Gesîðos Cristes
uuacodun thô aftar them uuordun ‖ endi gisâhun thô that uuerod
kuman
an thene berg uppen ‖ brahtmu thiu mikilon,
uurêða uuâpanberand. ‖ Uuîsde im Judas,
gramhugdig man; ‖ Judeon aftar sigun,
fiundo folcscepi; ‖ drôg man fiur an gimang,
logna an liohtfatun, ‖ lêdde man faklon
brinnandea fan burg, ‖ thar sie an thene berg uppan
stigun mid strîdu. ‖ Thea stedi uuisse Judas uuel,
huar he thea liudi tô ‖ lêdean scolde. 10
Sagde imu thô te têkne, ‖ thô sie thar tô fôrun
themu folke biforan, ‖ te thiu that sie ni farfengin thar
erlôs ôðren man: ‖ ‘ik gangu imu at êrist tô’ quað he,
‘cussiu ine endi queddiu: ‖ that is Crist selbo.
Thene gi fâhen sculun ‖ folco craftu,
binden ina uppan themu berge ‖ endi ina te burg hinan
lêdien undar thea liudi: ‖ he is lîbes habad
mid is uuordun faruuerkod.’ ‖ Uuerod sîðode thô,
antat sie te Criste ‖ kumane uurðun,
grim folc Judeono, ‖ thar he mid is jungarun stôd,
mâri drohtin: ‖ bêd metodogiscapu, 10
torhtero tîdeo. ‖ Thô geng imu treulôs man,
Judas tegegnes ‖ endi te themu godes barne
hnêg mid is hôƀdu ‖ endi is hêrron quedde,
custe ina craftagne ‖ endi is quidi lêste,
uuîsde ina themu uuerode, ‖ al sô he êr mid uuordun gehêt
That tholode al mid githuldiun ‖ thiodo drohtin,
uualdand thesara uueroldes ‖ endi sprak imu mid is uuordun tô,
frâgode ine frôkno: ‖ ‘behuî kumis thu sô mid thius folcu te mi,
behuî lêdis thu mî sô these liudi tô ‖ endi mi te thesare lêðan
thiode
farcôpos mid thînu kussu ‖ under thit kunni Judeono,
meldos mi te thesaru menegi?’ ‖ Geng imu thô uuið thea man
sprekan,
uuið that uuerod ôðar, ‖ endi sie mid is uuordun fragn,
huene sie mid thiu gesîðiu ‖ sôkean quâmin
sô niutlîco an naht, ‖ ‘sô gi uuillean nôd frummien
manno huilicumu.’ ‖ Thô sprak imu eft thiu menegi angegin,
quâðun that im hêleand thar ‖ an themu holme uppan
geuuîsid uuâri, ‖ ‘the thit giuuer frumid
Judeo liudiun ‖ endi ina godes sunu 10
selƀon hêtid: ‖ Ina quâmun uui sôkean herod,
uueldin ina gerno bigeten: ‖ he is fan Galileo lande,
fan Nazarethburg.’ ‖ Sô im thô the neriendio Crist
sagde te sôðan, ‖ that he it selƀo uuas,
sô uurðun thô an forhtun ‖ folc Judeono,
uurðun underbadode, ‖ that sie under bac fellun
alle efno sân, ‖ erðe gisôhtun,
uuiðerwardes that uuerod: ‖ ni mahte that uuord godes,
thie stemnie antstandan: ‖ uuârun thoh sô strîdige man,
ahliopun eft up an themu holme, ‖ hugi fastnodun,
bundun briostgithâht, ‖ gibolgane gengun
nâhor mid nîðu, ‖ anttat sie thene neriendion Crist
uuerodo biuurpun. ‖ Stôdun uuîse man,
suîðo gornundie ‖ giungaron Kristes
biforan theru dereƀeon dâdi ‖ endi te iro drohtine sprâkun:
‘uuâri it nu thîn uuillio’ quâðun sie, ‖ ‘uualdand frô mîn,
that sie ûs hêr an speres ordun ‖ spildien môstin 10
uuâpnun uunde, ‖ than ni uuâri ûs uuiht sô gôd,
sô that uui hêr for ûsumu drohtine ‖ dôan môstin
binidiun blêka.’ ‖ Thô gibolgan uuarð
snel suerdthegan, ‖ Simon Petrus,
uuel imu innan hugi, ‖ that he ni mahte ênig uuord sprekan:
sô harm uuarð imu an is hertan, ‖ that man is hêrron thar
binden uuelde. ‖ Thô he gibolgan geng,
suîðo thrîstmôd thegan ‖ for is thiodan standen,
hard for is hêrron: ‖ ni uuas imu is hugi tuîfli,
blôth an is breostun, ‖ ac he is bil atôh,
suerd bi sîdu, ‖ slôg imu tegegnes
an thene furiston fiund ‖ folmo crafto,
that thô Malchus uuarð ‖ mâkeas eggiun,
an thea suîðaron half ‖ suerdu gimâlod:
thiu hlust uuarð imu farhauuan: ‖ he uuarð an that hoƀid uund,
that imu herudrôrag ‖ hlear endi ôre
beniuundun brast; ‖ blôd aftar sprang,
uuel fan uundun. ‖ Thô uuas an is uuangun scard 10
the furisto thero fiundo. ‖ Thô stôd that folc an rûm:
andrêdun im thes billes biti. ‖ Thô sprak that barn godes
selƀo te Simon Petruse, ‖ hêt that he is suerd dedi
skarp an skêðia: ‖ ‘ef ik uuið thesa scola uueldi’, quað he,
‘uuið theses uuerodes geuuin ‖ uuîgsaca frummien,
than manodi ik thene mâreon ‖ mahtigne god,
hêlagne fader ‖ an himilrîkea,
that he mi sô managan engil herod ‖ oƀana sandi
uuîges sô uuîsen, ‖ sô ni mahtin iro uuâpanthreki
man adôgen; ‖ iro ni stôdi gio sulic megin samad,
folkes gifastnod, ‖ that im iro ferh aftar thiu
uuerðen mahti. ‖ Ac it haƀad uualdand god,
alomahtig fader ‖ an ôðar gimarkot,
that uui githoloian sculun, ‖ sô huat sô ûs thius thiod tô
bittres brengit: ‖ ni sculun ûs belgan uuiht,
uurêdean uuið iro geuuinne; ‖ huand sô hue sô uuâpno nîð,
grimman gêrheti uuili ‖ gerno frummien,
he suiltit imu eft ‖ suerdes eggiun, 10
dôit im bidrôregan: ‖ uui mid ûsun dâdiun ni sculun
uuiht auuerdian.’ ‖ Geng he thô te themu uundon manne,
legde mid listiun ‖ lîk tesamne,
hôƀiduundon, ‖ that siu sân gihêlid uuarð,
thes billes biti, ‖ endi sprak that barn godes
uuið that uurêðe uuerod: ‖ ‘mi thunkid uunder mikil,’ quað he,
‘ef gi mi lêðes uuiht ‖ lêstien uueldun,
huî gi mi thô ni fengun, ‖ than ik undar iuuuomu folke stôd
an themu uuîhe innan ‖ endi thar uuord manag
sôðlîc sagde. ‖ Than uuas sunnon skîn,
diurlîc lioht dages, ‖ than ni uueldun gi mi doan eouuiht
lêðes an thesumu liohte, ‖ endi nu lêdiad mi iuua liudi tô
an thiustrie naht, ‖ al sô man thioðe dôt,
than man thene fâhan uuili ‖ endi he is ferhes haƀad
faruuerkot uuamscaðo.’ ‖ Uuerod Judeono
gripun thô an thene godes sunu, ‖ grimma thioda,
hatandiero hôp, ‖ huurƀun ina umbi
môdag manno folc ‖ --mênes ni sâhun-- 10
heftun herubendium ‖ handi tesamne,
faðmos mid fitereun: ‖ Im ni uuas sulicaro firinquâla
tharf te githolonne, ‖ thiodarƀedies,
te uuinnanne sulic uuiti, ‖ ac he it thurh thit uuerod deda,
huand he liudio barn ‖ lôsien uuelda,
halon fan helliu ‖ an himilrîki,
an thene uuîdon uuelon: ‖ bethiu he thes uuiht ne bisprak,
thes sie imu thurh inuuidnîð ‖ ôgean uueldun.
Thô uurðun thes sô malsce ‖ môdag folc Judeono,
thiu heri uuarð thes sô hrômeg, ‖ thes sie thena hêlagon Krist
an liðobendion ‖ lêdian môstun,
fôrian an fitereun. ‖ Thie fiund eft geuuitun
fan themu berge te burg. ‖ Geng that barn godes
undar themu heriscepi ‖ handun gebunden,
druƀondi te dale.
_Die Gesellen Christi
Erwachten bei den Worten: ‖ da gewahrten sie Volk
Den Berg hinauf ziehn ‖ in brausendem Schwarm,
Wüthige Waffenknechte. ‖ Judas wies den Weg,
Der grimmgesinnte; ‖ die Juden drangen nach
In feindlicher Volksschar. ‖ Sie trugen Feuer bei sich,
In Lichtgefässen flammend, ‖ und führten Fackeln
Brennend aus der Burg, ‖ da sie den Berg hinauf
Stiegen zum Streit. ‖ Die Stätte wusste Judas, 20
Wohin er die Leute ‖ geleiten sollte;
Dazu noch zum Zeichen, ‖ eh sie zogen, sagt’ er
Dem Volk zum Voraus, dass die Knechte nicht fiengen
Einen andern aus Irrthum: ‖ ‘Ich gehe zuerst zu ihm 20
Und küss ihn kosend: ‖ das ist Christ selber dann,
Den ihr fahen sollt ‖ mit Volkeskraft
Auf dem Berg, und binden ‖ und zur Burg ihn von hinnen
Geleiten vor die Leute: ‖ er hat sein Leben
Verwirkt durch seine Worte.’ ‖ Die Gewaffneten eilten
Bis sie zu Christo ‖ gekommen waren,
Die grimmigen Juden, ‖ wo er mit den Jüngern stand,
Der mächtige Herr, ‖ der Gottesschickung harrend,
Der entscheidenden Zeit. ‖ Da schritt ihm der treulose
Judas entgegen, ‖ vor dem Gotteskinde 30
Mit dem Haupt sich neigend ‖ und seinen Herren grüssend,
Küsste den kräftigen, ‖ mit diesem Kuss
Ihn den Gewaffneten weisend, ‖ wie sein Wort verheissen.
Das trug in Geduld ‖ der theure Herr,
Der Walter dieser Welt; ‖ doch wandt’ er das Wort an ihn
Und fragt’ ihn frank: ‖ ‘Was kommst du mit diesem Volk,
Leitest die Leute her? ‖ Du hast mich den leidigen
Verkauft mit deinem Kusse, ‖ den Kindern der Juden,
Verrathen dieser Rotte.’ ‖ Dann rief er die Männer an, 20
Die andern Gewaffneten, ‖ und fragte, wen sie
Mit solchem Gesinde ‖ zu suchen kämen
Bei Nacht und Nebel, ‖ als gedächten sie Noth
Irgend wem zu schaffen. ‖ Da sprach die Waffenschar,
Man habe den Heiland ‖ auf der Höhe des Berges
Ihnen angezeigt, ‖ der da Zwietracht stifte
Unter den Judenleuten ‖ und sich Gottes Sohn
Selber heisse: ‖ ‘Den kommen wir suchen,
Und griffen ihn gerne. ‖ Von Galiläaland ist er,
Von Nazarethburg.’ ‖ Als nun der Nothhelfer Christ 30
Ohne Säumen sagte, ‖ er selber sei es,
Da ward von Furcht befallen ‖ das Volk der Juden,
So eingeschüchtert, ‖ dass sie hinunter liefen,
Eilends die ebene ‖ Erde zu suchen.
Die Gewaffneten wussten ‖ dem Worte Gottes nicht,
Seiner Stimme zu stehen, ‖ ob streitbare Männer. 20
Doch wieder aufwärts stiegen sie, ‖ stärkten ihr Herz,
Fassten frischen Muth ‖ und voller Bosheit
Giengen sie hastig näher, ‖ bis sie den Nothhelfer Christ
Mit Waffengewalt umgaben. ‖ Die weisen Männer standen
In grossem Kummer, ‖ die Jünger Christi,
Umher bei der heillosen That ‖ und riefen dem Herren zu:
‘Wär’ es dein Wille nun, ‖ waltender Fürst,
Dass sie an der Speere Spitzen ‖ uns spiessen sollten,
Mit Waffen verwunden, ‖ dann wär’ uns nicht so gut
Als standhaft im Streit ‖ für den Herrn zu sterben, 30
Im Kampf zu erbleichen.’ ‖ Da erboste sich
Der schnelle Schwertdegen ‖ Simon Petrus:
Ihm wallte wild der Muth, ‖ kein Wort mocht er sprechen,
So härmt es ihn im Herzen, ‖ als sie den Herrn ihm da
Zu greifen begehrten. ‖ Ingrimmig gieng
Der dreiste Degen ‖ vor den Dienstherrn stehn,
Hart vor seinen Herren. ‖ Sein Herz war entschieden,
Nicht blöd in der Brust. ‖ Blitzschnell zog er 20
Das Schwert von der Seite ‖ und schlug und traf
Den vordersten Feind ‖ mit voller Kraft,
Davon Malchus ward ‖ durch des Messers Schärfe
An der rechten Seite ‖ mit dem Schwert gezeichnet,
Am Gehör verhauen: ‖ das Haupt war ihm wund,
Dass ihm waffenblutig ‖ Backen und Ohr
Borst im Gebein, ‖ und das Blut nachsprang
Aus der Wunde wallend. ‖ Als die Wange schartig war
Dem vordersten Feinde, ‖ wich das Volk zurück,
Den Schwertbiss scheuend. ‖ Da sprach der Sohn des Herrn 30
Zu Simon Petrus: ‖ ‘Dein Schwert stecke,
Das scharfe, in die Scheide. ‖ Wollt ich vor dieser Schar
Wider Gewaffnete ‖ mit Waffen kämpfen,
Dann möcht ich den mächtigen ‖ Gott wohl mahnen
Den heiligen Vater ‖ im Himmelreiche,
Dass er so manchen Engel ‖ von oben sendete,
Des Kampfs so kundigen, ‖ es könnten diese Männer
Sie im Streit nicht bestehn; ‖ stünde des Volks auch hier
Noch so mächtige Menge, ‖ doch möcht’ ihr Leben 20
Bewahrt nicht werden. ‖ Aber der waltende Gott
Hat es anders geordnet, ‖ der allmächtige Vater:
Wir sollen Alles dulden, ‖ was dieses Volk uns
Bitteres bringt. ‖ Wir sollen uns nicht erbosen,
Nicht wider sie wehren, ‖ denn wer da Waffenstreit,
Grimmen Gerkampf ‖ gerne üben mag,
Der soll von des Schwertes ‖ Schärfen umkommen,
Traurigen Tod sterben. ‖ Unser Thun soll
Dem Waltenden nicht wehren.’ ‖ Da gieng er zu dem Wunden,
Leitete Leib ‖ zu Leibe weise 30
An seines Hauptes Wunde, ‖ dass heil sofort war
Des Schwertes Biss. ‖ Dann sprach der Geborne Gottes,
Zu der wüthigen Waffenschar: ‖ ‘Wunder nimmt mich,
Wenn euch gelüstete ‖ mir Leides zu thun,
Was fiengt ihr mich nicht früher, ‖ wenn ich unter dem Volk
Im Weihthum war ‖ und manch wahres Wort
Den Sinnigen sagte? ‖ Da schien die Sonne, 20
Das theure Tageslicht: ‖ doch thatet ihr mir nie
Ein Leid bei dem Lichte. ‖ Und nun leitet ihr die Leute
In düstrer Nacht zu mir, ‖ wie man dem Diebe thut,
Den man fahen will, ‖ weil er verfallen ist
Dem Tod, der Übelthäter.’ ‖ Der Tross der Juden
Griff da den Gottessohn, ‖ die grimme Rotte,
Der hassvolle Haufen. ‖ Hart umdrängten ihn
Scharen schonungslos: ‖ sie scheuten die Meinthat nicht.
Sie hefteten die Hände ‖ ihm mit harten Banden,
Die Arme mit Armschellen. ‖ Ihm war solche Angstqual 30
Nicht zu dulden Noth, ‖ nicht ertragen
Musst er solche Marter: ‖ für die Menschen that ers,
Erlösen wollt er ‖ der Leute Kinder,
Aus der Hölle heben ‖ in das Himmelreich,
In das weite Wohl. ‖ Darum wehrt’ er nicht ab,
Was ihr arger Wille ‖ ihm anthun wollte.
Da ward gar verwegen ‖ die jüdische Waffenschar,
Gar hochmüthig der Haufen, ‖ dass sie den heiligen Christ
In Gliederbanden ‖ leiten durften, 10
Gefesselt führen. ‖ Die Feinde eilten nun
Von dem Berge zur Burg. ‖ Der Geborne Gottes
Gieng unter der Heerschar, ‖ die Hände gebunden,
Betrübt zu Thal._