“His perlectis non puto quemquam esse qui non videat _Tarsis_, vel
esse Hispaniam, vel Hispaniæ partem, quam Tyrii maxime frequentabant,
Gades nimirum et Tartessum, in loco Ezechielis quo Tyrum ita compellat,
cap. 27, v. 12. _Tarsis negotiatrix tua præ copia omnium divitiarum:
argento, ferro, stanno, et plumbo negotiati sunt in nundinis tuis_; cum
his ipsis metallis divitem fuisse Hispaniam, et hanc illecebram Tyrios
eo terrarum pellexisse, jam abunde probaverimus. Tartessus aliis est
Carteia civitas prope Calpe unde initium freti Herculei, aliis insula
Gades in Oceano, aliis denique insula et urbs interamna inter duo Bætis
ostia, qui et ipse Tartessus dicitur ab Aristotele, Strabone, Pausania
et Avieno. Inde et Straboni Tartessis est regio circa Bætis ostia. Circa
hæc loca videtur fuisse _Tarsis_.
“Quin et nomen Hebræum _Tarsis_ potuit a Phœnicibus mutari in
_Tartessum_, vel prima geminata per pleonasmum, vel in תרשיש _Tarsis_
altero ש id ת mutato, ut cum אתור _Aturia_ dicitur pro אשור Assyria, et
בתנן _Batanæa_ pro בשן _Basan_.”――_Bochart_, vol. i., p. 170.