Venit Iesus in partes Caesareae Philippi: et reliqua.
Matheus se Godspellere awr['a]t on dhaere godspellican gesetnysse, dhus
cwedhende, "Drihten com to anre burhscire, dhe is geciged Cesarea Philippi,
and befr['a]n his gingran hu menn be him cwyddedon. H['i] andwyrdon, Sume
menn cwedhadh thaet dhu sy Iohannes se Fulluhtere, sume secgadh thaet dhu
sy Hel['i]as, sume Hieremias, odhdhe sum odher witega. Se Haelend dha
cwaedh, Hwaet secge ge thaet ic sy? Petrus him andwyrde, Thu eart Crist,
dhaes lifigendan Godes Sunu. Drihten him cwaedh to andsware, Eadig eart
dhu, Simon, culfran bearn, fordhan dhe flaesc and blod the ne onwreah
dhisne geleafan, ac min Faeder sedhe on heofonum is. Ic dhe secge, thaet
thu eart staenen, and ofer dhysne st['a]n ic timbrige mine cyrcan, and
helle gatu naht ne magon ongean h['i]. Ic betaece dhe heofonan rices caege;
and swa hwaet swa dhu bintst on eordhan, thaet bidh gebunden on heofonum;
and swa hwaet swa dhu unbintst ofer eordhan, thaet bidh unbunden on
heofonum."
Beda se trahtnere us onwrihdh tha deopnysse dhysre raedinge, and cwydh,
thaet Philippus se fydherr['i]ca dha buruh Cesarea getimbrode, and on
wurdhmynte thaes caseres Tiberii, dhe he under {366} rixode, dhaere byrig
naman gesceop, 'Cesaream,' and for his agenum gemynde to dham naman geyhte,
'Philippi,' dhus cwedhende, 'Cesarea Philippi,' swilce seo burh him b['a]m
to wurdhmynte swa genemned waere.
Thadha se Haelend to dhaere burhscire genealaehte, tha befr['a]n h['e], hu
woruld-menn be him cwyddedon: na swilce h['e] nyste manna cwyddunga be him,
ac h['e] wolde, mid sodhre andetnysse dhaes rihtan geleafan, adwaescan
dhone leasan wenan dweligendra manna. His apostoli him andwyrdon, "Sume men
cwyddiadh thaet dhu sy Iohannes se Fulluhtere, sume secgadh thaet dhu sy
Helias, sume Hieremias, odhdhe ['a]n dhaera witegena." Drihten dha
befr['a]n, "Hwaet secge ge thaet ic sy?" swylce he swa cwaede, 'Nu
woruld-menn dhus dwollice me oncnawadh, ge dhe godas sind, hu oncnawe ge
me?' Se trahtnere cwaedh 'godas,' fordhan dhe se sodha God, sedhe ana is
Aelmihtig, haefdh geunnen dhone wurdhmynt his gecorenum, thaet h['e] h['i]
godas gecigdh. Him andwyrde se gehyrsuma Petrus, "Dhu eart Crist, thaes
lifigendan Godes Sunu." He cwaedh 'thaes lifigendan Godes,' for twaeminge
dhaera leasra goda, dha dhe haedhene dheoda, mid mislicum gedwylde
bepaehte, wurdhodon.
Sume h['i] gelyfdon on deade entas, and him deorwurdhlice anlicnyssa
araerdon, and cwaedon thaet h['i] godas waeron, for dhaere micelan
strencdhe dhe h['i] haefdon: waes dheah heora l['i]f swidhe m['a]nfullic
and bysmurfull; be dham cwaedh se witega, "Dhaera haedhenra anlicnyssa sind
gyldene and sylfrene, manna handgeweorc: h['i] habbadh dumne mudh and
blinde eagan, deafe earan and ungrapigende handa, f['e]t butan fedhe, bodig
butan life." Sume h['i] gelyfdon on dha sunnan, sume on dhone monan, sume
on fyr, and on manega odhre gesceafta: cwaedon thaet h['i] for heora
faegernysse godas waeron.
Nu todaelde Petrus swutelice dhone sodhan geleafan, dhadha he cwaedh, "Thu
eart Crist, dhaes lifigendan Godes Sunu." Se is lybbende God the haefdh
l['i]f and wununge dhurh hine sylfne, butan anginne, and sedhe ealle
gesceafta thurh his agen Bearn, thaet is, his Wisdom, gesceop, and him
eallum l['i]f forgeaf dhurh {368} dhone Halgan Gast. On dhissum dhrym
h['a]dum is an Godcundnys, and ['a]n gecynd, and ['a]n weorc
untodaeledlice.
Drihten cwaedh to Petre, "Eadig eart dhu, culfran sunu." Se Halga Gast waes
gesewen ofer Criste on culfran anlicnysse. Nu gecigde se Haelend Petrum
culfran bearn, fordhan dhe he waes afylled mid bilewitnysse and gife dhaes
Halgan Gastes. He cwaedh, "Ne onwreah dhe flaesc ne blod thisne geleafan,
ac min Faeder sedhe on heofenum is." Flaesc and blod is gecweden, his
flaesclice maeidh. Naefde he thaet andgit dhurh maeglice lare, ac se
Heofenlica Faeder, dhurh dhone Halgan Gast, dhisne geleafan on Petres
heortan forgeaf.
Drihten cwaedh to Petre, "Thu eart staenen." For dhaere strencdhe his
geleafan, and for anraednysse his andetnysse he underfencg dhone naman,
fordhan dhe he gedheodde hine sylfne mid faestum mode to Criste, sedhe is
'st['a]n' gecweden fram dham apostole Paule. "And ic timbrige mine cyrcan
uppon dhisum stane:" thaet is, ofer dhone geleafan dhe dhu andetst. Eal
Godes geladhung is ofer dham stane gebytlod, thaet is ofer Criste; fordhan
dhe he is se grundweall ealra dhaera getimbrunga his agenre cyrcan. Ealle
Godes cyrcan sind getealde to anre geladhunge, and seo is mid gecorenum
mannum getimbrod, na mid deadum stanum; and eal seo bytlung dhaera liflicra
stana is ofer Criste gelogod; fordhan dhe we beodh, thurh dhone geleafan,
his lima getealde, and h['e] ure ealra heafod. Se dhe ne bytladh of dham
grundwealle, his weorc hryst to micclum lyre.
Se Haelend cwaedh, "Ne magon helle gatu naht togeanes minre cyrcan."
Leahtras and dwollic l['a]r sindon helle gatu, fordhan dhe h['i] laedadh
thone synfullan swilce dhurh geat into helle wite. Manega sind dha gatu, ac
heora nan ne maeg ongean dha halgan geladhunge, dhe is getimbrod uppon dham
faestan stane, Criste; fordhan dhe se gelyfeda, thurh Cristes gescyldnysse,
aetwint dham frecednyssum dhaera deoflicra costnunga.
He cwaedh, "Ic dhe betaece heofonan rices caege." Nis seo caeig gylden, ne
sylfren, ne of nanum antimbre gesmidhod, ac is se anweald the him Crist
forgeaf, thaet nan man ne cymdh {370} into Godes rice, buton se halga
Petrus him geopenige thaet infaer. "And swa hwaet swa dhu bintst ofer
eordhan, thaet bidh gebunden on heofonum; and swa hwaet swa dhu unbintst
ofer eordhan, thaet bidh unbunden on heofenan." Thisne anweald he forgeaf
nu Petre, and eac sydhdhan, ['ae]r his upstige, eallum his apostolum,
dhadha he him on-ableow, dhus cwaedhende, "Onfodh Haligne Gast: dhaera
manna synna the ge forgyfadh, beodh forgyfene; and dham dhe ge forgifenysse
ofunnon, him bidh oftogen seo forgyfenys."
Nelladh dha apostoli naenne rihtwisne mid heora mansumunge gebindan, ne eac
dhone m['a]nfullan miltsigende unbindan, butan he mid sodhre d['ae]dbote
gecyrre to lifes wege. Thone ylcan andweald haefdh se Aelmihtiga getidhod
biscopum and halgum maesse-preostum, gif h['i] hit aefter dhaere
godspellican gesetnysse carfullice healdadh. Ac fordhi is seo caeig Petre
sinderlice betaeht, thaet eal dheodscipe gleawlice tocn['a]we, thaet swa
hw['a] swa odhscyt fram annysse dhaes geleafan dhe Petrus dha andette
Criste, thaet him ne bidh getidhod nadhor ne synna forgyfenys ne infaer
thaes heofenlican rices.