Dīcitur rēx aliquis Aegyptius sīmiōs
quondam docuisse saltāre Pyrrhicham, eāsque
bēstiās, (facillimē autem hūmānās imitantur
āctiōnēs) celeriter didicisse saltāre, purpureīs
vestibus indūtās, persōnīsque circumdatās; diū
probātum spectāculum; dōnec spectātor aliquis
urbānus, quī nucēs sinū gereret, prōiēcerit eās
in medium. Tum vērō sīmiī, vīsā rē, oblītī
saltātiōnis, repente prō hominibus sīmiī, quod
erant scīlicet, factī, lārvās contrīvēre, lacerātīsque
vestibus, dē frūctibus invicem dēpūgnārunt–
quod rīsuī fuit spectātōribus.