An angin is ealra thinga, thaet is God Aelmihtig. He is ordfruma and ende:
he is ordfruma, fordhi the he waes aefre; he is ende butan aelcere
geendunge, fordhan the he bidh aefre ungeendod. He is ealra cyninga Cyning,
and ealra hlaforda Hlaford. He hylt mid his mihte heofonas and eordhan, and
ealle gesceafta butan geswince, and he besceawadh tha niwelnyssa the under
thyssere eordhan sind. He awecdh ealle duna {10} mid anre handa, and ne
maeg nan thing his willan widhstandan. Ne maeg nan gesceaft fulfremedlice
smeagan ne understandan ymbe god. Maran cydhdhe habbadh englas to Gode
thonne men, and theah-hwedhere h['i] ne magon fulfremedlice understandan
ymbe God. H['e] gesceop gesceafta thadha he wolde; thurh his wisdom he
geworhte ealle thing, and thurh his willan h['e] h['i] ealle geliffaeste.
Dheos thrynnys is ['a]n God; thaet is se Faeder and his wisdom of him
sylfum aefre acenned; and heora begra willa, thaet is se Halga Gast: he nis
na acenned, ac he gaedh of tham Faeder and of tham Suna gelice. Dhas thry
hadas sindon ['a]n Aelmihtig God, se geworhte heofenas, and eordhan, and
ealle gesceafta. He gesceop tyn engla werod, thaet sind englas and
heah-englas, throni, dominationes, principatus, potestates, uirtutes,
cherubim, seraphim. Her sindon nigon engla werod: h['i] nabbadh naenne
lichaman, ac h['i] sindon ealle gastas swidhe strange and mihtige and
wlitige, on micelre faegernysse gesceapene, to lofe and to wurdhmynte heora
Scyppende. Dhaet teodhe werod abreadh and awende on yfel. God h['i] gesceop
ealle g['o]de, and let h['i] habban agenne cyre, swa h['i] heora Scyppend
lufedon and filigdon, swa h['i] hine forleton. Dha waes thaes teodhan
werodes ealdor swidhe faeger and wlitig gesceapen, swa thaet h['e] waes
geh['a]ten Leohtberend. Tha began he to modigenne for thaere faegernysse
the he haefde, and cwaedh on his heortan thaet h['e] wolde and eadhe mihte
beon his Scyppende gelic, and sittan on tham nordh-daele heofenan rices,
and habban andweald and rice ongean God Aelmihtigne. Tha gefaestnode he
thisne raed widh thaet werod the h['e] bewiste, and h['i] ealle to dham
raede gebugon. Dhadha h['i] ealle haefdon thysne raed betwux him
gefaestnod, tha becom Godes grama ofer h['i] ealle, and h['i] ealle wurdon
awende of tham faegeran h['i]we, the h['i] on gesceapene waeron, to
ladhlicum deoflum. And swidhe rihtlice him swa getimode, thadha he wolde
mid modignysse beon betera thonne he gesceapen waes, and cwaedh, thaet he
mihte beon tham Aelmihtigum Gode gel['i]c. Tha weardh he and ealle his
geferan forcuthran and wyrsan thonne aenig odher gesceaft; and tha {12}
hwile the he smeade hu he mihte daelan rice widh God, tha hwile gearcode se
Aelmihtiga Scyppend him and his geferum helle w['i]te, and h['i] ealle
adraefde of heofenan rices myrhdhe, and let befeallan on thaet ece fyr, the
him gegearcod waes for heora ofermettum. Tha sona tha nigon werod, the
dhaer to lafe waeron, bugon to heora Scyppende mid ealre eadhmodnesse, and
betaehton heora r['ae]d to his willan. Tha getrymde se Aelmihtiga God tha
nigon engla werod, and gestathelfaeste swa thaet h['i] naefre ne mihton ne
noldon sydhdhan fram his willan gebugan; ne h['i] ne magon nu, ne h['i]
nelladh nane synne gewyrcan, ac hi aefre beodh ymbe thaet ['a]n, hu hi
magon Gode gehyrsumian, and him gecweman. Swa mihton eac tha odhre the
dhaer feollon d['o]n, gif hi woldon; forthi dhe God h['i] geworhte to
wlitegum engla gecynde, and let h['i] habban agenne cyre, and h['i] naefre
ne gebigde ne ne nydde mid nanum thingum to tham yfelan raede; ne naefre se
yfela r['ae]d ne com of Godes gethance, ac com of thaes deofles, swa swa we
['ae]r cwaedon.
Nu thencdh menig man and smeadh hwanon deofol come; thonne wite he thaet
God gesceop to maeran engle thone the nu is deofol: ac God ne gesceop hine
na to deofle; ac thadha he waes mid ealle ford['o]n and forscyldgod thurh
tha miclan up-ahefednysse and widherweardnysse, tha weardh he to deofle
awend, sedhe ['ae]r waes maere engel geworht. Dha wolde God gefyllan and
geinnian thone lyre the forloren waes of tham heofenlicum werode, and
cwaedh thaet h['e] wolde wyrcan mannan of eordhan, thaet se eordhlica man
sceolde getheon and geearnian mid eadmodnysse tha wununga on heofenan rice,
the se deofol forwyrhte mid modignysse. And God tha geworhte aenne mannan
of l['a]me, and him on ableow gast, and hine gel['i]ffaeste, and he weardh
tha mann gesceapen on sawle and on lichaman; and God him sette naman
Ad['a]m, and he waes tha sume hwile ['a]nstandende. God tha hine gebrohte
on neorxna-wange, and hine thaer gelogode, and him to cwaedh, "Ealra thaera
thinga the on neorxna-wange sindon thu most brucan, and h['i] ealle beodh
the betaehte, buton anum treowe the stent on middan {14} neorxna-wange: ne
hrepa thu thaes treowes waestm, forthan dhe thu bist deadlic, gif dhu thaes
treowes waestm geetst." Hw['i] wolde God swa lytles thinges him forwyrnan,
the him swa miccle odhre thing betaehte? Gyse hu mihte Ad['a]m tocnawan
hwaet h['e] waere, buton h['e] waere gehyrsum on sumum thince his Hlaforde.
Swylce God ew['ae]de to him, "Nast thu na thaet ic eom thin Hlaford and
thaet thu eart min theowa, buton thu do thaet ic the h['a]te, and
forg['a]ng thaet ic the forbeode. Hwaet maeg hit thonne beon thaet thu
forg['a]n sceole: ic dhe secge, forgang dhu anes treowes waestm, and mid
thaere eadhelican gehyrsumnysse thu geearnast heofenan rices myrhdhu and
thone stede the se deofol of-afeoll thurh ungehyrsumnesse. Gif dhu thonne
dhis lytle beb['o]d tobrecst, thu scealt deadhe sweltan." And tha waes Adam
swa w['i]s thaet God gelaedde to him nytenu, and deorcynn, and fugelcynn,
dhadha he h['i] gesceapene haefde; and Adam him eallum naman gesceop; and
swa swa h['e] h['i] tha genamode swa h['i] sindon gyt gehatene. Tha cwaedh
God, "Nis na gedafenlic thaet thes man ana beo, and naebbe naenne fultum;
ac uton gewyrcan him gemacan, him to fultume and to frofre." And God tha
geswefode thone Adam, and thatha he slep dha genam he an rib of his sidan,
and geworhte of dham ribbe aenne wifman, and axode Adam hu heo hatan
sceolde. Tha cwaedh Adam, "Heo is ban of minum banum, and flaesc of minum
flaesce; beo hire nama Uirago, thaet is faemne; fordhan dhe heo is of hire
were genumen." Dha sette Adam eft hire odherne naman, Aeua, thaet is lif;
fordhan dhe heo is ealra lybbendra modor.
Ealle gesceafta, heofonas and englas, sunnan and monan, steorran and
eordhan, ealle nytenu and fugelas, s['ae] and ealle fixas, and ealle
gesceafta God gesceop and geworhte on six dagum; and on dham seofodhan
daege h['e] geendode his weorc, and geswac dha and gehalgode thone
seofodhan daeg, fordhan dhe h['e] on dham daege his weorc geendode. And he
beheold tha ealle his weorc dhe he geworhte, and h['i] waeron ealle swidhe
gode. Ealle dhing he geworhte buton aelcum antimbre. He cwaedh, "Geweordhe
leoht," and dhaerrihte waes leoht {16} geworden. He cwaedh eft, "Geweordhe
heofen," and thaerrihte waes heofen geworht, swa swa he mid his wisdome and
mid his willan hit gedihte. He cwaedh eft, and het dha eordhan thaet heo
sceolde fordhlaedan cuce nytenu; and h['e] dha gesceop of dhaere eordhan
eall nytencynn, and deorcynn, ealle dha dhe on feower fotum gadh; ealswa
eft of waetere he gesceop fixas and fugelas, and sealde dham fixum sund,
and dham fugelum fliht; ac he ne sealde nanum nytene ne nanum fisce nane
sawle; ac heora blod is heora lif, and swa hradhe swa hi beodh deade, swa
beodh h['i] mid ealle geendode. Thadha he worhte dhone mann Ad['a]m, he ne
cwaedh n['a], "Geweordhe man geworht," ac he cwaedh, "Uton gewyrcan mannan
to ure anlicnysse," and h['e] worhte dha thone man mid his handum, and him
on ableow sawle; fordhi is se man betera, gif h['e] g['o]de gedhihdh,
thonne ealle dha nytenu sindon; fordhan dhe h['i] ealle gewurdhadh to
nahte, and se man is ece on anum daele, thaet is on dhaere sawle; heo ne
geendadh naefre. Se lichama is deadlic thurh Adames gylt, ac
dheah-hwaedhere God araerdh eft dhone lichaman to ecum dhingum on domes
daeg. Nu cwaedon gedwolmen thaet deofol gesceope sume gesceafta, ac h['i]
leogadh; ne maeg h['e] nane gesceafta gescyppan, fordhan dhe he nis na
Scyppend, ac is atelic sceocca, and mid leasunge he wile beswican and
ford['o]n thone unwaran; ac he ne maeg naenne man to nanum leahtre
geneadian, buton se mon his agenes willes to his lare gebuge. Swa hwaet swa
is on gesceaftum widherweardlic gethuht and mannum derige, thaet is eall
for urum synnum and yfelum geearnungum.
Tha ongeat se deofol thaet Adam and Eua waeron to dhy gesceapene thaet hi
sceolon mid eadmodnysse and mid gehyrsumnysse geearnian dha wununge on
heofenan rice dhe h['e] of-afeoll for his up-ahefednysse, tha nam h['e]
micelne graman and ['a]ndan to tham mannum, and smeade h['u] h['e] h['i]
ford['o]n mihte. He com dha on naeddran hiwe to tham twam mannum, aerest to
dham wife, and hire to cwaedh, "Hw['i] forbead God eow thaes treowes
waestm, dhe stent on middan neorxna-wange?" Tha cwaedh thaet w['i]f, "God
us forbead thaes treowes waestm, and cwaedh thaet we {18} sceoldon deadhe
sweltan, gif we his on byrigdon." Dha cwaedh se deofol, "Nis hit na swa dhu
segst, ac God w['a]t genoh geare, gif ge of dham treowe geetadh, thonne
beodh eowere eagan geopenode, and ge magon geseon and tocn['a]wan aegdher
ge g['o]d ge yfel, and ge beodh englum gelice." Naeron h['i] blinde
gesceapene, ac God h['i] gesceop swa bilewite thaet h['i] ne cudhon nan
dhing yfeles, nadhor ne on gesihdhe, ne on spraece, ne on weorce. Weardh
theah thaet w['i]f dha forspanen thurh dhaes deofles l['a]re, and genam of
dhaes treowes waestme, and geaet, and sealde hire were, and h['e] geaet.
Dha waeron h['i] butu deadlice, and cudhon aegdher ge g['o]d ge yfel; and
h['i] waeron dha nacode, and him dhaes sceamode. Tha com God and axode hwi
he his bebod tobraece? and adraefde h['i] butu of neorxna-wange, and
cwaedh, "Fordhan dhe dhu waere gehyrsum dhines wifes wordum, and min bebod
forsawe, thu scealt mid earfodhnyssum the metes tilian, and seo eordhe the
is awyriged on thinum weorce, syldh the dhornas and bremblas. Thu eart of
eordhan genumen, and thu awenst to eordhan. Thu eart dust, and dhu awentst
to duste." God him worhte dha reaf of fellum, and h['i] waeron mid tham
fellum gescrydde.
Dha deadan fell getacnodon thaet h['i] waeron dha deadlice the mihton beon
undeadlice, gif hi heoldon thaet eadhelice Godes bebod. Ne thorfte Adam ne
eal mancynn the him sidhdhan ofacom naefre deadhes onbyrian, gif thaet
treow moste standan ungehrepod, and his nan man ne onbyrigde; ac sceolde
Adam and his ofspring tyman on asettum tyman, swa swa nu dodh claene
nytenu, and sidhdhan ealle buton deadhe faran to dhan ecan life. Naes him
gesceapen fram Gode, ne h['e] naes genedd thaet h['e] sceolde Godes bebod
tobrecan; ac God hine l['e]t frigne, and sealde him agenne cyre, swa h['e]
waere gehyrsum, swa h['e] waere ungehyrsum. H['e] weardh tha deofle
gehyrsum, and Gode ungehyrsum, and weardh betaeht, h['e] and eal mancynn,
aefter dhisum l['i]fe, into helle-w['i]te, mid tham deofle dhe hine
forlaerde. Tha wiste God hwaedhere thaet h['e] waes forlaered, and smeade
hu he mihte his and ealles mancynnes eft gemiltsian.
{20} On twam thingum haefde God thaes mannes sawle gegodod; thaet is mid
undeadlicnysse, and mid gesaeldhe. Tha thurh deofles swicdom and Adames
gylt we forluron tha gesaeldhe ure sawle, ac we ne forluron n['a] tha
undeadlicnysse; heo is ['e]ce, and naefre ne geendadh, theah se lichama
geendige, the sceal eft thurh Godes mihte arisan to ecere wununge. Adam tha
waes wunigende on thisum life mid geswince, and h['e] and his w['i]f dha
bearn gestryndon, aegdher ge suna ge dohtra; and he leofode nigon hund
geara and thrittig geara, and sidhdhan swealt, swa swa him aer behaten
waes, for than gylte; and his sawul gewende to helle.
Nu smeagiadh sume men hwanon him come sawul? hwaether dhe of tham faeder,
the of thaere meder? We cwedhadh of heora nadhrum; ac se ylca God the
gesceop Adam mid his handum, he gescypdh aelces mannes lichaman on his
modor innodhe; and se ylca sedhe able['o]w on Ad['a]mes lichaman, and him
forgeaf sawle, se ylca forgyfdh cildum sawle and l['i]f on heora modor
innodhe, thonne h['i] gesceapene beodh; and he laett h['i] habban agenne
cyre, thonne h['i] geweaxene beodh, swa swa Ad['a]m haefde.
Tha weardh tha hraedlice micel mennisc geweaxen, and waeron swidhe manega
on yfel awende, and gegremodon God mid mislicum leahtrum, and swidhost mid
forligere. Dha weardh God to than swidhe gegremod thurh manna m['a]ndaeda
thaet he cwaedh thaet him ofthuhte thaet h['e] aefre mancynn gesceop. Dha
waes hwaethere ['a]n man rihtwis aetforan Gode, se waes N['o]e geh['a]ten.
Tha cwaedh God to him, "Ic wylle ford['o]n eal mancynn mid waetere, for
heora synnum, ac ic wylle gehealdan the aenne, and thin w['i]f, and thine
thry suna, Sem, and Cham, and Iafeth, and heora threo w['i]f; fordhan the
dhu eart rihtwis, and me gecweme. Wyrc the n['u] aenne arc, threo hund
faedhma lang, and fiftig faedhma w['i]d, and thritig faedhma heah: gehref
hit eall, and gecl['ae]m ealle tha seamas mid tyrwan, and g['a] inn
sydhdhan mid thinum h['i]wum. Ic gegaderige in to the of deorcynne, and of
fugelcynne symble gemacan, thaet h['i] eft to fostre beon. Ic wille sendan
flod ofer ealne middangeard." {22} He dyde tha swa him God bebead, and God
beleac h['i] bynnan tham arce, and asende r['e]n of heofonum feowertig daga
togaedere, and geopenode thaer togeanes ealle wyll-springas and
waeter-theotan of thaere micclan niwelnysse. Dhaet flod weox dha and
ab['ae]r up thone arc, and hit oferstah ealle d['u]na. Weardh tha aelc
thing cuces adrenct, buton tham dhe binnon tham arce waeron; of tham weardh
eft ge-edstadhelod eall middangeard. Dha beh['e]t God thaet h['e] nolde
naefre eft eal mancynn mid waetere acwellan, and cwaedh to Noe and to his
sunum, "Ic wylle settan m['i]n wedd betwux me and eow to thisum beh['a]te;
thaet is, thonne ic oferteo heofenas mid w['o]lcnum, thonne bidh aeteowod
min r['e]nboga betwux tham wolcnum, thonne beo ic gemyndig mines weddes,
thaet ic nelle heonon-fordh mancynn mid waetere adrencan." Noe leofode on
eallum his life, aer tham flode and aefter tham flode, nigon hund geara and
fiftig geara, and he tha fordhferde.
Dha waes tha sume hw['i]le Godes ege on mancynne aefter tham flode, and
waes ['a]n gereord on him eallum. Dha cwaedon hi betwux him thaet hi woldon
wyrcan ane burh, and aenne stypel binnon thaere byrig, swa heahne thaet his
hrof astige up to heofenum: and begunnon tha to wyrcenne. Dha com God
thaerto, thadha h['i] swidhost worhton, and sealde aelcum men the dhaer
waes synderlice spraece. Tha waeron thaer swa fela gereord swa dhaer manna
waeron; and heora n['a]n nyste hwaet odher cwaedh. And h['i] dha geswicon
thaere getimbrunge, and toferdon geond ealne middangeard.
Dha sidhdhan weardh mancynn thurh deofol beswicen, and gebiged fram Godes
geleafan, swa thaet h['i] worhton him anlicnyssa, sume of golde, sume of
seolfre, sume eac of stanum, sume of treowe, and sceopon him naman; thaera
manna naman the waeron entas and yfel-daede. Eft dhonne h['i] deade waeron,
thonne cwaedon tha cucan thaet h['i] waeron godas, and wurdhodon h['i], and
him l['a]c offrodon; and comon tha deoflu to heora anlicnyssum, and thaeron
wunodon, and to mannum spraecon swilce h['i] godas waeron; and thaet
beswicene mennisc feoll on {24} cneowum to tham anlicnyssum, and cwaedon,
"Ge sind ure godas and we besettadh urne geleafan and urne hiht on eow."
Dha asprang this gedwyld geond ealne middangeard, and waes se sodha
Scyppend, sedhe ['a]na is God, forsewen, and geunwurthod. Dha waes
hwaedhere an maegdh the naefre ne abeah to nanum deofolgylde, ac aefre
wurdhode thone sodhan God. Seo maegdh aspr['a]ng of N['o]es eltstan suna,
se waes gehaten Sem: he leofode six hund geara, and his sunu hatte
Arfaxadh, se leofode threo hund geara and threo and thrittig, and his sunu
hatte Sal['e], se leofode feower hund geara and XXXIII.; tha gestrynde he
sunu se waes geh['a]ten Eb['e]r, of tham aspr['a]ng thaet Ebreisce folc,
the God lufode: and of tham cynne comon ealle heahfaederas and witegan, tha
dhe cydhdon Cristes to-cyme to thisum life; thaet h['e] wolde man beon,
fornean on ende thyssere worulde, for ure alysednesse, sedhe aefre waes God
mid tham healican Faeder. And thyssere maegdhe God sealde and gesette
['ae], and h['e] h['i] laedde ofer s['ae] mid drium fotum, and h['e] h['i]
afedde feowertig wintra mid heofenlicum hlafe, and fela wundra on tham
folce geworhte; forthan dhe he wolde of thyssere maegdhe him modor
geceosan.
Dha aet nextan, tha se tima com the God foresceawode, tha asende he his
engel Gabrihel to anum maedene of tham cynne, seo waes Mar['i]a gehaten.
Tha com se engel to hire, and h['i] gegrette mid Godes wordum, and cydde
h['i]re, thaet Godes Sunu sceolde beon acenned of hire, buton weres
gemanan. And heo tha gelyfde his wordum, and weardh mid cilde. Dhadha hire
t['i]ma com heo acende, and thurhwunode maeden. Dhaet cild is tuwa acenned:
he is acenned of tham Faeder on heofonum, buton aelcere meder, and eft
thadha h['e] man geweardh, tha waes h['e] acenned of tham claenan maedene
Mar['i]an, buton aelcum eordhlicum faeder. God Faeder geworhte mancynn and
ealle gesceafta thurh dhone Sunu, and eft, dhadha we forwyrhte waeron, tha
asende h['e] dhone ylcan Sunu to ['u]re alysednesse. Seo halige moder
Mar['i]a tha afedde thaet cild mid micelre arwurdhnesse, and hit weox swa
swa odhre cild dodh, buton synne anum.
{26} He waes buton synnum acenned, and his l['i]f waes eal buton synnum. Ne
worhte he theah n['a]ne w['u]ndra openlice ['ae]rdhan dhe h['e] waes
thritig wintre on thaere menniscnysse: tha sidhthan geceas he him
leorning-cnihtas; aerest twelf, tha we h['a]tadh apostolas, thaet sind
aerendracan. Siththan h['e] geceas tw['a] and hund-seofontig, tha sind
genemnede discipuli, thaet sind leorning-cnihtas. Dha worhte h['e] fela
wundra, thaet men mihton gelyfan thaet he waes Godes Bearn. H['e] awende
waeter to wine, and eode ofer s['ae] mid drium fotum, and he gestilde
windas mid his haese, and h['e] forgeaf blindum mannum gesihdhe, and
healtum and lamum rihtne g['a]ng, and hreoflium smedhnysse, and haelu heora
lichaman; dumbum h['e] forgeaf getingnysse, and deafum heorcnunge;
deofolseocum and wodum h['e] sealde gewitt, and tha deoflu todraefde, and
aelce untrumnysse he gehaelde; deade men h['e] araerde of heora byrgenum to
l['i]fe; and laerde thaet folc the h['e] to com mid micclum wisdome; and
cwaedh thaet n['a]n man ne maeg beon gehealden, buton he rihtlice on God
gelyfe, and he beo gefullod, and his geleafan mid godum weorcum geglenge;
he onscunode aelc unriht and ealle leasunga, and taehte rihtwisnysse and
sodhfaestnysse.
Tha nam thaet Iudeisce folc micelne ['a]ndan ongean his l['a]re, and
smeadon h['u] h['i] mihton h['i]ne to deadhe ged['o]n. Tha weardh ['a]n
dhaera twelfa Cristes geferena, se waes Iudas gehaten, thurh deofles
tihtinge beswicen, and h['e] eode to tham Iudeiscum folce, and smeade widh
h['i], hu he Crist him bel['ae]wan mihte. Theah dhe eal mennisc w['ae]re
gegaderod, ne mihton h['i] ealle hine acwellan, gif he sylf nolde; fordhi
he c['o]m to us thaet h['e] wolde for ['u]s deadh throwian, and swa eal
mancynn tha dhe gelyfadh mid his agenum deadhe alysan fram helle-wite.
H['e] nolde geniman ['u]s neadunge of deofles anwealde, buton he hit
forwyrhte; tha h['e] hit forwyrhte gen['o]h swidhe, thadha h['e] gehwette
and tihte dhaera Iudeiscra manna heortan to Cristes slege. Crist dha
gedhafode thaet dha waelhreowan hine gen['a]mon and gebundon, and on
r['o]de hengene acwealdon. Hwaet dha twegen gelyfede men hine arwurdhlice
bebyrigdon, and Crist on dhaere hwile to {28} helle gewende, and thone
deofol gewylde, and him of-an['a]m Ad['a]m and Euan, and heora ofspring,
thone d['ae]l dhe him ['ae]r gecwemde, and gelaedde h['i] to heora
lichaman, and ar['a]s of deadhe mid tham micclum werede on tham thriddan
daege his throwunge. C['o]m tha to his apostolum, and h['i] gefrefrode, and
geond feowertigra daga fyrst him mid wunode; and dha ylcan lare the h['e]
him ['ae]r taehte eft ge-edlaehte, and het h['i] faran geond ealne
middangeard, bodigende fulluht and sodhne geleafan. Drihten dha on dham
feowerteogodhan daege his aeristes astah to heofenum, aetforan heora ealra
gesihdhe, mid tham ylcan lichaman the h['e] on throwode, and sitt on dha
swidhran his Faeder, and ealra gesceafta gewylt. H['e] haefdh gerymed
rihtwisum mannum infaer to his rice, and dha dhe his beboda eallunga
forseodh beodh on helle besencte. Witodlice h['e] cymdh on ende thyssere
worulde mid micclum maegenthrymme on wolcnum, and ealle dha dhe aefre sawle
underfengon arisadh of deadhe him togeanes; and h['e] dhonne dha
m['a]nfullan deofle betaecdh into dham ecan fyre helle susle; tha rihtwisan
he laet mid him into heofonan rice, on tham h['i] rixiadh ['a] on ecnysse.
Men dha leofestan, smeagadh thysne cwyde, and mid micelre gymene forbugadh
unrihtwysnysse, and geearniadh mid godum weorcum thaet ['e]ce l['i]f mid
Gode sedhe ['a]na on ecnysse rixadh. Amen.
HERE BEGINNETH THE BOOK OF CATHOLIC SERMONS IN ENGLISH, TO BE RECITED IN
CHURCH DURING THE YEAR.