[From the same]
It's rare to see the morning bleeze, [blaze]
Like a bonfire frae the sea;
It's fair to see the burnie kiss [streamlet]
The lip o' the flowery lea;
An' fine it is on green hillside,
When hums the hinny bee;
But rarer, fairer, finer far,
Is the ingle side to me.
Glens may be gilt wi' gowans rare [daisies]
The birds may fill the tree,
An' haughs hae a' the scented ware [river meadows]
That simmer's growth can gie;
But the canty hearth where cronies meet, [cheerful]
An' the darling o' our e'e--
That makes to us a warl' complete,
Oh! the ingle side for me.