Species habitu Hymenophyllum scabrum _A. Rich. Fl. Nov. Zeel. t._ 14.
_f._ 1. referens, Trichomani angustato Carmich. (_Hook et Grev. ic.
t._ 166.) proxime affinis, notis allatis facile distinguenda. Radix
dense caespitosa, fibrosa, fibris rigidis flexuosis intortis.
Stipites ex eadem radice plures erecti, stricti, teretiusculi,
3-4pollicares, juniores pilis rufis tenuissimis fere 3 lineas longis
obsiti, adultiores basi tantum pilosi, apicem versus nudi,
subtilissime muricato-tuberculati. Frondes ovato-lanceolatae, 8-10
pollices longae, 5-6 pollices latae, elasticae, rhachi communi
partialibusque hirtis, caeterum glabrae, pinnatae. Pinnae
elongate-lanceolatae 3-4pollicares, approximatim alternae,
2pinnatifidae, laciniis oppositis lanceolatis acutis. Sori in
laciniis costae contiguis abbreviatis terminales. Involucrum
turbinatum, basi attenuatum, utroque margine e fronde continua late
alatum, ore truncato. Receptaculum exsertum, basi capsuliferum.