As I came by the shore o' Forth,
And in by the craigs o' Bernie;
There I spied a ship on the sea,
And the skipper o' her was Charlie.
O'er the water, and o'er the sea,
O'er the water to Charlie;
I'll gie John Ross another bawbie,
To boat me o'er to Charlie.
Charlie keeps nae needles nor pins,
And Charlie keeps nae trappin';
But Charlie keeps twa bonnie black een,
Would haud the lasses waukin'.
O'er the water, and o'er the sea,
O'er the water to Charlie;
I'll gie John Ross another bawbie,
To boat me o'er to Charlie.
O Charlie is neither laird nor lord,
Nor Charlie is a caddie;
But Charlie has twa bonnie red cheeks,
And he's my juggler laddie.
O'er the water, and o'er the sea,
O'er the water to Charlie;
I'll gie John Ross another bawbie,
To boat me o'er to Charlie.
A pinch o' snuff to poison the whigs,
A gill o' Geneva to drown them;
And he that winna drink Charlie's health,
May roaring seas surround him.
O'er the water, and o'er the sea,
And o'er the water to Charlie;
I'll gie John Brown another half-crown,
To boat me o'er to Charlie.