Abiit Iesus trans mare Galileae: et reliqua.
"Se Haelend ferde ofer dha Galileiscan s['ae], the is gehaten Tyberiadis,
and him filigde micel menigu, fordhon the hi {182} beheoldon dha tacna the
h['e] worhte ofer dha untruman men. Tha astah se Haelend up on ane dune,
and thaer s['ae]t mid his leorning-cnihtum, and waes dha swidhe gehende seo
halige Eastertid. Tha beseah se Haelend up, and geseah thaet dhaer waes
mycel mennisc toweard, and cwaedh to anum his leorning-cnihta, se waes
geh['a]ten Philippus, Mid hwam mage we bicgan hl['a]f dhisum folce? This he
cwaedh to f['a]ndunge thaes leorning-cnihtes: he sylf wiste hwaet he d['o]n
wolde. Dha andwyrde Philippus, Theah her waeron gebohte twa hund
peningwurdh hlafes, ne mihte furdhon hyra aelc anne bitan of dham
gelaeccan. Tha cwaedh an his leorning-cnihta, se h['a]tte Andreas, Petres
brodhor, Her byrdh ['a]n cnapa fif berene hlafas, and twegen fixas, ac to
hw['a]n maeg thaet to swa micclum werode? Tha cwaedh se Haelend, Dodh thaet
thaet folc sitte. And thaer waes micel g['ae]rs on dhaere stowe myrige on
to sittenne. And h['i] dha ealle saeton, swa swa mihte beon f['i]f dhusend
wera. Dha genam se Haelend tha f['i]f hl['a]fas, and bletsode, and tobraec,
and todaelde betwux dham sittendum: swa gel['i]ce eac tha fixas todaelde;
and h['i] ealle genoh haefdon. Thadha h['i] ealle fulle waeron, dha cwaedh
se Haelend to his leorning-cnihtum, Gaderiadh tha lafe, and h['i] ne
losion. And hi dha gegaderodon dha bricas, and gefyldon twelf wilian mid
dhaere lafe. Thaet folc, dha dhe dhis tacen geseah, cwaedh thaet Crist
waere sodh witega, sedhe waes toweard to dhisum middangearde."
Seo s['ae], the se Haelend oferferde, getacnadh thas andweardan woruld, to
dhaere com Crist and oferferde; thaet is, he com to dhisre worulde on
menniscnysse, and dhis lif oferferde; he com to deadhe, and of deadhe aras;
and astah up on ane dune, and thaer saet mid his leorning-cnihtum, fordhon
dhe he astah up to heofenum, and thaer sitt nudha mid his halgum. Rihtlice
is seo s['ae] widhmeten thisre worulde, fordhon dhe heo is hw['i]ltidum
smylte and myrige ['o]n to rowenne, hwilon eac swidhe hreoh and egeful on
to beonne. Swa is theos woruld; hw['i]ltidum heo is gesundful and myrige on
to wunigenne, hwilon heo is eac swidhe styrnlic, and mid mislicum thingum
{184} gemenged, swa thaet heo for oft bidh swidhe unwynsum on to
eardigenne. Hwilon we beodh hale, hwilon untrume; nu blidhe, and eft on
micelre unblisse; fordhy is this l['i]f, swa swa we aer cwaedon, thaere
s['ae] widhmeten.
Tha se Haelend gesaet up on dhaere dune, dha ah['o]f h['e] up his eagan,
and ges['e]h thaet dhaer waes micel mennisc toweard. Ealle tha dhe him to
cumadh, thaet is dha dhe bugadh to rihtum geleafan, tha gesihdh se Haelend,
and tham h['e] gemiltsadh, and hyra mod onliht mid his gife, thaet h['i]
magon him to cuman butan gedwylde, and dham h['e] forgifdh dhone gastlican
fodan, thaet h['i] ne ateorian be wege. Thadha he axode Philippum, hwanon
h['i] mihton hl['a]f dham folce gebicgan, dha geswutelode h['e] Philippes
nytennysse. Wel wiste Crist hwaet h['e] d['o]n wolde, and he wiste thaet
Philippus thaet nyste. Dha cwaedh Andreas, thaet an cnapa thaer baere fif
berene hlafas and twegen fixas. Tha cwaedh se Haelend, "Dodh thaet thaet
folc sitte," and swa fordhon swa we eow aer rehton. Se Haelend geseh thaet
hungrige folc, and h['e] h['i] mildheortlice fedde, aegdher ge thurh his
g['o]dnysse ge thurh his mihte. Hwaet mihte seo g['o]dnys ana, buton dhaer
waere miht mid thaere g['o]dnysse? His discipuli woldon eac thaet folc
fedan, ac h['i] naefdon mid hwam. Se Haelend haefde thone g['o]dan willan
to dham fostre, and tha mihte to dhaere fremminge.
Fela wundra worhte God, and daeghwamlice wyrcdh; ac dha wundra sind swidhe
aw['a]code on manna gesihdhe, fordhon dhe h['i] sind swidhe gewunelice.
Mare wundor is thaet God Aelmihtig aelce daeg f['e]t ealne middangeard, and
gewissadh tha g['o]dan, thonne thaet wundor waere, thaet he tha gefylde fif
dhusend manna mid fif hlafum: ac dhaes wundredon men, na fordhi thaet hit
mare wundor waere, ac fordhi thaet hit waes ungewunelic. Hwa syldh nu
waestm urum aecerum, and gemenigfylt thaet gerip of feawum cornum, buton se
dhe dha gemaenigfylde dha fif hlafas? Seo miht waes dha on Cristes handum,
and tha fif hlafas waeron swylce hit saed waere, na on eordhan besawen, ac
gemenigfyld fram dham dhe eordhan geworhte.
{186} This wundor is swidhe micel, and deop on getacnungum. Oft gehwa
gesihdh faegre stafas awritene, thonne heradh he dhone writere and tha
stafas, and nat hwaet hi maenadh. Se dhe cann dhaera stafa gescead, he
heradh heora faegernysse, and raed tha stafas, and understent hwaet h['i]
gemaenadh. On odhre wisan we sceawiadh metinge, and on odhre wisan stafas.
Ne gaedh na mare to metinge buton thaet thu hit geseo and herige: nis na
gen['o]h thaet thu stafas sceawige, buton dhu h['i] eac raede, and thaet
andgit understande. Swa is eac on dham wundre the God worhte mid tham fif
hlafum: ne bidh na gen['o]h thaet we thaes tacnes wundrian, oththe thurh
thaet God herian, buton we eac thaet gastlice andgit understandon.
Tha fif hlafas dhe se cnapa baer getacniadh tha fif b['e]c dhe Moyses se
heretoga sette on dhaere ealdan ['ae]. Se cnapa dhe hi baer, and heora ne
onbyrigde, waes thaet Iudeisce folc, dhe dha fif b['e]c raeddon, and ne
cudhe thaeron nan gastlic andgit, aerdhan dhe Crist com, and tha b['e]c
geopenode, and hyra gastlice andgit onwreah his leorning-cnihtum, and hi
sidhdhan eallum cristenum folce. We ne magon nu ealle tha fif b['e]c
areccan, ac we secgadh eow thaet God sylf hi dihte, and Moyses h['i]
awr['a]t, to steore and to lare dham ealdan folce Israhel, and eac ['u]s on
gastlicum andgite. Tha b['e]c waeron awritene be Criste, ac thaet gastlice
andgit waes tham folce digle, odh thaet Crist sylf com to mannum, and
geopenede thaera boca digelnysse, aefter gastlicum andgite.
Alii euangelistae ferunt, quia panes et pisces Dominus discipulis
distribuisset, discipuli autem ministrauerunt turbis. He tobr['ae]c dha fif
hlafas and sealde his leorning-cnihtum, and het beran dham folce; fordhon
the h['e] taehte him dha gastlican l['a]re: and h['i] ferdon geond ealne
middangeard, and bodedon, swa swa him Crist sylf taehte. Mid tham dhe h['e]
tobraec dha hlafas, tha waeron h['i] gemenigfylde, and weoxon him on
handum; fordhon dhe dha f['i]f b['e]c wurdon gastlice asmeade, and wise
{188} lareowas h['i] trahtnodon, and setton of dham bocum manega odhre
b['e]c; and we mid thaera boca lare beodh daeghwonlice gastlice gereordode.
Tha hl['a]fas waeron berene. Bere is swidhe earfodhe to gearcigenne, and
theah-hwaedhere fet dhone mann, thonne h['e] gearo bidh. Swa waes seo ealde
['ae] swidhe earfodhe and digle to understandenne; ac dheah-hwaedhere,
thonne we cumadh to dham smedman, thaet is to dhaere getacnunge, thonne
gereordadh heo ure mod, and gestr['a]ngadh mid thaere diglan lare. Fif
hlafas dhaer waeron, and fif dhusend manna thaer waeron gereordode; fordhan
dhe thaet Iudeisce folc waes underdheodd Godes ['ae], dhe st['o]d on fif
bocum awriten. Thadha Crist axode Philippum, and he his afandode, swa swa
we aer raeddon, tha getacnode he mid thaere acsunge thaes folces
nytennysse, the waes under dhaere ['ae], and ne cudhe thaet gastlice
andgit, dhe on dhaere ['ae] bediglod waes.
Dha twegen fixas get['a]cnodon sealm-sang and dhaera witegena cwydas. An
dhaera gecydde and bodode Cristes to-cyme mid sealm-sange, and odher mid
witegunge. Nu sind tha twa gesetnyssa, thaet is sealm-sang and witegung,
swylce h['i] syflinge waeron to dham f['i]f berenum hlafum, thaet is, to
dham f['i]f ['ae]licum bocum. Thaet folc, the dhaer gereordode, s['ae]t
['u]p on dham gaerse. Thaet gaers getacnode flaesclice gewilnunge, swa swa
se witega cwaedh, "Aelc flaesc is gaers, and thaes flaesces wuldor is
swilce wyrta blostm." Nu sceal gehw['a], sedhe wile sittan aet Godes
gereorde, and brucan thaere gastlican lare, oftredan thaet gaers and
ofsittan, thaet is, thaet he sceal dha flaesclican lustas gewyldan, and his
lichaman to Godes theowdome symle geb['i]gan.
Thaer waeron getealde aet dham gereorde fif dhusend wera; fordhon the dha
menn, the to dham gastlican gereorde belimpadh, sceolon beon werlice
geworhte, swa swa se apostol cwaedh; he cwaedh, "Beodh wacole, and standadh
on geleafan, and onginnadh werlice, and beodh gehyrte." Dheah gif wifmann
bidh werlice geworht, and strang to Godes willan, heo bidh thonne geteald
to dham werum the aet Godes mysan sittadh. Thusend getel bidh fulfremed,
and ne astihdh n['a]n getel ofer thaet. Mid {190} tham getele bidh
get['a]cnod seo fulfremednys dhaera manna dhe gereordiadh heora sawla mid
Godes l['a]re.
"Se Haelend het tha gegadrian tha l['a]fe, thaet h['i] losian ne sceoldon;
and h['i] dha gefyldon twelf wilion mid tham bricum." Dha l['a]fe dhaes
gereordes, thaet sind dha deopnyssa dhaere l['a]re the worold-men
understandan ne magon, tha sceolon dha lareowas gegaderian, thaet h['i] ne
losian, and healdan on heora faetelsum, thaet is, on heora heortan, and
habban aefre gearo, to teonne fordh thone wisdom and dha lare aegdher ge
dhaere ealdan ['ae] ge dhaere niwan. H['i] dha gegaderodon twelf wilian
fulle mid tham bricum. Thaet twelffealde getel getacnode tha twelf
apostolas; fordhan the h['i] underfengon tha digelnyssa thaere l['a]re, dhe
thaet laewede folc undergitan ne mihte.
"Thaet folc, dha the thaet wundor geseah, cwaedon be Criste, thaet he waere
sodh w['i]tega, dhe toweard waes." Sodh h['i] saedon, sumera dhinga:
w['i]tega h['e] waes, fordhan dhe h['e] wiste ealle towearde thing, and eac
fela dhing w['i]tegode, dhe beodh gefyllede butan twyn. He is witega, and
he is ealra witegena witegung, fordhan dhe ealle w['i]tegan be him
witegodon, and Crist gefylde heora ealra witegunga. Thaet folc geseah dha
thaet wundor, and h['i] dhaes swidhe wundredon. Thaet wundor is awriten,
and we hit gehyrdon. Thaet dhe on him heora eagan gedydon, thaet dedh ure
geleafa on ['u]s. H['i] hit gesawon, and we his gelyfadh the hit ne
gesawon; and we sind fordhi beteran getealde, swa swa se Haelend be ['u]s
on odhre stowe cwaedh, "Eadige beodh tha the me ne geseodh, and hi
hwaedhere gelyfadh on me, and mine wundra maersiadh."
Thaet folc cwaedh dha be Criste, thaet he waere sodh witega. Nu cwedhe we
be Criste, thaet he is dhaes Lifigendan Godes Sunu, sedhe waes toweard to
alysenne ealne middangeard fram deofles anwealde, and fram helle-w['i]te.
Thaet folc ne cudhe dhaera goda, thaet h['i] cwaedon, thaet he God waere,
ac saedon, thaet he witega waere. We cwedhadh nu, mid fullum geleafan,
thaet Crist is sodh witega, and ealra witegena Witega, and thaet he is
sodhlice dhaes Aelmihtigan Godes Sunu, ealswa mihtig swa his Faeder, {192}
mid dham h['e] leofadh and rixadh on annysse dhaes Halgan Gastes, ['a]
butan ende on ecnysse. Amen.