On the Patent Roll 30 Henry VI., p. 1, m. 23, occurs the following
entry:--
_De Pardonacione._--Rex omnibus ballivis et fidelibus suis ad quos,
&c., salutem. Sciatis quod cum nonnulli rebelles nostri in comitatu
nostro Kanciæ, paucis ante diebus contra pacem nostram
insurrectionem gravem concitantes, quasdam factiones proditorias
contra nostram personam detestabiliter machinati fuerint,
nonnullaque proditiones, murdra, felonias et facinora, aliasque
transgressiones perpetraverint; quia tamen, cum nuper per civitates,
oppida atque villas in eodem comitatu nostro ad eorum hujusmodi
insolencias et rebelliones coercendos iter faceremus, plurimi ex
eisdem, spiritu sanioris consilii ducti, plurimum humiliati, etiam
usque femoralia nudi, suorum immanitates criminum coram nobis
confitentes, veniam a nobis effusis lachrymis anxie postularunt;
Nos, ad singulorum hujusmodi ligeorum nostrorum submissiones
humillimas nostros misericordes oculos dirigentes, ac firmiter
tenentes quod de cætero in nostra obedientia stabiles permanebunt,
fidem ligeanciæ suæ erga nos inantea inviolabiliter servaturi, ad
laudem, gloriam et honorem Omnipotentis et misericordis Dei ac
gloriosissimæ Virginis matris Christi, de gratia nostra speciali
pardonavimus, remisimus et relaxavimus Johanni Payn de Pecham in
comitatu prædicto, yoman, alias dicto Johanni Payn, nuper de
Estpekham in comitatu prædicto, smyth, qui inter cæteros se submisit
nostræ gratiæ, quocumque nomine censeatur, sectam pacis nostræ quæ
ad nos versus eum pertinent, seu poterit pertinere, pro quibuscumque
proditionibus, feloniis, murdris et transgressionibus per ipsum a
septimo die Julii anno regni nostri vicesimo octavo usque decimum
diem Junii ultimo præteritum factis sive perpetratis; acetiam
utlagarias, si quæ in ipsum Johannem occasionibus prædictis seu
earum aliqua fuerint promulgatæ; necnon omnimodas forisfacturas
terrarum, tenementorum, reddituum, possessionum, bonorum et
catallorum, quæ idem Johannes nobis occasionibus prædictis seu earum
aliqua forisfecit aut forisfacere debuit, et firmam pacem nostram ei
inde concedimus: Ita tamen quod stet recto in curia nostra si quis
versus eum loqui voluerit de præmissis seu aliquo præmissorum.
Proviso semper quod ista nostra pardonacio, remissio sive relaxacio
se non extendat ad aliqua malefacta supra mare et aquas aliquo modo
facta sive perpetrata. In cujus, &c. Teste Rege apud Westmonasterium
secundo die Novembris.
Two similar patents were granted on the same date to Richard
Doke, yeoman, and William Souter, labourer, both of Peckham.
[[p. 78 = under sidenote “John Payn and the rebels”]]