Wil' Edward, maior. John Aleyne. Vic'. A^{o}. xij^{o}.
John Shelley.
This yere after Cristmas apperid a blasyng sterre, and contynnued v
weke and more.
Will' Hapton, Thomas Bledlowe. Vic'. A^{o}. xiij^{o}.
maior. John Browne.
John Tate, maior. Robert Billisdon. Vic'. A^{o}. xiiij^{o}.
Will'm Stokker.
This yere was a grete watche upon seint Petres nyght, the kyng beyng
in the Chepe; and there fill affrey bitwixt men of his household and
the constablis; wherfore the kyng was gretely displeasid with the
cunstablis.
Robert Drape, maior. Thomas Hille. Vic'. A^{o}. xv^{o}.
Edmond Shaa.
This yere the kyng askid of the people grete goodes of theire
benevolence, to gone over the see and so passid to Caleis, and so
furth into Picardie; and there upon a brige, kyng Lewes of Fraunce and
he spake togider, and toke appointment bitwixt them upon certen
mariages and certen money in hand, and l m^{l} crownes of sterling
money yerely to be sent to the kyng out of Fraunce, duryng theire
lives and a year after, so to be paide: and the kyng retourned ageyne
over into England.