l['a]reow Sixtus mid his twam
diaconum of dham cwearterne gelaedd, aetforan dham casere Decium. He weardh
tha geh['a]thyrt ongean dhone halgan biscop, dhus cwedhende, "Witodlice we
beorgadh dhinre ylde: gehyrsuma urum bebodum, and geoffra dham undeadhlicum
godum." Se eadiga biscop him andwyrde, "Dhu earming, beorh dhe sylfum, and
wyrc daedbote for dhaera halgena blode {420} dhe dhu agute." Se waelhreowa
cwellere mid gebolgenum mode cwaedh to his heah-gerefan, Ualeriane, "Gif
dhes bealdwyrda biscop acweald ne bidh, sidhdhan ne bidh ure ege
ondraedendlic." Ualerianus him andwyrde, "Beo he heafde becorfen. Hat h['i]
eft to dhaes godes temple Martis gel['ae]dan, and gif h['i] nelladh to him
gebigedum cneowum gebiddan, and heora l['a]c offrian, underf['o]n h['i]
beheafdunge on dhaere ylcan stowe." Thaes caseres cempan hine laeddon to
dham deofolgylde mid his twam diaconum: dha beseah se biscop widh dhaes
temples, and dhus cwaedh, "Thu dumba deofolgyld, thurh dhe forleosadh earme
menn thaet ece lif: towurpe dhe se Aelmihtiga Godes Sunu." Tha mid tham
worde tobaerst sum dael dhaes temples mid faerlicum hryre. Laurentius dha
clypode to dham biscope, "Thu halga faeder, ne forl['ae]t dhu me, fordhan
dhe ic aspende dhaere cyrcan madhmas swa swa dhu me bebude." Hwaet dha
cempan dha hine gelaehton, fordhan dhe h['i] gehyrdon hine be dham
cyrclicum madmum sprecan. Sixtus dha sodhlice underhn['a]h swurdes ecge,
and his twegen diaconas samod, Felicissimus and Agapitus, aetforan dham
temple, on dham sixtan daege thyses mondhes.
Laurentius witodlice weardh sidhdhan gebroht to dham casere, and se redha
cwellere hine dha befr['a]n, "Hwaer sind dhaere cyrcan madmas dhe dhe
betaehte waeron?" Se eadiga Laurentius mid nanum worde him ne geandwyrde.
On dham ylcan daege betaehte se Godes feond dhone halgan diacon his
heah-gerefan Ualeriane, mid dhysum bebode, "Ofgang dha madmas mid
geornfulnysse, and hine gebig to dham undeadlicum godum." Se gerefa dha
hine betaehte his gingran, dhaes nama waes Ypolitus, and he hine beclysde
on cwearterne mid manegum odhrum. Tha gemette h['e] on dham cwearterne
aenne haedhenne man, se waes dhurh micelne w['o]p ablend. Dha cwaedh he him
to, "Lucille, gif dhu gelyfst on Haelend Crist, he onliht dhine eagan." He
andwyrde, "Aefre ic gewilnode thaet ic on Cristes naman gefullod waere."
Laurentius him to cwaedh, "Gelyfst dhu mid ealre heortan?" He andwyrde mid
wope, "Ic {422} gelyfe on Haelend Crist, and dham leasum deofolgyldum
widhsace." Ypolitus mid gedhylde heora wordum heorcnode. Se gesaeliga
Laurentius taehte dha dham blindan sodhne geleafan dhaere Halgan
Thrynnysse, and hine gefullode. Lucillus aefter dham fulluht-baedhe mid
beorhtre stemne clypode, "Sy gebletsod se Eca God, Haelend Crist, dhe me
dhurh his diacon onlihte. Ic waes blind b['a]m eagum, nu ic beorhtlice
leohtes bruce." Witodlice dha fela odhre blinde mid wope comon to dham
eadigan diacone, and h['e] asette his handa ofer heora eagan, and h['i]
wurdon onlihte.
Se t['u]n-gerefa Ypolitus cwaedh dha to dham diacone, "Geswutela me dhaere
cyrcan madmas." Laurentius cwaedh, "Eala dhu Ypolite, gif dhu gelyfst on
God Faeder, and on his Sunu Haelend Crist, ic dhe geswutelige dha madmas,
and thaet ece l['i]f behate." Ypolitus cwaedh, "Gif dhu dhas word mid
weorcum gefylst, dhonne do ic swa dhu me tihst." Laurentius dha halgode
fant, and hine gefullode. Sodhlice Ypolitus aefter dham fulluht-baedhe waes
clypigende mid beorhtre stemne, "Ic geseah unscaedhdhigra manna sawla on
Gode blissigan." And he mid tearum to dham eadigan diacone cwaedh, "Ic
halsige dhe on dhaes Haelendes naman, thaet eal min h['i]wraeden gefullod
wurdhe." Witodlice Laurentius mid blidhum mode him dhaes getidhode, and
nigontyne wera and wifa his h['i]wisces mid wuldre gefullode.
Aefter dhisum sende se heah-gerefa, and bebead Ypolite thaet he Laurentium
to dhaes cynges cafer-tune gelaedde. Ypolitus thaet bebod mid eadmodre
spraece cydde dham eadigan Laurentie. He cwaedh, "Uton faran, fordhan dhe
me and dhe is wuldor gegearcod." Hi dha hraedlice comon, and unforhte him
aetforan stodon. Tha cwaedh Ualerianus to dham halgan cydhere, "Awurp nu
dhine anwilnysse, and agif dha madmas." Se Godes cydhere him andwyrde, "On
Godes dhearfum ic h['i] aspende, and h['i] sind dha ecan madmas, dhe naefre
ne beodh gewanode." Se gerefa cwaedh, "Hwaet fagettest dhu mid wordum?
Geoffra dhine l['a]c urum gudum, and forl['ae]t dhone {424} drycraeft dhe
dhu on getruwast." Laurentius cwaedh, "For hwilcum dhingum neadadh se
deofol eow thaet ge cristene men to his biggengum dhreatniadh? Gif hit riht
sy thaet we to deoflum us gebiddon swidhor thonne to dham Aelmihtigan Gode,
deme ge hw['a] thaes wurdhmyntes wurdhe sy, se dhe geworht is, odhdhe se
dhe ealle dhing gesceop." Se casere dha andwyrde, "Hwaet is se dhe geworht
is, odhdhe hwaet is se dhe geworhte?" Godes cydhere cwaedh, "Se Aelmihtiga
Faeder ures Haelendes is Scyppend ealra gesceafta, and dhu cwyst thaet ic
me gebiddan sceole to dumbum stanum, dha dhe sind agrafene dhurh manna
handa." Hwaet se casere dha hine gebealh, and het on his gesihdhe dhone
diacon unscrydan, and waelhreowlice swingan, and se casere sylf clypode,
"Ne hyrw dhu ure godas." Se eadiga Laurentius on dham tintregum cwaedh,
"Witodlice ic dhancige minum Gode, the me gemedemode to his halgum; and
dhu, earming, eart geancsumod on dhinre gewitleaste." Decius cwaedh to dham
cwellerum, "Araeradh hine upp, and aeteowiadh his gesihdhum eal thaet
wita-t['o]l." Tha wurdon hraedlice fordhaborene isene clutas, and isene
clawa, and isen bedd, and leadene swipa and odhre gepilede swipa. Tha
cwaedh se casere, "Geoffra dhine l['a]c urum godum, odhdhe thu bist mid
eallum dhisum pinung-t['o]lum getintregod." Se eadiga diacon cwaedh, "Thu
ungesaeliga, thas estmettas ic symle gewilnode: h['i] beodh me to wuldre,
and dhe to wite." Se casere cwaedh, "Geswutela us ealle dha m['a]nfullan
dhine gelican, thaet dheos burh beo geclaensod; and dhu sylf geoffra urum
godum, and ne truwa dhu nateshwon on dhinum gold-hordum." Tha cwaedh se
halga martyr, "Sodhlice ic truwige, and ic eom orsorh be minum hordum."
Decius andwyrde, "Wenst dhu la thaet thu beo alysed mid dhinum hordum fram
dhisum tintregum?" and het dha mid gramlicum mode thaet tha cwelleras mid
stearcum saglum hine beoton. Witodlice Laurentius on dham gebeate clypode,
"Thu earming, undergyt huru nu thaet ic s['i]grige be Cristes madmum, and
ic dhine tintregu naht ne gefrede." Decius cwaedh, "Lecgadh dha isenan
clutas hate glowende to {426} his sidan." Se eadiga martyr dha waes
biddende his Drihten, and cwaedh, "Haelend Crist, God of Gode, gemiltsa
thinum dheowan, fordhan dhe ic gewreged dhe ne widhsoc, befrinen ic dhe
geandette." Tha het se casere hine araeran, and cwaedh, "Ic geseo thaet
dhu, dhurh dhinne drycraeft, dhas tintregan gebysmerast; dheah-hwaedhere ne
scealt dhu me gebysmrian. Ic swerige dhurh ealle godas and gydena, thaet
thu scealt geoffrian, odhdhe ic dhe mid mislicum pinungum acwelle."
Laurentius dha bealdlice clypode, "Ic on mines Drihtnes naman nateshwon ne
forhtige for dhinum tintregum, dhe sind hwilwendlice: ne ablin dhu thaet
dhu begunnen haefst."
Tha weardh se casere mid swydhlicere h['a]theortnysse geyrsod, and het
dhone halgan diacon mid leadenum swipum langlice swingan. Laurentius dha
clypode, "Haelend Crist, thu dhe gemedemodest thaet dhu to menniscum menn
geboren waere, and us fram deofles dheowte alysdest, onfoh minne g['a]st."
On dhaere ylcan tide him com andswaru of heofonum, thus cwedhende, "Gyt dhu
scealt fela gewinn habban on dhinum martyrdome." Decius dha geh['a]thyrt
clypode, "Romanisce weras, gehyrde ge dhaera deofla frofor on dhisum
eawbraecum, dhe ure godas geyrsode ne ondraet, ne dha asmeadan tintregan?
Astreccadh hine, and mid gepiledum swipum swingende geangsumiadh."
Laurentius dha astreht on dhaere hengene, mid hlihendum mudhe dhancode his
Drihtne, "Drihten God, Faeder Haelendes Cristes, sy dhu gebletsod, the us
forgeafe dhine mildheortnysse; cydh nu dhine arfaestnysse, thaet dhas
ymbstandendan oncnawon thaet dhu gefrefrast dhine dheowan." On dhaere tide
gelyfde ['a]n dhaera cempena, dhaes nama waes Romanus, and cwaedh to dham
Godes cydhere, "Laurentie, ic geseo Godes engel standende aetforan dhe mid
hand-cladhe, and wipadh dhine swatigan limu. Nu halsige ic dhe, thurh God,
thaet thu me ne forlaete." Tha weardh Decius mid facne afylled, and cwaedh
to his heah-gerefan, "Me dhincdh thaet we sind dhurh drycraeft
oferswidhde." And he het dha alysan dhone diacon of dhaere hengene, and
betaecan dham t['u]n-gerefan Ypolite, and nyste dha-g['y]t thaet h['e]
cristen waes.
{428} Tha betwux dham brohte se gelyfeda cempa Romanus ceacfulne waeteres,
and mid wope dhaes halgan Laurenties f['e]t gesohte, fulluhtes biddende.
Laurentius dha hraedlice thaet waeter gehalgode, and dhone geleaffullan
dhegen gefullode. Thadha Decius thaet geaxode, dha het he hine w['ae]dum
bereafian, and mid stearcum stengum beatan. Romanus dha ungeaxod clypode on
dhaes caseres andwerdnysse, "Ic eom cristen." On dhaere ylcan tide het se
redha cwellere hine underhn['i]gan swurdes ecge. Eft on dhaere ylcan nihte,
aefter dhaes cempan martyrdome, ferde Decius to dham hatum badhum widh
thaet botl Salustii, and het dhone halgan Laurentium him to gefeccan. Tha
ongann Ypolitus sarlice heofian, and cwaedh, "Ic wylle mid dhe sidhian, and
mid hluddre stemne hryman, thaet ic cristen eom, and mid the licgan."
Laurentius cwaedh, "Ne wep dhu, ac swidhor suwa and blissa, fordhan dhe ic
fare to Godes wuldre. Eft aefter lytlum fyrste, dhonne ic dhe clypige,
gehyr mine stemne, and cum to me."
Decius dha het gearcian eal thaet pinung-t['o]l aetforan his d['o]msetle,
and Laurentius him weardh to gelaed. Decius cwaedh, "Awurp dhone truwan
dhines drycraeftes, and gerece ['u]s dhine maegdhe." Se eadiga Laurentius
andwyrde, "Aefter menniscum gebyrde ic eom Hispanienscis, Romanisc
fostor-cild, and cristen fram cild-cradole, getogen on ealre godcundre
['ae]." Decius andwyrde, "Sodhlice is seo ['ae] godcundlic dhe dhe swa
gebylde thaet dhu nelt ure godas wurdhian, ne dhu nanes cynnes tintregan
the ne ondraetst." Laurentius cwaedh, "On Cristes naman ne forhtige ic for
dhinum tintregum." Se waelhreowa casere dha cwaedh, "Gif dhu ne offrast
urum godum, eall dheos niht sceal beon aspend on dhe mid mislicum
pinungum." Laurentius cwaedh, "Naefdh min niht nane forsworcennysse, ac heo
mid beorhtum leohte scindh." Tha het se waelhreowa mid stanum dhaes halgan
mudh cnucian. Hwaet dha Laurentius weardh gestrangod dhurh Godes gife, and
mid hlihendum mudhe cwaedh, "Sy dhe l['o]f, Drihten, fordhan dhe dhu eart
ealra dhinga God." Decius cwaedh to dham cwellerum, {430} "Ahebbadh thaet
isene bed to dham fyre, thaet se modiga Laurentius hine dhaeron gereste."
H['i] dhaerrihte hine waedon bereafodon, and on dham heardan bedde
astrehton, and mid byrnendum gledum thaet bed undercrammodon, and hine ufan
mid isenum geaflum dhydon.
Decius cwaedh dha to tham Godes cydhere, "Geoffra nu urum godum."
Laurentius andwyrde, "Ic offrige me sylfne dham Aelmihtigan Gode on braedhe
wynsumnysse; fordhan the se gedrefeda gast is Gode andfenge onsaegednys."
Sodhlice dha cwelleras tugon dha gleda singallice under thaet bedd, and
widh-ufan mid heora forcum hine dhydon. Dha cwaedh Laurentius, "Eala ge
ungesaeligan, ne undergyte ge thaet eowre gleda nane h['ae]tan minum
lichaman ne gedodh, ac swidhor c['e]linge?" He dha eft mid tham wlitegostan
nebbe cwaedh, "Haelend Crist, ic dhancige dhe thaet dhu me gestrangian
wylt." He dha beseah widh thaes caseres, thus cwedhende, "Efne dhu,
earming, braeddest aenne dael mines lichaman, wend nu thone odherne, and
et." He cwaedh dha eft, "Haelend Crist, ic dhancige dhe mid inweardre
heortan, thaet ic m['o]t faran into dhinum rice." And mid thysum worde
h['e] ageaf his gast, and mid swylcum martyrdome thaet uplice rice geferde,
on dham he wunadh mid Gode ['a] on ecnysse. Tha forl['e]t se waelhreowa
casere dhone halgan lichaman uppon dham isenan hyrdle, and tengde mid his
heahgerefan to dham botle Tyberianum.
Ypolitus dha bebyrigde dhone halgan lichaman mid micelre arwurdhnysse on
dhaere wudewan leger-stowe Quiriace, on dhysum daegdherlicum daege.
Witodlice aet dhaere byrgene wacode micel menigu cristenra manna mid
swidhlicere heofunge. Se halga sacerd Iustinus dha him eallum gemaessode
and gehuslode. Aefter dhisum gecyrde Ypolitus to his hame, and mid Godes
sibbe his hywan gecyste, and h['i] ealle gehuslode. Tha faerlice, mid dham
dhe h['e] gesaet, comon dhaes caseres cempan, and hine gelaehton, and to
dham cwellere gelaeddon. Hine befr['a]n dha Decius mid smercigendum mudhe,
"Hwaet la, eart dhu to dry awend, fordhan dhe dhu bebyrigdest Laurentium?"
{432} He andwyrde, "Thaet ic dyde na swa swa dry, ac swa swa cristen."
Decius dha yrsigende het mid stanum his mudh cnucian, and hine unscrydan,
and cwaedh, "La h['u], naere dhu geornful biggenga ura goda? and nu dhu
eart swa stunt geworden thaet furdhon dhe ne sceamadh dhinre naecednysse."
Ypolitus andwyrde, "Ic waes stunt, and ic eom nu w['i]s and cristen. Thurh
nytenysse ic gelyfde on thaet gedwyld the dhu gelyfst." Decius cwaedh,
"Geoffra dham godum dhylaes dhe dhu thurh tintrega forwurdhe, swa swa
Laurentius." He andwyrde, "Eala gif ic moste dham eadigan Laurentium
geefenlaecan!" Decius cwaedh, "Astreccadh hine swa nacodne, and mid stidhum
saglum beatadh." Thadha h['e] langlice gebeaten waes, tha dhancode he Gode.
Decius cwaedh, "Ypolitus gebysmradh eowre stengas; swingadh hine mid
gepiledum swipum." Hi dha swa dydon, odhthaet h['i] ateorodon. Ypolitus
clypode mid hluddre stemne, "Ic eom cristen." Eornostlice se redha casere,
dhadha he ne mihte mid nanum pinungum hine geweman fram Cristes geleafan,
dha het he his heah-gerefan thaet h['e] mid waelhreawum deadhe hine
acwellan sceolde.
On dham ylcan daege asmeade Ualerianus his aehta, and gemette nygontyne
wera and wifa his h['i]wisces, dhe waeron aet dhaes eadigan Laurenties
handum gefullode. To dham cwaedh Ualerianus, "Sceawiadh eowre ylde, and
beorgadh eowrum feore, dhylaes dhe ge samod losian mid eowrum hlaforde
Ypolite." Hi dha anmodlice andwyrdon, "We wilniadh mid urum hlaforde
claenlice sweltan, swidhor dhonne unclaenlice mid eow lybban." Tha weardh
Ualerianus dhearle geh['a]thyrt, and het laedan Ypolitum of dhaere ceastre
mid his hiwum. Dha se eadiga Ypolitus gehyrte his hired, and cwaedh, "Mine
gebrodhra, ne beo ge dreorige ne afyrhte, fordhan dhe ic and ge habbadh
aenne Hlaford, God Aelmihtigne." Sodhlice Ualerianus het beheafdian on
Ypolitus gesihdhe ealle his hiwan, and hine sylfne het tigan be dham fotum
to ungetemedra horsa swuran, and swa teon geond dhornas and bremelas: and
he dha mid tham tige his gast ageaf on dham dhreotteodhan daege {434}
thises mondhes. On dhaere ylcan nihte gegaderode se halga Iustinus heora
ealra lic, and bebyrigde.
Eornostlice aefter dhaera halgena dhrowunge, ferde Decius on gyldenum
craete and Ualerianus samod to heora haedhenum gylde, thaet h['i] dha
cristenan to heora m['a]nfullum offrungum gedhreatodon. Dha weardh Decius
faerlice mid feondlicum gaste aw['e]d, and hrymde, "Eala dhu, Ypolite,
hwider tihst dhu me gebundenne mid scearpum racenteagum?" Ualerianus eac
aw['e]d hrymde, "Eala dhu, Laurentius, unsoftlice tihst dhu me gebundenne
mid byrnendum racenteagum." And he dhaerrihte swealt. Witodlice Decius
egeslice awedde, and binnon dhrym dagum mid deoflicre stemne singallice
hrymde, "Ic halsige dhe, Laurentius, abl['i]n hwaethwega dhaera
tintregena." Hwaet dha, la asprang micel heofung and sarlic w['o]p on dham
hame, and dhaes caseres w['i]f h['e]t ['u]t-alaedan ealle dha cristenan dhe
on cwearterne waeron, and Decius on dham dhriddan daege mid micclum
tintregum gew['a]t.
Sodhlice seo cw['e]n Triphonia gesohte dhaes halgan sacerdes f['e]t
Iustines mid biterum tearum, and hire dohtor Cyrilla samod, biddende thaes
halgan fulluhtes. Iustinus dha mid micelre blisse h['i] underfeng, and him
bebead seofon dagena faesten, and h['i] sydhdhan mid tham halgum
fulluht-baedhe fram eallum heora m['a]ndaedum adhwoh. Thadha thaes caseres
dhegnas gehyrdon thaet seo cw['e]n Triphonia and Decius dohtor Cyrilla to
Cristes geleafan, and to dham halwendum fulluhte gebogene waeron, h['i] dha
mid heora wifum gesohton dhone halgan sacerd, and baedon miltsunge and
fulluhtes. Se eadiga Iustinus, dhisum gewordenum, raedde widh tha cristenan
hwaene h['i] to bisceope ceosan woldon on Sixtes setle. Hi dha anmodlice
sumne arwurdhfulne wer gecuron, dhaes nama waes Dionisius, dhone gehadode
se bisceop Maximus, of dhaere byrig Ostiensis, to dham Romaniscum
bisceop-setle, widh wurdhmynte.
Uton nu biddan mid eadmodre stemne dhone halgan Godes cydhere Laurentium,
thaes freols-t['i]d geswuteladh thes andwerda daeg ealre geleaffulre
geladhunge, thaet he us dhingige widh dhone {436} Heofenlican Cyning, for
dhaes naman he dhrowode mid cenum mode menigfealde tintregu, mid dham he
orsorhlice on ecnysse wuldradh. Amen.
{417} AUGUST X.