Primum quidem sermonem feci: et reliqua.
Lucas se Godspellere ['u]s manode on dhisre pistol-raedinge, thus
cwedhende, "Se Haelend, middangeardes Alysend, aeteowde hine sylfne cucenne
his gingrum, aefter his throwunge and his aeriste, on manegum dhrafungum,
geond feowertig daga, and him to spraec ymbe Godes rice, samod mid him
reordigende: and bebead him thaet hi of dhaere byrig Hierusalem ne gewiton,
ac thaet hi dhaer anbidedon his Faeder beh['a]tes, he cwaedh, the ge of
minum mudhe gehyrdon. Fordhan dhe Iohannes se Fulluhtere gefullode on
waetere, and ge beodh gefullode on dham Halgan Gaste nu aefter feawum
dagum. Eornostlice seo gegaderung his leorning-cnihta cwaedh dha
['a]nmodlice, Drihten leof, wilt dhu nu gesettan ende thysre worulde? He
him andwyrde, Nis na eow to gewitenne dha t['i]d odhdhe dha hand-hwile the
min Faeder gesette thurh his mihte: ac ge underfodh thaes Halgan Gastes
mihte, and ge beodh mine gewitan on Iudea lande, and on eallum
middangearde, odh thaet endenexte land. And h['e] laedde h['i] dha ['u]t of
dhaere byrig up to anre dune dhe is gecweden mons Oliueti, and hi
gebletsode up-ahafenum handum. Tha mid thaere bletsunge ferde h['e] to
{296} heofonum, him on locigendum; and thaet heofonlice wolcn leat widh
his, and hine genam fram heora gesihdhum."
"Dhadha hi up to heofonum starigende stodon, dha gesawon hi dhaer twegen
englas on hwitum gerelan, thus cwedhende, Ge Galileisce weras, hwi stande
ge dhus starigende widh heofenas weard? Se Haelend, the is nu genumen of
eowrum gesihdhum to heofonum, swa he cymdh eft swa swa ge gesawon thaet he
to heofonum ast['a]h. Hi dha gecyrdon to dhaere byrig Hierusalem mid
micelre blisse, and astigon upp on ane upfleringe, and thaer wunedon odh
Pentecosten on gebedum and on Godes herungum, odhthaet se Halga Gast him to
com, swa swa se aedhela Cyning him aer beh['e]t."
"On dhyssere geferraedene waeron Petrus and Iohannes, Iacob and Andreas,
Philippus and Thomas, Bartholomeus and Matheus, se odher Iacob and Simon,
se odher Iudas and Maria thaes Haelendes modor, and gehwilce odhre, aegdher
ge weras ge w['i]f. Eal seo menigu waes an hund manna and twentig,
anmodlice on gebedum wunigende."
Se Haelend taehte dha halgan lare his leorning-cnihtum aer his dhrowunge,
and aefter his aeriste he waes wunigende betwux him thas feowertig daga,
fram dhaere halgan Easter-tide odh thisne daegdherlican daeg, and on
manegum wisum dhrafode and afandode his gingran, and ge-edlaehte thaet
thaet he aer taehte, to fulre lare and rihtum geleafan. He gereordode hine
aefter his aeriste, na fordhi thaet he sydhdhan eordhlices bigleofan
beh['o]fode, ac to dhi thaet he geswutelode his sodhan lichaman. He aet
thurh mihte, na for neode. Swa swa fyr fornimdh waeteres dropan, swa fornam
Cristes godcundlice miht dhone gedhigedan mete. Sodhlice aefter dham
gemaenelicum aeriste ne beh['o]fiadh ure lichaman nanre strangunge
eordhlicra metta, ac se Haelend us dedh ealle ure neoda mid heofenlicum
dhingum, and we beodh mid wuldre gewelgode, and mihtige to gefremmenne swa
hwaet swa us licadh, and we beodh ful swyfte to farenne geond ealle
w['i]dgylnyssa Godes rices.
{298} He beh['e]t his gingrum nu and gelome thaet he wolde him sendan thone
Halgan Gast, and thus cwaedh, "Thonne he cymdh he eow tiht and gewissadh to
eallum dham dhingum dhe ic eow saede." Tha com se Halga Gast on fyres hiwe
to dham halgum hyrede on tham endleoftan daege Cristes upstiges, and hi
ealle onaelde mid ['u]ndergendlicum fyre, and h['i] wurdon afyllede mid
thaere heofonlican l['a]re, and cudhon ealle woruldlice gereord, and
bodedon unforhtlice geleafan and fulluht ricum and redhum.
Se halga heap befr['a]n Crist, hwaedher he wolde on dham timan thisne
middangeard geendian. He dha cwaedh him to andsware, "Nis na eower m['ae]dh
to witenne thone timan, the min Faeder thurh his mihte gesette." He cwaedh
eac on odhre stowe, "N['a]t n['a]n man dhone daeg ne dhone timan dhysre
worulde geendunge, ne englas, ne nan halga, buton Gode anum."
Theah-hwaedhere, be dham tacnum the Crist saede, we geseodh thaet seo
geendung is swidhe gehende, theah dhe heo us uncudh sy.
Tha apostoli waeron gewitan Cristes weorca, fordhan dhe h['i] bodedon his
dhrowunge, and his aerist, and upstige, aerst Iudeiscre dheode, and
sydhdhan becom heora stemn to aelcum lande, and heora word to gemaerum
ealles ymbhwyrftes; fordhan dhe h['i] awriton Cristes wundra, and dha bec
thurhwuniadh on cristenre dheode, aegdher ge dhaer thaer dha apostoli
lichamlice bodedon, ge thaer dhaer h['i] na ne becomon.
Ealle gesceafta dheniadh heora Scyppende. Thatha Crist acenned waes, tha
sende seo heofen niwne steorran, dhe bodade Godes acennednysse. Eft, dhadha
he to heofonum astah, tha abeah thaet heofonlice wolcn widh his, and hine
underfeng: na thaet thaet wolcn hine ferede, fordhan dhe he hylt heofona
dhrymsetl, ac he sidhode mid tham wolcne of manna gesihdhum. Thaer waeron
dha gesewene twegen englas on hwitum gyrelum. Eac swilce on his
acennednysse waeron englas gesewene; ac thaet halige godspel ne ascyrde hu
hi gefreatwode waeron; fordhan dhe God com to us swidhe eadmod. On his
upstige waeron gesewene englas mid hwitum gyrlum geglengede. Bliss is {300}
getacnod on hwitum reafe, fordhon dhe Crist ferde heonon mid micelre blisse
and mid micclum dhrymme. On his acennednysse waes gedhuht swilce seo
Godcundnys waere geeadmet, and on his upstige waes seo menniscnys ahafen
and gemaersod. Mid his upstige is adylegod thaet cyrographum ure
genidherunge, and se cwyde ure brosnunge is awend.
Thadha Adam agylt haefde, tha cwaedh se Aelmihtiga Wealdend him to, "Thu
eart eordhe, and thu gewenst to eordhan. Dhu eart dust, and thu gewenst to
duste." Nu to-daeg thaet ylce gecynd ferde unbrosnigendlic into heofenan
rice. Tha twegen englas saedon thaet Crist cymdh swa swa he uppferde,
fordhan dhe he bidh gesewen on dham micclum dome on menniscum hiwe, thaet
his slagan hine magon oncnawan, the hine aer to deadhe gedydon, and eac dha
dhe his lare forsawon, thaet hi dhonne rihtlice onf['o]n thaet ece wite mid
deofle. Thaet halige gewrit cwydh, "Tollatur impius ne uideat gloriam Dei:"
"Sy dham arleasan aetbroden seo gesihdh Godes wuldres." Ne geseodh tha
arleasan Cristes wuldor, dhe hine aer on life forsawon, ac hi geseodh
thonne egefulne thone dhe hi eadmodne forhygedon.
Recumbentibus undecim discipulis: et reliqua. We habbadh nu geraed Lucas
gesetnysse embe Cristes upstige; nu wende we ure smeagunge to dham odhrum
godspellere Marcum, the cwaedh on dhisum daegdherlicum godspelle, thaet se
Haelend aeteowde hine sylfne his apostolum and cidde him, fordhan dhe hi
noldon aet fruman gelyfan his aeristes of deadhe, dhadha hit him gecydd
waes. Tha cwaedh se Wealdend to his gingrum, "Faradh geond ealne
middangeard, and bodiadh godspel eallum gesceafte: sedhe gelyfdh and bidh
gefullod, se bidh gehealden; se dhe ne gelyfdh, he bidh genydherod. Dhas
tacnu fyligadh tham mannum the gelyfadh," etc. This godspel is nu
anfealdlice ges['ae]d, ac we willadh nu, aefter Gregories trahtnunge, tha
digelnysse eow onwre['o]n.
Dhaera apostola tweonung be Cristes aeriste naes na swa swidhe heora
ungeleaffulnys, ac waes ure trumnys. Laes us {302} fremodon tha dhe hradhe
gelyfdon, dhonne dha the twynigende waeron; fordhan dhe hi sceawedon and
grapodon dha dolhswadhu Cristes wunda, and swa adraefdon ealle twynunga
fram ure heortan. Tha dhreade se Haelend his leorning-cnihta twynunge,
dhadha h['e] lichamlice h['i] forlaetan wolde, to dhi thaet h['i] gemyndige
waeron dhaera worda the h['e] on his sidhe him saede. He cwaedh tha,
"Faradh geond ealne middangeard, and bodiadh godspel eallum gesceafte."
Godspel is us to gehyrenne, and dhearle lufigendlic, thaet we moton
forbugan helle-wite and dha hreowlican tintrega thurh dhaes Haelendes
menniscnysse, and becuman to engla werode thurh his eadmodnysse. He cwaedh,
"Bodiadh eallum gesceafte:" ac mid tham naman is se mann ['a]na getacnod.
Stanas sind gesceafta, ac h['i] nabbadh nan l['i]f, ne h['i] ne gefredadh.
Gaers and treowa lybbadh butan felnysse; h['i] ne lybbadh na dhurh sawle,
ac dhurh heora grennysse. Nytenu lybbadh and habbadh felnysse, butan
gesceade: h['i] nabbadh nan gescead, fordhan dhe h['i] sind sawullease.
Englas lybbadh, and gefredadh, and tosceadadh. Nu haefdh se mann ealra
gesceafta sum dhing. Him is gemaene mid stanum, thaet he beo wunigende; him
is gemaene mid treowum, thaet he lybbe; mid nytenum, thaet he gefrede; mid
englum, thaet he understande. Nu is se mann gecweden 'eall gesceaft,'
fordhan dhe he haefdh sum dhing gemaene mid eallum gesceafte. Thaet godspel
bidh gebodad eallum gesceafte, thonne hit bidh dham menn anum gebodad,
fordhan dhe ealle eordhlice thing sind gesceapene for dham men anum, and
h['i] ealle habbadh sume gelicnysse to dham men, swa swa we aer saedon.
"Se dhe gelyfdh, and bidh gefullod, he bidh gehealden; and se dhe ne
gelyfdh, he bidh genidherod." Se geleafa bidh sodh sedhe ne widhcwydh mid
thweorum dheawum thaet thaet he gelyfdh; be dham cwaedh Iohannes se
apostol, "Se dhe cwydh thaet he God cunne, and his beboda ne hylt, he is
leas." Eft cwydh se apostol Iacobus, "Se geleafa dhe bidh butan godum
weorcum, se bidh dead." Eft he cwaedh, "Hwaet fremadh the thaet dhu haebbe
geleafan, gif dhu naefst dha godan weorc? Ne maeg {304} se geleafa dhe
gehealdan butan dham weorcum. Deoflu gelyfadh, ac h['i] forhtiadh." Tha
deoflu gesawon Crist on dhisum life on dhaere menniscnysse, ac hi feollon
to his fotum, and hrymdon, and cwaedon, "Thu eart Godes Sunu, fordhi dhu
come thaet dhu woldest us ford['o]n." Se man dhe nele gelyfan on God, ne
naenne Godes ege naefdh, he bidh wyrsa thonne deofol. Se dhe gelyfdh, and
haefdh ege, and nele dheah-hwaedhere g['o]d wyrcan, se bidh thonne deoflum
gelic.
In quodam tractu, qui estimatur S[=ci] Hilarii fuisse, sic inuenimus
scriptum, sicut Anglice hic interpretauimus, et ad testimonium ipsam
Latinitatem posuimus: "Demones credunt et contremescunt; qui autem non
credit, et non contremescit demonibus deterior est: qui autem credit, et
contremescit, et ueritatem operibus non agit demonibus similis est." Se dhe
rihtlice gelyfdh, and rihtlice his lif leofadh, and mid Godes ege g['o]d
weorc begaedh odh ende his lifes, se bidh gehealden, and he haefdh ece
l['i]f mid Gode, and mid eallum his halgum. Drihten cwaedh, tha dhe
gelyfadh, him fyligadh thas tacnu, "On minum naman h['i] adraefadh deoflu;
h['i] sprecadh mid niwum gereordum; h['i] afyrsiadh naeddran; and dheah dhe
h['i] unlybban drincan, hit him ne deradh; h['i] settadh heora handa ofer
adlige men, and him bidh tela."
Thas wundra waeron nyd-behefe on anginne cristendomes, fordhan dhurh dha
tacna weardh thaet haedhene folc gebiged to geleafan. Se man dhe plantadh
treowa odhdhe wyrta, swa lange he h['i] waeteradh odhthaet h['i] beodh
cidhfaeste; sydhdhan h['i] growende beodh he geswycdh thaere waeterunge:
swa eac se Aelmihtiga God, swa lange he aeteowde his wundra dham haedhenum
folce, odhthaet h['i] geleaffulle waeron: sydhdhan se geleafa sprang geond
ealne middangeard, sidhdhan geswicon dha wundra. Ac dheah-hwaedhere Godes
geladhung wyrcdh gyt daeghwamlice tha ylcan wundra gastlice the dha
apostoli dha worhton lichamlice. Thonne se preost cristnadh thaet cild,
thonne adraefdh he dhone deofol of dham cilde; fordhan dhe aelc haedhen man
bidh deofles, ac thurh {306} thaet halige fulluht he bidh Godes, gif he hit
gehylt. Se dhe forlaet bysmorlice spellunga, and talu, and derigendlice
gaffetunga, and gebysegadh his mudh mid Godes herungum and gebedum, he
sprecdh thonne mid niwum gereordum. Se dhe ungeradum odhdhe ungedhyldigum
styrdh, and tha biternysse his heortan gestildh, he afyrsadh tha naeddran,
fordhan dhe he adwaescdh tha yfelnyssa his modes. Se dhe bidh forspanen to
forligre, and dheah-hwaedhere ne bidh gebiged to dhaere fremminge, he
drincdh unlybban, ac hit him ne deradh, gif he mid geb['e]dum to Gode
flihdh. Gif hwa bidh geuntrumod on his anginne, and asolcen fram godre
drohtnunge, gif hine hwa dhonne mid tihtinge and gebisnungum godra weorca
getrymdh and araerdh, thonne bidh hit swilce he sette his handa ofer
untrumne and hine gehaele.
Tha gastlican wundra sind maran thonne tha lichamlican waeron, fordhan dhe
dhas wundra gehaeladh thaes mannes sawle, dhe is ece, and dha aerran tacna
gehaeldon thone deadlican lichaman. Tha aerran wundra worhton aegdher ge
g['o]de men ge yfele. Yfel waes Iudas, dhe Crist belaewde, theah he worhte
wundra aeror dhurh Godes naman. Be swylcum mannum cwaedh Crist on odhre
stowe, "Ic secge eow, manega cwedhadh to me on dham micclan daege, Drihten,
Drihten, la h['u] ne witegode we on dhinum naman, and we adraefdon deoflo
of wodum mannum, and we micele mihta on thinum naman gefremedon? Thonne
andette ic him, Ne can ic eow: gewitadh fram me, ge unrihtwise wyrhtan."
Mine gebrodhru, ne lufige ge dha wundra the magon beon gemaene godum and
yfelum, ac lufiadh tha tacna the sind sinderlice godra manna, thaet synd
sodhre lufe and arfaestnysse tacna. Naefdh se yfela dha sodhan lufe, ne se
g['o]da nys hyre bedaeled. Thas tacna sind digle and unpleolice, and h['i]
habbadh swa miccle maran edlean aet Gode, swa micclum swa heora wuldor is
laesse mid mannum. Se Wealdenda Drihten, aefter dhisum wordum, waes genumen
to heofonum, and sitt on dha swidhran hand his Faeder.
We raedadh on dhaere ealdan ['ae], thaet twegen Godes men, {308} Enoh and
Helias, waeron ahafene to heofonum butan deadhe: ac h['i] elciadh ongean
dhone deadh, and mid ealle ne forfleodh. H['i] sind genumene to lyftenre
heofenan na to rodorlicere, and drohtniadh on sumum diglan earde mid
micelre strencdhe lichaman and sawle, odhthaet hi eft ongean cyrron, on
ende thisre worulde, togeanes Antecriste, and deadhes onfodh. Ure
Aelmihtiga Alysend ne elcode na ongean thone deadh, ac he hine oferswidhde
mid his aeriste, and geswutulode his wuldor thurh his upstige to dham
yfemystan thrymsetle.
We raedadh be dham witegan Heliam, thaet englas hine feredon on heofonlicum
craete, fordhan dhe seo untrumnys his gecyndes behofode sumes byrdhres. Ure
Alysend Crist naes geferod mid craete ne dhurh engla fultum; fordhan se dhe
ealle dhing geworhte, he waes geferod mid his agenre mihte ofer ealle
gesceafta. Se aerra man Enoh waes geferod to lyftenre heofonan, and Helias
waes mid craete up-awegen; ac se Aelmihtiga Haelend naes gefered ne awegen,
ac he dhurhferde dha roderlican heofonan thurh his agene mihte.
Us is to smeagenne hu seo claennys waes dheonde geond tha geferedan dhenas,
and thurh dhone astigendan Haelend. Enoh waes geferod, sedhe waes mid
haemede gestryned, and mid haemede waes strynende. Helias waes on craete
geferod, sedhe waes thurh haemed gestryned, ac he ne strynde thurh haemed,
fordhan dhe he wunade on his life butan wife. Se Haelend astah to heofonum,
sedhe naes mid haemede gestryned, ne he sylf strynende naes; fordhan dhe he
is ord and anginn ealra claennyssa, and him is seo claennys swidhe
lufigendlic maegen, thaet he geswutulode dhadha he geceas him maeden-mann
to meder. And eall se halga heap dhe him fyligde waes on claennysse
wunigende, swa swa he cwaedh sumum godspelle, "Se dhe to me cymdh, ne maeg
he beon min leorning-cniht, buton he his wif hatige."
Se godspellere Marcus awr['a]t on dhisum godspelle, thaet ure Drihten,
aefter his upstige, saete on his Faeder swidhran hand; and se forma martyr
Stephanus cwaedh, thaet he gesawe {310} heofonas opene, and dhone Haelend
standan on his Faeder swidhran. Nu cwydh se trahtnere, "Thaet rihtlice is
gecweden, thaet he saete aefter his upstige, fordhan dhe deman gedafnadh
setl." Crist is se sodha dema, the demdh and toscaet ealle dhing, nu and
eac on dham endenextan daege. Se martyr hine geseah standan, fordhan dhe
h['e] waes his gefylsta on dhaere dhrowunge his martyrdomes, and dhurh his
gife he waes gebyld ongean dha redhan ehteras, dhe hine waelhreowlice
staendon.
Se ende is dhises godspelles, Thaet Cristes apostoli "ferdon and bodedon
gehwaer, Drihtne samod wyrcendum, and dha spraece getrymmendum mid
aefterfyligendum tacnum." Tha apostoli, thaet sind Godes bydelas, toferdon
geond ealne middangeard. Petrus bodade on Iudea-lande, Paulus on haedhenum
folce, Andreas on Scithia, Iohannes on Asia, Bartholomeus on India, Matheus
on Ethiopia, and swa heora gehwilc on his daele, and Godes miht him waes
mid, to gefremminge heora bodunga and ungerimra tacna; fordhan dhe Crist
cwaedh, "Ne mage ge n['a]n dhing d['o]n butan me." Eft he cwaedh, "Ic beo
mid eow eallum dagum, odh thisre worulde geendunge," sedhe lyfadh and
rixadh mid tham Aelmihtigan Faeder and dham Halgum Gaste ['a] on ecnysse.
Amen.