Fram dham halgan easterlican daege sind getealde fiftig daga to thysum
daege, and thes daeg is geh['a]ten Pentecostes, thaet is, se fifteogodha
daeg dhaere easterlican tide. Thes daeg waes on dhaere ealdan ['ae] gesett
and gehalgod. God bebead Moyse, on Egypta-lande, thaet h['e] and eall
Israhela folc sceoldon offrian aet aelcum h['i]wisce Gode an lamb anes
geares, and mearcian mid tham blode rode-tacn on heora gedyrum and
oferslegum, dha on dhaere nihte ferde Godes engel, and acwealde on aelcum
huse dhaes Egyptiscan folces thaet frumcennyde cild and thaet {312}
leofoste. And Israhela folc ferde on dhaere ylcan nihte of dham leodscipe,
and God h['i] laedde ofer dha Readan s['ae] mid drium fotum. Tha tengde se
Pharao aefter mid mycelre fyrde. Dhadha he com on middan dhaere s['ae], tha
waes thaet Godes folc up-ag['a]n, and God dha besencte dhone Pharao and eal
his werod. Dha bebead God Moyse and tham folce thaet h['i] heoldon dha tid
mid micelre arwurdhnysse, on aelces geares ymbrene. Tha waes seo tid tham
folce geset to Easter-tide, fordhan dhe God h['i] hredde widh heora fynd,
and heora ehteras fordyde. Tha thaes ymbe fiftig daga sette God tham folce
['ae], and waes gesewen Godes wuldor upp on anre dune the is geh['a]ten
Syn['a]y. Thaer com micel leoht, and egeslic sweg, and blawende byman. Tha
clypode God thone Moysen him to, and he waes mid Gode feowertig daga, and
awr['a]t dha ealdan ['ae] be Godes dihte. Tha waes se daeg PENTECOSTES
geh['a]ten on dhaere Ealdan Gesetnysse.
Thaet geoffrode l['a]mb getacnode Cristes slege, sedhe unscaedhdhig waes
his Faeder geoffrod for ure alysednysse. Nu is his dhrowung and his aerist
ure Easter-t['i]d, fordhan dhe he us alysde fram deofles theowdome, and ure
ehteras beodh besencte thurh thaet halige fulluht, swa swa waes Pharao mid
his leode on dhaere Readan s['ae]. Thas fiftig daga fram dham easterlican
daege sind ealle gehalgode to anre maersunge, and thes daegdherlica daeg is
ure Pentecostes, thaet is, se fifteogodha daeg fram dham Easter-daege. On
dham ealdan Pentecosten sette God ['ae] dham Israhela folce, and on dhisum
daege com se Halga Gast on fyres hiwe to Godes hirede; fordhi ealswa thaet
lamb getacnode Cristes dhrowunge, swa eac seo ealde ['ae] getacnode
godspel-bodunge under Godes gife. Threo tida sind on dhysre worulde: ['a]n
is seo dhe waes butan ['ae]; odher is seo dhe waes under ['ae]; seo dhridde
is nu aefter Cristes to-cyme. Theos t['i]d is gecweden 'under Godes gife.'
We ne sind na butan ['ae], ne we ne moton healdan Moyses ['ae] lichamlice,
ac Godes gifu ['u]s gewissadh to his willan, gif we gemyndige beodh Cristes
bebodum and dhaera apostola lare.
{314} Hit is gereht on dhyssere pistol-raedinge, hu se Halga Gast on dhisum
daege com to dham geleaffullan heape Cristes hyredes. Lucas se Godspellere
awr['a]t on dhaere b['e]c 'Actus Apostolorum,' thaet "se halga hyred waes
wunigende ['a]nmodlice on gebedum on anre upflora, aefter Cristes upstige,
anbidigende his behates; tha on dhisum daege, the is Pentecostes gecweden,
com faerlice micel sweg of heofonum and gefylde ealle dha upfleringe mid
fyre; and waes aeteowed bufon heora aelcum swylce fyrene tungan, and h['i]
wurdon dha ealle gefyllede mid tham Halgum Gaste, and ongunnon to sprecenne
mid mislicum gereordum, be dham the se Halga Gast him taehte. Tha waeron
gegaderode binnan dhaere byrig Hierusalem eawfaeste weras of aelcere dheode
dhe under heofonum eardiadh; and tha apostoli spraecon to dhaes folces
gegaderunge, and heora aelc oncneow his agen gereord."
"Dha weardh seo menigu swidhe ablicged, and mid wundrunge cwaedon, La
h['u], ne sind thas dhe her sprecadh Galileisce? And ure aelc gehyrde hu hi
spraecon urum gereordum, on dham dhe we acennede waeron! We gehyrdon h['i]
sprecan Godes maerdha mid urum gereordum. La hwaet dhis beon sceole? Tha
cwaedon dha Iudeiscan mid hospe, Thas men sindon mid muste fordrencte. Tha
andwyrde Petrus, Hit is undern-t['i]d; hu mihte we on dhysre tide beon
fordrencte? Ac dhaes witegan cwyde Ioheles is nu gefylled. God cwaedh thurh
dhaes witegan mudh, thaet he wolde his Gast asendan ofer mennisc flaesc;
and manna bearn sceolon witigian, and ic sylle mine forebeacn ufan of
heofonum, and mine t['a]cna nidher on eordhan. Wite ge sodhlice thaet Crist
ar['a]s of deadhe, and on ure gewitnysse astah to heofonum, and sitt aet
his Faeder swidhran, swa swa Dauid be him witegode, thus cwedhende, Drihten
cwaedh to minum Drihtne, Site to minre swidhran, odhthaet ic alecge dhine
fynd under thinum fot-scamele. Tha thaet folc dhis gehyrde, dha wurdon
h['i] onbryrde, and cwaedon to dham apostolon, La leof, hwaet is us to
donne? Tha andwyrde Petrus, Behreowsiadh eowre synna, and underfodh fulluht
on Cristes naman, and eowre synna beodh {316} adylegode, and ge underfodh
thone Halgan Gast. Tha underfengon hi his lare, and bugon to fulluhte on
dham daege dhreo dhusend manna. Tha waeron ealle on annysse mid tham
apostolum, and beceapodon heora aehta, and thaet feoh betaehton dham
apostolum, and hi daeldon aelcum be his neode."
"Eft on odhre bodunge gelyfdon fif dhusend wera on Crist, and weardh eall
seo geleaffulle menigu swa anmod swilce h['i] ealle haefdon ane heortan and
ane sawle; ne heora nan naefde synderlice aehta, ac him eallum waes gemaene
heora dhing, ne dhaer naes n['a]n waedla betwux him. Tha dhe land-are
haefdon hi hit beceapodon, and thaet wurdh brohton to dhaera apostola
fotum: h['i] dha daeldon aelcum be his neode."
"Tha worhte God fela tacna on dham folce dhurh dhaera apostola handa, swa
thaet hi gelogodon dha untruman be dhaere straet thaer Petrus fordh eode,
and swa hradhe swa his sceadu hi hreopode, hi wurdon gehaelede fram eallum
untrumnyssum. Tha arn micel menigu to of gehendum burgum, and brohton heora
untruman and dha deofol-seocan, and h['i] ealle wurdon gehaelede aet dhaera
apostola handum. Hi setton heora handa ofer gelyfede men, and h['i]
underfengon thone Halgan Gast."
"Tha waes sum dhegen, Annanias geh['a]ten, and his w['i]f Saph['i]ra: h['i]
cwaedon him betweonan, thaet h['i] woldon bugan to dhaera apostola
geferraedene. Namon dha to raede, thaet him waerlicor waere, thaet h['i]
sumne dael heora landes wurdhes aethaefdon, weald him getimode. Com dha se
dhegen mid feo to dham apostolum. Tha cwaedh Petrus, Annania, deofol
bepaehte dhine heortan, and dhu haefst alogen tham Halgan Gaste. Hw['i]
woldest dhu swician on dhinum agenum? Ne luge dhu na mannum, ac Gode. Tha
h['e] thas word gehyrde, tha feol h['e] ad['u]ne and gew['a]t. Thadha he
bebyrged waes, tha com his wif Saph['i]ra, and nyste hu hire were gelumpen
waes. Dha cwaedh Petrus, Sege me, beceapode ge dhus micel landes? Heo
andwyrde, Gea, leof, swa micel. Eft dha cwaedh Petrus, Hw['i] geweardh inc
swa, thaet gyt dorston fandian Godes? Heo feoll dhaerrihte and gew['a]t,
and h['i] man {318} bebyrigde to hyre were. Tha weardh micel ege on Godes
geladhunge and on eallum the thaet geaxodon."
Tha apostoli sidhdhan, aerdham dhe hi toferdon, gesetton Iacobum, the waes
geh['a]ten Rihtw['i]s, on Cristes setle, and eal seo geleaffulle geladhung
him gehyrsumode, aefter Godes taecunge. He dha gesaet thaet setl dhritig
geara, and aefter him Symeon, thaes Haelendes maeg. Aefter dhaere
gebysnunge wurdon araerede munec-l['i]f mid thaere gehealdsumnysse, thaet
hi drohtnian on mynstre, be heora ealdres dihte, on claennesse, and him
beon heora aehta eallum gemaene, swa dha apostoli hit astealdon.
Ge gehyrdon lytle ['ae]r, on dhisre raedinge, thaet se Halga Gast com ofer
dha apostolas on fyrenum tungum, and him forgeaf ingehyd ealra gereorda;
fordhan dhe se eadmoda heap geearnode aet Gode thaet i['u] ['ae]r thaet
modige werod forleas. Hit getimode aefter Noes flode, thaet entas woldon
araeran ane burh, and aenne stypel swa heahne, thaet his hrof astige odh
heofon. Tha waes an gereord on eallum mancynne, and thaet weorc waes
begunnen ongean Godes willan. God eac fordhi h['i] tostencte, swa thaet he
forgeaf aelcum dhaera wyrhtena seltcudh gereord, and heora n['a]n ne cudhe
odhres spraece tocnawan. H['i] dha geswicon dhaere getimbrunge, and
toferdon geond ealne middangeard; and waeron sidhdhan swa fela gereord swa
dhaera wyrhtena waes. Nu eft on dhisum daege, thurh dhaes Halgan Gastes
to-cyme, wurdon ealle gereord ge-anlaehte and gedhwaere; fordhan dhe eal se
halga heap Cristes hyredes waes sprecende mid eallum gereordum; and eac
thaet wunderlicor waes, dhadha heora ['a]n bodade mid anre spraece, aelcum
waes gedhuht, dhe dha bodunge gehyrde, swilce he spraece mid his gereorde,
waeron h['i] Ebreisce, odhdhe Grecisce, odhdhe Romanisce, odhdhe Egyptisce,
odhdhe swa hwilcere dheode swa h['i] waeron the dha lare gehyrdon. On
dhysre geferraedene geearnode heora eadmodnys thas mihte, and dhaera enta
modignys geearnode gescyndnysse.
Se Halga Gast waes aeteowod ofer dha apostolas on fyres {320} hiwe, and
ofer Criste, on his fulluhte, on anre culfran anlicnysse. Hw['i] ofer
Criste on culfran hiwe? Hw['i] ofer Cristes hirede on fyres gelicnysse? On
bocum is geraedd be dham fugelcynne thaet his gecynd is swidhe bilewite,
and unscaedhdhig, and gesibsum. Se Haelend is ealles mancynnes dema, ac he
ne com na to demenne mancynn, swa swa he sylf cwaedh, ac to gehaelenne. Gif
he dha wolde deman mancynn, dhadha he aerest to middangearde com, hwa wurde
thonne gehealden? Ac he nolde mid his to-cyme dha synfullan fordeman, ac
wolde to his rice gegaderian. Aerest he wolde us mid lidhnysse styran,
thaet he sidhdhan mihte on his dome us gehealdan. Fordhi waes se Halga Gast
on culfran anlicnysse gesewen bufan Criste, fordhan dhe h['e] waes
drohtnigende on dhisre worulde mid bilewitnysse, and unscaedhdhignysse, and
gesibsumnysse. He ne hrymde, ne he biterwyrde naes, ne he sace ne astyrede,
ac forbaer manna yfelnysse thurh his lidhnysse. Ac se dhe on dham aerran
to-cyme lidhegode, tham synfullum to gecyrrednysse, se demdh stidhne dom
tham receleasum aet dham aefteran to-cyme.
Se Halga Gast waes gesewen on fyrenum tungum bufon dham apostolon, fordhan
dhe h['e] dyde thaet hi waeron byrnende on Godes willan, and bodigende ymbe
Godes rice. Fyrene tungan h['i] haefdon, dhadha h['i] mid lufe Godes
maerdha bodedon, thaet dhaera haedhenra manna heortan, dhe cealde waeron
thurh geleaflaeste and flaesclice gewilnunga, mihton beon ontende to dham
heofenlicum bebodum. Gif se Halga Gast ne laerdh thaes mannes m['o]d
widhinnan, on idel beodh thaes bydeles word widhutan geclypode. Fyres
gecynd is thaet hit fornimdh swa hwaet swa him gehende bidh: swa sceal se
l['a]reow d['o]n, sedhe bidh mid tham Halgan Gaste onbryrd, aerest on him
sylfum aelcne leahter adwaescan, and sidhdhan on his underdheoddum.
On culfran anlicnysse and on fyres hiwe waes Godes Gast aeteowod; fordhan
dhe h['e] dedh thaet dha beodh bilewite on unscaedhdhignysse, and byrnende
on Godes willan, the he mid his gife gefyldh. Ne bidh seo bilewitnys Gode
gecweme butan {322} snoternysse, ne seo snoternys butan bilewitnysse; swa
swa gecweden is be dham eadigan I['o]b, thaet he waes bilewite and rihtwis.
Hwaet bidh rihtwisnys butan bilewitnysse? Odhdhe hwaet bidh bilewitnys
butan rihtwisnysse? Ac se Halga Gast, dhe taehdh rihtwisnysse and
bilewitnysse, sceolde beon aeteowod aegdher ge on fyre ge on culfran,
fordhan dhe h['e] dedh thaera manna heortan dhe h['e] onliht mid his gife,
thaet hi beodh lidhe thurh unscaedhdhignysse, and onaelede dhurh lufe and
snoternysse. God is, swa swa Paulus cwaedh, fornymende fyr. He is
['u]nasecgendlic fyr, and ungesewenlic. Be dham fyre cwaedh se Haelend, "Ic
com to dhi thaet ic wolde sendan fyr on eordhan, and ic wylle thaet hit
byrne." He sende dhone Halgan Gast to eordhan, and he mid his blaede
onaelde eordhlicra manna heortan. Thonne byrndh seo eordhe, thonne dhaes
eordhlican mannes heorte bidh ontend to Godes lufe, seodhe aer waes ceald
thurh flaesclice lustas.
Nis na se Halga Gast wunigende on his gecynde, swa swa h['e] gesewen waes,
fordhan dhe he is ungesewenlic; ac for dhaere getacnunge, swa we aer
cwaedon, he waes aeteowod on culfran, and on fyre. He is gehaten on
Greciscum gereorde, Paraclitus, thaet is, Frofor-gast, fordhi dhe he
frefradh tha dreorian, the heora synna behreowsiadh, and syldh him
forgyfenysse hiht, and heora unrotan m['o]d gelidhegadh. He forgyfdh synna,
and he is se weg to forgyfenysse ealra synna. He syldh his gife dham dhe he
wile. Sumum men he forgifdh wisdom and spraece, sumum g['o]d ingehyd, sumum
micelne geleafan, sumum mihte to gehaelenne untruman, sumum witegunge,
sumum toscead godra gasta and yfelra; sumum he forgifdh mislice gereord,
sumum gereccednysse mislicra spraeca. Ealle dhas dhing dedh se Halga Gast,
todaelende aeghwilcum be dham dhe him gewyrdh; fordham dhe he is Aelmihtig
Wyrhta, and swa hradhe swa he thaes mannes mod onliht, he hit awent fram
yfele to gode. He onlihte Dauides heortan, dhadha he on iugodhe hearpan
lufode, and worhte hine to psalm-wyrhtan. Amos hatte sum hrydher-hyrde,
thone awende se Halga Gast to maerum {324} witegan. Petrus waes fiscere,
thone awende se ylca Godes Gast to apostole. Paulus ehte cristenra manna,
thone he geceas to lareowe eallum dheodum. Matheus waes tollere, thone he
awende to godspellere. Tha apostoli ne dorston bodian thone sodhan
geleafan, for ['o]gan Iudeisces folces; ac sidhdhan h['i] waeron onaelede
thurh dhone Halgan Gast, h['i] forsawon ealle lichamlice pinunga, and
orsorhlice Godes maerdha bodedon.
Thyses daeges wurdhmynt is to maersigenne, fordhan dhe se Aelmihtiga God,
thaet is se Halga Gast, gemedemode hine sylfne thaet he wolde manna bearn
on dhisre tide geneosian. On Cristes acennednysse weardh se Aelmihtiga
Godes Sunu to menniscum men gedon, and on dhisum daege wurdon geleaffulle
men godas, swa swa Crist cwaedh, "Ic cwaedh, Ge sind godas, and ge ealle
sind bearn thaes Hehstan." Tha gecorenan sind Godes bearn, and eac godas,
na gecyndelice, ac dhurh gife thaes Halgan Gastes. An God is gecyndelice on
dhrim hadum, Faeder, and his Sunu, thaet is his Wisdom, and se Halga Gast,
sedhe is heora begra Lufu and Willa. Heora gecynd is untodaeledlic, aefre
wunigende on anre Godcundnysse. Se ylca cwaedh theah-hwaedhere be his
gecorenum, "Ge sint godas." Thurh Cristes menniscnysse wurdon menn alysede
fram deofles dheowte, and dhurh to-cyme thaes Halgan Gastes, mennisce men
wurdon gedone to godum. Crist underfeng menniscnysse on his to-cyme, and
men underfengon God thurh neosunge thaes Halgan Gastes. Se man dhe naefdh
Godes Gast on him nis h['e] Godes. Aelces mannes weorc cydhadh hwilc gast
hine wissadh. Godes Gast wissadh symble to halignysse and g['o]dnysse;
deofles gast wissadh to leahtrum and to m['a]ndaedum.
Se Halga Gast becom tuwa ofer dha apostolas. Crist ableow dhone Halgan Gast
upon dha apostolas ['ae]r his upstige, thus cwedhende, "Onfodh Haligne
Gast." Eft, on dhisum daege, asende se Aelmihtiga Faeder and se Sunu heora
begra Gast to dham geleaffullan heape, on dhysre worulde wunigende. Se
Haelend ableow his Gast on his gingran, for dhaere getacnunge {326} thaet
h['i] and ealle cristene men sceolon lufigan heora nehstan swa swa h['i]
sylfe. He sende eft, swa swa h['e] ['ae]r behet, dhone ylcan Gast of
heofonum, to dhi thaet we sceolon lufian God ofer ealle odhre dhing. An is
se Halga Gast, theah dhe he tuwa become ofer dha apostolas. Swa is eac
['a]n lufu and twa bebodu, Thaet we sceolon lufian God and menn. Ac we
sceolon leornian on mannum hu we magon becuman to Godes lufe, swa swa
Iohannes se apostol cwaedh, "Se dhe ne lufadh his brodhor, dhone dhe he
gesihdh, hu maeg h['e] lufian God, thone the he ne gesihdh lichamlice?"
We wurdhiadh thaes Halgan Gastes to-cyme mid lofsangum seofon dagas,
fordhan dhe he onbryrt ure m['o]d mid seofonfealdre gife, thaet is, mid
wisdome and andgyte, mid gedheahte and strencdhe, mid ingehyde and
arfaestnysse, and he us gefyldh mid Godes ege. Se dhe thurh gode geearnunga
becymdh to dhissum seofonfealdum gifum thaes Halgan Gastes, he haefdh
thonne ealle gedhincdhe. Ac se dhe wile to dhisre gedhincdhe becuman, he
sceal gelyfan on dha Halgan Dhrynnysse, and on Sodhe Annysse, thaet se
Faeder, and his Sunu, and heora begra Gast syndon dhry on hadum, and ['a]n
God untodaeledlic, on anre Godcundnysse wunigende. Thysne geleafan
getacnodon dha dhreo dhusend the aerest gebugon to geleafan, aefter dhaes
Halgan Gastes to-cyme. Swa swa dha dhreo thusend waeron ['a]n werod, swa is
seo Halige Dhrynnys ['a]n God. And thaet werod waes swa ['a]nmod swilce him
eallum waere ['a]n heorte and ['a]n sawul; fordhan dhe thaere Halgan
Thrynnysse is ['a]n godcundnyss, and ['a]n gecynd, and ['a]n willa, and
['a]n weorc unascyrigendlice.
Tha geleaffullan brohton heora feoh, and ledon hit aet dhaera apostola
foton. Mid tham is geswutelod thaet cristene men ne sceolon heora hiht
besettan on woroldlice gestreon, ac on Gode anum. Se g['i]tsere dhe beset
his hiht on his goldhord, he bidh swa swa se apostol cwaedh, "tham gel['i]c
the deofolgyld begaedh."
Hi heoldon thaet gold unwurdhlice, fordhan dhe seo gitsung naefde naenne
stede on heora heortan: fordhi h['i] dydon heora {328} dhing him gemaene,
thaet h['i] on sodhre sibbe butan gytsunge beon mihton. H['i] setton heora
handa ofer geleaffulle men, and him com to se Halga Gast dhurh heora
biscepunge. Biscopas sind thaes ylcan h['a]des on Godes geladhunge, and
healdadh tha gesetnysse on heora biscepunge, swa thaet h['i] settadh heora
handa ofer gefullude menn, and biddadh thaet se Aelmihtiga Wealdend him
sende dha seofonfealdan gife his Gastes, sedhe leofadh and rixadh ['a]
butan ende. Amen.