_To the Baly of Mawlteby._
[Sidenote: 1489]
Mayster Baly, I recomaunde me on to yow, praynge yow that ye woll sende
me be Wylliam Kokkys[123-2] berer her of, iiij. nobylles in golde, putt
in to the same boxe that thys byll is in, as thow it wer evydens; for I
have tolde the masengere that he schulde brynge me nothyng but evydens,
for he is in a manere departyng owt of my servyse, wherfore I wold nott
he knew so myche of my counsell. And as for the remenaunte, I wellde ze
schulde kepe it tyll I come my selfe.
And if Bayard be onsolde, I pray yow late hym be made fatte ageyns the
Kynge come in to the contre, what so ever I pay for the kepyng of hym,
and I schall wete how goode a corser I schall be my selfe, at my comyng
in to the contre, be the grace of God, Who have yow in kepyng.
Wretyn at Henyngham.
Be your,