Aelc cristen man sceal aefter rihte cunnan aegdher ge his Pater noster ge
his Credan. Mid tham Pater nostre he sceal hine gebiddan, mid dham Credan
he sceal his geleafan getrymman. We habbadh gesaed embe thaet Pater noster,
nu we wylladh secgan eow thone geleafan the on dham Credan stent, swa swa
se w['i]sa Augustinus be dhaere Halgan Thrynnysse trahtnode.
An Scyppend is ealra dhinga, gesewenlicra and ungesewenlicra; and we
sceolon on hine gelyfan, fordhon dhe h['e] is sodh God and ['a]na
Aelmihtig, sedhe naefre ne ongann ne anginn naefde; ac he sylf is anginn,
and he eallum gesceaftum anginn and ordfruman forgeaf, thaet h['i] beon
mihton, and thaet h['i] haefdon agen gecynd, swa swa hit thaere
godcundlican fadunge {276} gelicode. Englas he worhte, tha sind gastas, and
nabbadh naenne lichaman. Menn he gesceop mid gaste and mid lichaman. Nytenu
and deor, fixas and fugelas he gesceop on flaesce butan s['a]wle. Mannum he
gesealde uprihtne gang; dha nytenu he l['e]t g['a]n alotene. Mannum he
forgeaf hl['a]f to bigleofan, and tham nytenum gaers.
Nu mage ge, gebrodhru, understandan, gif ge wylladh, thaet twa dhing
syndon: ['a]n is Scyppend, odher is gesceaft. He is Scyppend sedhe gesceop
and geworhte ealle dhing of nahte. Thaet is gesceaft thaet se sodha
Scyppend gesceop. Thaet sind aerest heofonas, and englas the on heofonum
wuniadh, and sydhdhan theos eordhe mid eallum dham dhe hire on eardiadh,
and s['ae] mid eallum dham the hyre on swymmadh. Nu ealle dhas dhing synd
mid anum naman genemnode, gesceaft. Hi naeron aefre wunigende, ac God hi
gesceop. Tha gesceafta sind fela. An is se Scyppend the hi ealle gesceop,
se ana is Aelmihtig God. He waes aefre, and aefre he bidh thurhwunigende on
him sylfum and dhurh hine sylfne. Gif he ongunne and anginn haefde, butan
tweon ne mihte he beon Aelmihtig God; sodhlice thaet gesceaft dhe ongann
and gesceapen is, naefdh nane godcundnysse; fordhi aelc edwist thaette God
nys, thaet is gesceaft; and thaet the gesceaft nis, thaet is God.
Se God wunadh on Dhrynnysse ['u]ntodaeledlic, and on ['a]nnysse ['a]nre
Godcundnysse, sodhlice odher is se Faeder, odher is se Sunu, odher is se
Halga Gast; ac theah-hwaedhere dhaera dhreora is ['a]n Godcundnys, and
gel['i]c wuldor, and efen-ece maegendhrymnys. Aelmihtig God is se Faeder,
Aelmihtig God is se Sunu, Aelmihtig God is se Halga Gast; ac
theah-hwaedhere ne sind dhry Aelmihtige Godas, ac ['a]n Aelmihtig God. Dhry
h['i] sind on hadum and on naman, and ['a]n on Godcundnysse. Thry, fordhi
the se Faeder bidh aefre Faeder, and se Sunu bidh aefre Sunu, and se Halga
Gast bidh aefre Halig Gast; and hyra n['a]n ne awent naefre of dham dhe he
is. Nu habbadh ge gehyred tha Halgan Thrynnysse; ge sceolon eac gehyran dha
sodhan Annysse.
{278} Sodhlice se Faeder, and se Sunu, and se Halga Gast, habbadh ['a]ne
Godcundnysse, and ['a]n gecynd, and ['a]n weorc. Ne worhte se Faeder n['a]n
dhing ne ne wyrcdh, butan dham Suna, odhdhe butan tham Halgan Gaste. Ne
heora n['a]n ne wyrcdh n['a]n dhing butan odhrum; ac him eallum is ['a]n
weorc, and ['a]n r['ae]d, and ['a]n willa. Aefre waes se Faeder, and aefre
waes se Sunu, and aefre waes se Halga Gast ['a]n Aelmihtig God. Se is
Faeder, sedhe nis nadher ne geboren ne gesceapen fram nanum odhrum. Se is
Faeder geh['a]ten, fordhan dhe he haefdh Sunu, dhone dhe he of him sylfum
gestrynde, butan aelcre meder. Se Faeder is God of nanum Gode. Se Sunu is
God of dham Faeder Gode. Se Halga Gast is God fordhstaeppende of dham
Faeder and of dham Suna. Thas word sind sceortlice gesaede, and eow is neod
thaet we hi swutelicor eow onwreon.
Hwaet is se Faeder? Aelmihtig Scyppend, na geworht ne acenned, ac h['e]
sylf gestrynde Bearn him sylfum efen-ece. Hwaet is se Sunu? He is dhaes
Faeder Wisdom, and his Word, and his Miht, thurh dhone se Faeder gesceop
ealle dhing and gefadode. Nis se Sunu na geworht ne gesceapen, ac he is
acenned. Acenned he is, and theah-hwaethere he is efen-eald and efen-ece
his Faeder. Nis na swa on his acennednysse swa swa bidh on ure
acennednysse. Thonne se mann sunu gestryndh, and his cild acenned bidh,
thonne bidh se faeder mara, and se sunu laessa. Hw['i] swa? Fordhi thonne
se sunu wyxdh, thonne ealdadh se faeder. Ne fintst thu na gelice on mannum
faeder and sunu. Ac ic dhe sylle bysne, hu dhu Godes acennednysse thy bet
understandan miht. Fyr acendh of him beorhtnysse, and seo beorhtnys is
efen-eald tham fyre. Nis na thaet fyr of dhaere beorhtnysse, ac seo
beorhtnys is of dham fyre. Thaet fyr acendh tha beorhtnysse, ac hit ne bidh
naefre butan dhaere beorhtnysse. Nu dhu gehyrst thaet seo beorhtnys is
ealswa eald swa thaet fyr the heo of cymdh; gedhafa nu fordhi thaet God
mihte gestrynan ealswa eald Bearn, and ealswa ece swa he sylf is. Se dhe
maeg understandan thaet ure Haelend Crist is on dhaere Godcundnysse ealswa
eald swa his Faeder, {280} h['e] dhancige thaes Gode, and blissige. Sedhe
understandan ne maeg, he hit sceal gelyfan, thaet he hit understandan
maege; fordhan thaes witegan word ne maeg beon a['i]dlod, dhe thus cwaedh,
"Buton ge hit gelyfan, ne mage ge hit understandan." Nu habbadh ge gehyred
thaet se Sunu is of dham Faeder butan aelcum anginne; fordhan dhe he is
thaes Faeder Wisdom, and he waes aefre mid tham Faeder, and aefre bidh.
Uton nu gehyran be dhan Halgan Gaste, hwaet he s['y]. He is se Willa and
seo sodhe Lufu thaes Faeder and thaes Suna, dhurh dhone sind ealle dhing
gel['i]ffaeste and gehealdene, be dham is thus gecweden, "Godes Gast
gefyldh ealne ymbhwyrft middangeardes, and he hylt ealle dhing, and he
haefdh ingeh['y]d aelces gereordes." Nis h['e] geworht, ne gesceapen, ne
acenned, ac h['e] is fordhstaeppende, thaet is ofgangende, of dham Faeder
and of dham Suna, tham h['e] is gelic and efen-ece. Nis se Halga Gast na
Sunu, fordhan dhe h['e] nis na acenned, ac h['e] gaedh of dham Faeder and
of dham Suna gelice; fordhan dhe h['e] is heora beigra Willa and Lufu.
Crist cwaedh thus be him on his godspelle, "Se Frofor-g['a]st, the ic eow
asendan wille, Gast dhaere sodhfaestnysse, dhe of minum Faeder gaedh, he
cydh gecydhnysse be me." Thaet is, He is min gewita thaet ic eom Godes
Sunu. And eac se rihta geleafa us taecdh, thaet we sceolon gelyfan on dhone
Halgan Gast: he is se liffaestenda God, se gaedh of dham Faeder and of dham
Suna. Hu gaedh h['e] of him? Se Sunu is thaes Faeder Wisdom, aefre of dham
Faeder; and se Halga Gast is heora beigra Willa, aefre of him b['a]m. Is
fordhi thonne ['a]n Faeder, sedhe aefre is Faeder, and ['a]n Sunu, sedhe
aefre bidh Sunu, and ['a]n Halig Gast, sedhe aefre is Halig Gast.
Aefre waes se Faeder, butan anginne; and aefre waes se Sunu mid tham
Faeder, fordhan dhe he is thaes Faeder Wisdom; aefre waes se Halga Gast,
sedhe is heora beigra Willa and Lufu. Nis se Faeder of nanum odhrum, ac he
waes aefre. Se Sunu is acenned of dham Faeder, ac he waes aefre on dhaes
Faeder {282} bosme, fordhan dhe he is his Wisdom, and he is of dham Faeder
eal thaet he is. Aefre waes se Halga Gast, fordhan dhe he is, swa we ['ae]r
cwaedon, Willa and sodh Lufu thaes Faeder and dhaes Suna; sodhlice willa
and lufu getacniadh an dhing: thaet thaet thu wylt, thaet dhu lufast; and
thaet thaet dhu nelt, thaet dhu ne lufast.
Seo sunne dhe ofer us scindh is lichamlic gesceaft, and haefdh swa-dheah
dhreo agennyssa on hire: an is seo lichamlice edwist, thaet is dhaere
sunnan trendel; odher is se leoma odhdhe beorhtnys aefre of dhaere sunnan,
seodhe onliht ealne middangeard; thridde is seo haetu, the mid tham leoman
cymdh to ['u]s. Se leoma is aefre of dhaere sunnan, and aefre mid hire; and
dhaes Aelmihtigan Godes Sunu is aefre of dham Faeder acenned, and aefre mid
him wunigende; be dham cwaedh se apostol, thaet he waere his Faeder wuldres
beorhtnys. Dhaere sunnan haetu gaedh of hire and of hire leoman; and se
Halga Gast gaedh aefre of dham Faeder and of tham Suna gelice; be dham is
thus awriten, "Nis n['a]n the hine behydan maege fram his haetan."
Faeder, and Sunu, and Halig Gast ne magon beon togaedere genamode, ac h['i]
ne beodh swa-theah nahw['a]r totwaemede. Nis se Aelmihtiga God na
dhryfeald, ac is Dhrynnys. God is se Faeder, and se Sunu is God, and se
Halga Gast is God: na dhry Godas, ac h['i] ealle dhry ['a]n Aelmihtig God.
Se Faeder is eac wisdom of nanum odhrum wisdome. Se Sunu is wisdom of dham
wisan Faeder. Se Halga Gast is wisdom. Ac dheah-hwaedhere h['i] sind ealle
aetgaedere ['a]n wisdom. Eft se Faeder is sodh lufu, and se Sunu is sodh
lufu, and se Halga Gast is sodh lufu; and h['i] ealle aetgaedere ['a]n God
and ['a]n sodh lufu. Eac swilce is se Faeder gast and halig, and se Sunu is
gast and halig untwylice; theah-hwaedhere se Halga Gast is synderlice
geh['a]ten Halig Gast, thaet thaet h['i] ealle dhry sind gemaenelice.
Swa micel gelicnys is on dhyssere Halgan Dhrynnysse, thaet se Faeder nis na
mare thonne se Sunu on dhaere Godcundnysse; {284} ne se Sunu nis na mare
thonne se Halgan Gast; ne nan heora ['a]n nis na laesse thonne eall seo
Dhrynnys. Swa hwaer swa heora ['a]n bidh, thaer h['i] beodh ealle dhry,
aefre ['a]n God untodaeledlic. Nis heora n['a]n m['a]re thonne odher, ne
n['a]n laessa dhonne odher; ne n['a]n beforan odhrum, ne n['a]n baeftan
odhrum; fordhan swa hwaet swa laesse bidh thonne God, thaet ne bidh na God;
thaet thaet lator bidh, thaet haefdh anginn, ac God naefdh n['a]n anginn.
Nis na se Faeder ana Dhrynnys, odhdhe se Sunu Dhrynnys, odhdhe se Halga
Gast Dhrynnys, ac thas dhry hadas sindon ['a]n God on anre Godcundnysse.
Thonne dhu gehyrst nemnan thone Faeder, thonne understenst dhu thaet he
haefdh Sunu. Eft, thonne thu cwyst Sunu, thu wast, butan tweon, thaet he
haefdh Faeder. Eft, we gelyfadh thaet se Halga Gast is aegdher ge dhaes
Faeder ge dhaes Suna Gast.
Ne bepaece n['a]n man hine sylfne, swa thaet he secge odhdhe gelyfe thaet
dhry Godas syndon; odhdhe aenig h['a]d on thaere Halgan Thrynnysse sy
unmihtigra thonne odher. Aelc dhaera threora is God, theah-hwaedhere h['i]
ealle ['a]n God; fordhan dhe h['i] ealle habbadh ['a]n gecynd, and ['a]ne
godcundnysse, and ['a]ne edwiste, and ['a]n gedheaht, and ['a]n weorc, and
['a]ne maegendhrymnysse, and gel['i]c wuldor, and efen-ece r['i]ce. Is
hwaedhere se Sunu ana geflaeschamod and geboren to men, of dham halgan
maedene Marian. Ne weardh se Faeder mid menniscnysse befangen, ac hwaedhere
h['e] asende his Sunu to ure alysednysse, and him aefre mid waes, aegdher
ge on life ge on dhrowunge, and on his aeriste, and on his upstige. Eac eal
Godes geladhung andet, on dham rihtum geleafan, thaet Crist is acenned of
dham claenan maedene Marian, and of dham Halgan Gaste. Nis se Halga Gast
theah-hwaedhere Cristes Faeder; ne n['a]n cristen man thaet naefre ne sceal
gelyfan: ac se Halga Gast is Willa thaes Faeder and dhaes Suna; fordhi
thonne swidhe rihtlice is awriten on urum geleafan, thaet Cristes
menniscnys weardh gefremmed thurh dhone Halgan Willan.
Beheald thas sunnan mid gleawnysse, on dhaere is, swa we aer cwaedon, haetu
and beorhtnys; ac seo haetu drygdh, and {286} seo beorhtnys onlyht. Odher
dhing dedh seo haetu, and odher seo beorhtnys; and dheah dhe h['i] ne magon
beon totwaemde: belimpdh, hwaedhere dheah, seo haedhung to dhaere haetan,
and seo onlihting belimpdh to dhaere beorhtnysse. Swa eac Crist ana
underfeng dha menniscnysse, and na se Faeder, ne se Halga Gast:
theah-hwaedhere h['i] waeron aefre mid him on eallum his weorcum and on
ealre his fare.
We sprecadh ymbe God, deadhlice be Undeadhlicum, tyddre be Aelmihtigum,
earmingas be Mildheortum; ac hw['a] maeg weordhfullice sprecan be dham dhe
is ['u]nasecgendlic? He is butan gemete, fordhy dhe he is aeghwaer. He is
butan getele, fordhon dhe he is aefre. He is butan h['e]fe, fordhon the he
hylt ealle gesceafta butan geswince; and he h['i] ealle gelogode on tham
dhrim dhingum, thaet is on gemete, and on getele, and on h['e]fe. Ac wite
ge thaet n['a]n man ne maeg fullice embe God sprecan, thonne we furdhon tha
gesceafta the he gesceop ne magon asmeagan, ne areccan. Hw['a] maeg mid
wordum dhaere heofenan freatewunge asecgan? Odhdhe hw['a] dhaere eordhan
waestmbaernysse? Odhdhe hw['a] heradh genihtsumlice ealra tida ymbhwyrft?
Odhdhe hw['a] ealle odhre dhing, thonne we furdhon tha lichomlican dhing,
the we onlociadh, ne magon fullice bef['o]n mid ure gesihdhe? Efne dhu
gesihst dhone mannan beforan dhe, ac on dhaere tide the dhu his neb
gesihst, thu ne gesihst na his hricg. Ealswa, gif dhu sumne cladh sceawast,
ne miht dhu hine ealne togaedere geseon, ac wenst abutan, thaet dhu ealne
hine geseo. Hwylc wundor is, gif se Aelmihtiga God is unasecgendlic and
unbefangenlic, sedhe aeghwaer is eall, and nahwar todaeled?
Nu smeadh sum undeopdhancol man, hu God maege be['o]n aeghwaer aetgaedere,
and nahwar todaeled. Beheald thas sunnan, hu heage heo astihdh, and hu heo
asent hyre leoman geond ealne middangeard, and hu heo onliht ealle dhas
eordhan the mancynn on-eardadh. Swa hradhe swa heo up-asprincdh on aerne
merigen, heo scindh on Hierusalem, and on Romebyrig, and on dhisum earde,
and on eallum eardum aetgaedere; and {288} hwaedhere heo is gesceaft, and
gaedh be Godes dihte. Hwaet wenst dhu hu miccle swidhor is Godes
andweardnys, and his miht, and his neosung aeghwaer. Him ne widhstent nan
dhing, nadher ne staenen weall ne bryden w['a]h, swa swa hi widhstandadh
thaere sunnan. Him is nan dhing digle ne uncudh. Thu gesceawast dhaes
mannes neb, and God sceawadh his heortan. Godes gast afandadh ealra manna
heortan; and dha dhe on hine gelyfadh and hine lufiadh, tha he claensadh
and gegladadh mid his neosunge, and dhaera ungeleaffulra manna heortan he
forbyhdh and onscunadh.
Wite eac gehw['a], thaet aelc man haefdh threo dhing on him sylfum
untodaeledlice and togaedere wyrcende, swa swa God cwaedh, thatha h['e]
aerest mann gesceop. He cwaedh, "Uton gewyrcean mannan to ure gelicnysse."
And h['e] worhte dha Ad['a]m to his anlicnysse. On hwilcum daele haefdh se
man Godes anlicnysse on him? On thaere sawle, na on dham lichaman. Thaes
mannes sawl haefdh on hire gecynde thaere Halgan Thrynnysse anlicnysse;
fordhan the heo haefdh on hire dhreo dhing, thaet is gemynd, and andgit,
and willa. Thurh thaet gemynd se man gedhencdh tha dhing dhe he gehyrde,
oththe geseah, oththe geleornode. Thurh thaet andgit he underst['e]nt ealle
dha dhing dhe he gehyrdh odhdhe gesihdh. Of dham willan cumadh gedhohtas,
and word, and weorc, aegdher ge yfele ge gode. An sawul is, and an l['i]f,
and an edwist, seodhe haefdh thas dhreo dhing on hire togaedere wyrcende
untodaeledlice; fordhi thaer thaet gemynd bidh thaer bidh thaet andgit and
se willa, and aefre h['i] beodh togaedere. Theah-hwaedhere nis nan dhaera
dhreora seo sawul, ac seo sawul thurh thaet gemynd gemandh, thurh thaet
andgit heo understent, thurh dhone willan heo wile swa hwaet swa hire
licadh; and heo is hwaedhere ['a]n sawl and ['a]n l['i]f. Nu haefdh heo
fordhi Godes anlicnysse on hire, fordhan dhe heo haefdh threo dhing on hire
untodaeledlice wyrcende. Is hwaedhere se man ['a]n man, and na dhrynnys:
God sodhlice, Faeder and Sunu and H['a]lig Gast, thurhwunadh on dhrynnysse
hada, and on annysse anre godcundnysse. Nis na se man on dhrynnysse {290}
wunigende, swa swa God, ac he haefdh hwaedhere Godes anlicnysse on his
sawle thurh dha dhreo dhing the we aer cwaedon.
Arrius hatte an gedwolman, se fl['a]t widh aenne bisceop the waes genemned
Alexander, w['i]s and riht-gelyfed. Tha cwaedh se gedwolman thaet Crist,
Godes Sunu, ne mihte na beon his Faeder gelic, ne swa mihtig swa he; and
cwaedh, thaet se Faeder waere aer se Sunu, and nam bysne be mannum, hu aelc
sunu bidh gingra thonne se faeder on dhisum life. Tha cwaedh se halga
bisceop Alexander him togeanes, "God waes aefre, and aefre waes his Wisdom
of him acenned, and se Wisdom is his Sunu, ealswa mihtig swa se Faeder."
Tha begeat se gedwola thaes caseres fultum to his gedwylde, and cwaedh
gem['o]t ongean dhone bisceop, and wolde gebigan eal thaet folc to his
gedwyldum. Tha wacode se bisceop ane niht on Godes cyrcan, and clypode to
his Drihtne, and dhus cwaedh, "Dhu Aelmihtiga God, d['e]m rihtne d['o]m
betwux me and Arrium." Hi comon dha thaes on mergen to dham gemote. Tha
cwaedh se gedwola to his geferum, thaet he wolde g['a]n embe his neode
fordh. Thadha he to gange c['o]m and he ges['ae]t, tha gewand him ['u]t
eall his innewearde aet his setle, and he saet thaer dead. Tha geswutulode
God thaet he waes swa geaemtogod on his innodhe swa swa he waes ['ae]r on
his geleafan. He wolde d['o]n Crist laessan thonne he is, and his
godcundnysse wurdhmynt wanian; tha weardh him swa bysmorlic deadh geseald
swa swa he wel wyrdhe waes.
Odher gedwolman waes se hatte Sabellius. He cwaedh, thaet se Faeder waere,
thatha he wolde, Faeder; and eft, dhadha he wolde, he waere Sunu; and eft,
dhadha he wolde, waere H['a]lig Gast; and waere fordhi ['a]n God. Tha
forweardh eac thes gedwola mid his gedwylde.
Nu eft thaet Iudeisce folc dhe Crist ofslogon, swa swa h['e] sylf wolde and
gedhafode, secgadh thaet h['i] willadh gelyfan on thone Faeder, and na on
dhone Sunu dhe hyra magas ofslogon. Heora geleafa is naht, and hi fordhi
losiadh. For ure alysednysse Crist gedhafode thaet h['i] hine ofslogon. Hit
ne mihte {292} eal mancynn ged['o]n, gif he sylf nolde; ac se Halga Faeder
gesceop and geworhte mancyn thurh his Sunu, and he wolde eft thurh dhone
ylcan us alysan fram helle-w['i]te, dhadha we forwyrhte waeron. Buton
aelcere dhrowunge he mihte us habban, ac him dhuhte thaet unrihtlic. Ac se
deofol forwyrhte hine sylfne, dhadha h['e] tihte thaet Iudeisce folc to
dhaes Haelendes slege, and we wurdon alysede, thurh his unscyldigan deadh,
fram dham ecan deadhe.
We habbadh thone geleafan dhe Crist sylf taehte his apostolum, and hi
eallum mancynne; and dhone geleafan God haefdh mid manegum wundrum
getrymmed and gefaestnod. Aerest Crist dhurh hine sylfne dumbe and deafe,
healte and blinde, wode and hreoflige gehaelde, and dha deadan to l['i]fe
araerde: sydhdhan, thurh his apostolas and odhre halige men, thas ylcan
wundra geworhte. Nu eac on urum timan, gehwaer thaer halige men h['i]
restadh, aet heora deadum banum God wyrcdh fela wundra, to dhi thaet he
wile folces geleafan mid tham wundrum getrymman. Ne wyrcdh God na thas
wundra aet nanes Iudeisces mannes byrgene, ne aet nanes odhres gedwolan, ac
aet riht-gelyfedra manna byrgenum, dha dhe gelyfdon on dha Halgan
Dhrynnysse, and on sodh Annysse anre Godcundnysse.
Wite gehw['a] eac, thaet nan man ne mot beon tuwa gefullod; ac gif se man
aefter his fulluhte aslide, we gelyfadh thaet he maege beon gehealden, gif
he his synna mid wope behreowsiadh, and be lareowa taecunge h['i] gebet. We
sceolon gelyfan thaet aelces mannes sawul bidh thurh God gesceapen, ac
hwaedhere heo ne bidh na of Godes agenum gecynde. Thaes mannes lichaman
antimber bidh of dham faeder and of dhaere meder, ac God gescypdh thone
lichaman of dham antimbre, and asent on thone lichaman sawle. Ne bidh seo
sawl nahwar wunigende ['ae]ror, ac God h['i] gescypdh thaerrihte, and beset
on dhone lichaman, and laet h['i] habban agenne cyre, swa heo syngige swa
heo synna forbuge. Theah-hwaedhere heo beh['o]fadh aefre Godes fultumes,
thaet heo maege synna forbugan, and eft to hyre Scyppende gecuman thurh
gode geearnunga; fordhon dhe nan man ne dedh butan Gode nan dhing to
g['o]de.
{294} Eac we sceolon gelyfan thaet aelc lichama dhe sawle underfeng sceal
arisan on domes daege mid tham ylcum lichaman the he nu haefdh, and sceal
onf['o]n edlean ealra his daeda: thonne habbadh dha g['o]dan ece l['i]f mid
Gode, and he syldh tha m['e]de aelcum be his geearnungum. Tha synfullan
beodh on helle-wite ['a] dhrowigende, and heora wite bidh eac gemetegod
aelcum be his ge-earnungum. Uton fordhi geearnian thaet ece l['i]f mid Gode
thurh dhisne geleafan, and dhurh gode geearnunga, sedhe thurhwunadh on
Dhrynnysse ['a]n Aelmihtig God ['a]['a] on ecnysse. Amen.