_To my welbelovyd frend, John Paston, be thys byll delyveryd in hast._
[Sidenote: 1485 / AUG.]
Welbelovyd frend, I cummaunde me to yow, letyng yow to undyrstond that
the Kyngs enmysse be a land, and that the Kyng wold hafe set forthe as
uppon Monday but only for Howre Lady Day;[85-2] but for serten he gothe
forward as uppon Tewsday, for a servant of myne browt to me the
sertente.
Wherfor, I pray yow that ye met with me at Bery,[85-3] for, be the grace
of God, I purposse to lye at Bery as uppon Tewsday nyght, and that ye
brynge with yow seche company of tall men as ye may goodly make at my
cost and charge, be seyd that ye have promysyd the Kyng; and I pray yow
ordeyne them jakets of my levery, and I shall contente yow at your
metyng with me.
Yower lover,