Lors dit en plourant; Helas trop malheureux homme et mauldict pescheur,
oncques ne verrai-je clemence et misericorde de Dieu. Ores m'en irai-je
d'icy et me cacherai dedans le mont Horsel, en requerant de faveur et
d'amoureuse merci ma doulce dame Venus, car pour son amour serai-je bien
a tout jamais damne en enfer. Voicy la fin de tous mes faicts d'armes et
de toutes mes belles chansons. Helas, trop belle estoyt la face de ma
dame et ses yeulx, et en mauvais jour je vis ces chouses-la. Lors s'en
alla tout en gemissant et se retourna chez elle, et la vescut tristement
en grand amour pres de sa dame. Puis apres advint que le pape vit un
jour esclater sur son baston force belles fleurs rouges et blanches et
maints boutons de feuilles, et ainsi vit-il reverdir toute l'escorce. Ce
dont il eut grande crainte et moult s'en esmut, et grande pitie lui prit
de ce chevalier qui s'en estoyt departi sans espoir comme un homme
miserable et damne. Doncques envoya force messaigers devers luy pour le
ramener, disant qu'il aurait de Dieu grace et bonne absolution de son
grand pesche d'amour. Mais oncques plus ne le virent; car toujours
demeura ce pauvre chevalier aupres de Venus la haulte et forte deesse es
flancs de la montagne amoureuse.
_Livre des grandes merveilles d'amour, escript en latin
et en francoys par Maistre Antoine Gaget._ 1530.