_To my right wurshipfull cosyn, John Paston, esquyer._
[Sidenote: 1486 / SEPT. 19]
Right wurshipfull cosyn, I recomaunde me to you, certifyeng you that,
where as I understond ye have distreyned Richard Caus of Byngham[94-2]
for issuez ronne uppon hym in th’escheker to the summe of iiij_li._ and
odde sylver, I pray you that ye wull, the rather for my sake, showe hym
the favour that ye may doo, savyng youre sylfe, and that ye wulle not be
harde uppon hym; but if ye kan by th’advys of councell this next terme
fynde the meanes for youre discharge uppon youre acompte in th’escheker,
that than ye wull lete hym be so in reste and peas withoute more
paymentz for that cause; the which I prey you to tendre the rather
because I fynde the seid Richard Caus at all tymez my trewe servaunt,
and I shall be as redy to the acomplyshment of all youre resonable
desirez with Goddis grace, Who kepe you. At Attelburgh, this Tuesday
next before Seint Mathuz Day.
Zowr Cosyn and frend,