_Dux Gandie fuit die 16. Junij 1497 in flumine repertus et ante biduum
interfectus._
Si quis est heu nros casus miseratus acerbos
Siste gradum, et lachrimas funde per ossa tuas.
Respice si similis fuit unquam pena, dolorque;
Aut nostra hac fuerit mors miseranda magis.
Ille ego Gandie princeps: dominusque Suesse
Qui Beneventi agrum nuper adeptus eram
Qui modo vexillum duxi: validasque phalanges
Agmina intrepidus sedis apostolice
Qui Sesto sacroque fui de presule summo
Natus Alexandro. Qui modo tantus eram
Ecce vides gladio confossum, gutture secto
In Tyberim jactum, stare sub hoc lapide
Non Scyron: non Busyris: dirusque procustos
Nec fuit Orthe suis sevior hospitibus
Sevit ut in nostros certus maleficus amicus
Dum sibi credentem me tullit e medio
At tu quisquis eris, nimium ne crede, fides nam
Et pudor, et pietas deseruere viros.
(Liber Hartmanni Schedel: fol. 164.)