CORBYKNOWE
‘Ye’ll come in and say a word to mother, Steenie?’ said Kirsty, as they
came near the door of the house.
It was a long, low building, with a narrow paving in front from end to
end, of stones cast up by the plough. Its walls, but one story high,
rough-cast and white-washed, shone dim in the twilight. Under a thick
projecting thatch the door stood wide open, and from the kitchen, whose
door was also open, came the light of a peat-fire and a fish-oil-lamp.
Throughout the summer Steenie was seldom in the house an hour of the
twenty-four, and now he hesitated to enter. In the winter he would keep
about it a good part of the day, and was generally indoors the greater
part of the night, but by no means always.
While he hesitated, his mother appeared in the doorway of the kitchen.
She was a tall, fine-looking woman, with soft gray eyes, and an
expression of form and features which left Kirsty accounted for.
‘Come awa in by, Steenie, my man!’ she said, in a tone that seemed to
wrap its object in fold upon fold of tenderness, enough to make the
peat-smoke that pervaded the kitchen seem the very atmosphere of the
heavenly countries. ‘Come and hae a drappy o’ new-milkit milk, and a
piece (_a piece of bread_).’
Steenie stood smiling and undecided on the slab in front of the
doorstep.
‘Dreid naething, Steenie,’ his mother went on. ‘There’s no ane to
interfere wi’ yer wull, whatever it be. The hoose is yer ain to come
and gang as ye see fit. But ye ken that, and Kirsty kens that, as
weel’s yer father and mysel.’
‘Mother, I ken what ye say to be the trowth, and I hae a gran’ pooer o’
believin the trowth. But a’body believes their ain mither: that’s i’
the order o’ things as they war first startit! Still I wud raither no
come in the nicht. I wud raither haud awa and no tribble ye wi’ mair o’
the sicht o’ me nor I canna help--that is, till the cheenge come, and
things be set richt. I dinna aye ken what I’m aboot, but I aye ken ’at
I’m a kin’ o’ a disgrace to ye, though I canna tell hoo I’m to blame
for ’t. Sae I’ll jist bide theroot wi’ the bonny stars ’at’s aye
theroot, and kens a’ aboot it, and disna think nane the waur o’ me.’
‘Laddie! laddie! wha on the face o’ God’s yerth thinks the waur o’ ye
for a wrang dune ye?--though wha has the wyte o’ that same I daurna
think, weel kennin ’at a’thing’s aither ordeent or allooed, makin
muckle the same. Come winter, come summer, come richt, come wrang, come
life, come deith, what are ye, what can ye be, but my ain, ain laddie!’
Steenie stepped across the threshold and followed his mother into the
kitchen, where the pot was already on the fire for the evening’s
porridge. To hide her emotion she went straight to it, and lifted the
lid to look whether boiling point had arrived. The same instant the
stalwart form of her husband appeared in the doorway, and there stood
for a single moment arrested.
He was a good deal older than his wife, as his long gray hair, among
other witnesses, testified. He was six feet in height, and very erect,
with a rather stiff, military carriage. His face wore an expression of
stern goodwill, as if he had been sent to do his best for everybody,
and knew it.
Steenie caught sight of him ere he had taken a step into the kitchen.
He rushed to him, threw his arms round him, and hid his face on his
bosom.
‘Bonny, bonny man!’ he murmured, then turned away and went back to the
fire.
His mother was casting the first handful of meal into the pot. Steenie
fetched a _three-leggit creepie_ and sat down by her, looking as if he
had sat there every night since first he was able to sit.
The farmer came forward, and drew a chair to the fire beside his son.
Steenie laid his head on his father’s knee, and the father laid his big
hand on Steenie’s head. Not a word was uttered. The mother might have
found them in her way had she been inclined, but the thought did not
come to her, and she went on making the porridge in great contentment,
while Kirsty laid the cloth. The night was as still in the house as in
the world, save for the bursting of the big blobs of the porridge. The
peat fire made no noise.
The mother at length took the heavy pot from the fire, and, with what
to one inexpert might have seemed wonderful skill, poured the porridge
into a huge wooden bowl on the table. Having then scraped the pot
carefully that nothing should be lost, she put some water into it, and
setting it on the fire again, went to a hole in the wall, took thence
two eggs, and placed them gently in the water.
She went next to the dairy, and came back with a jug of the richest
milk, which she set beside the porridge, whereupon they drew their
seats to the table--all but Steenie.
‘Come, Steenie,’ said his mother, ‘here’s yer supper.’
‘I dinna care aboot ony supper the nicht, mother,’ answered Steenie.
‘Guidsake, laddie, I kenna hoo ye live!’ she returned in an accent
almost of despair.
‘I’m thinkin I dinna need sae muckle as ither fowk,’ rejoined Steenie,
whose white face bore testimony that he took far from nourishment
enough. ‘Ye see I’m no a’ there,’ he added with a smile, ‘sae I canna
need sae muckle!’
‘There’s eneuch o’ ye there to fill my hert unco fu,’ answered his
mother with a deep sigh. ‘Come awa, Steenie, my bairn!’ she went on
coaxingly. ‘Yer father winna ate a moufu’ gien ye dinna: ye’ll see
that!--Eh, Steenie,’ she broke out, ‘gien ye wad but tak yer supper and
gang to yer bed like the lave o’ ’s! It gars my hert swall as gien ’t
wud burst like a blob to think o’ ye oot i’ the mirk nicht! Wha’s to
tell what michtna be happenin ye! Oor herts are whiles that sair, yer
father’s and mine, i’ oor beds, ’at we daurna say a word for fear the
tane set the tither greetin.’
‘I’ll bide in, gien that be yer wull,’ replied Steenie; ‘but eh, gien
ye kent the differ to me, ye wudna wuss ’t. I seldom sleep at nicht as
ye ken, and i’ the hoose it’s jist as gien the darkness wan inside o’
me and was chokin me.’
‘But it’s as dark theroot as i’ the hoose--whiles, onygait!’
‘Na, mother; it’s never sae dark theroot but there’s licht eneuch to
ken _I’m_ theroot and no i’ the hoose. I can aye draw a guid full breath
oot i’ the open.’
‘Lat the laddie gang his ain gait, ’uman,’ interposed David. ‘The thing
born in ’im ’s better for him nor the thing born in anither. A man maun
gang as God made him.’
‘Ay, whether he be man or dog!’ assented Steenie solemnly.
He drew his stool close to his father where he sat at the table, and
again laid his head on his knee. The mother sighed but said nothing.
She looked nowise hurt, only very sad. In a minute, Steenie spoke
again:
‘I’m thinkin nane o’ ye kens,’ he said, ‘what it’s like whan a’ the
hill-side’s gien up to the ither anes!’
‘What ither anes?’ asked his mother. ‘There can be nane there but yer
ain lane sel!’
‘Ay, there’s a’ the lave o’ ’s,’ he rejoined, with a wan smile.
The mother looked at him with something almost of fear in her eyes of
love.
‘Steenie has company we ken little aboot,’ said Kirsty. ‘I whiles think
I wud gie him my wits for his company.’
‘Ay, the bonny man!’ murmured Steenie. ‘--I maun be gauin!’
But he did not rise, did not even lift his head from his father’s knee:
it would be rude to go before the supper was over--the ruder that he
was not partaking of it!
David had eaten his porridge, and now came the almost nightly
difference about the eggs. Marion had been ‘the perfect spy o’ the
time’ in taking them from the pot; but when she would as usual have her
husband eat them, he as usual declared he neither needed nor wanted
them. This night, however, he did not insist, but at once proceeded to
prepare one, with which, as soon as it was nicely mixed with salt, he
began to feed Steenie. The boy had been longer used to being thus fed
than most children, and having taken the first mouthful instinctively,
now moved his head, but without raising it from his knee, so that his
father might feed him more comfortably. In this position he took every
spoonful given him, and so ate both the eggs, greatly to the delight of
the rest of the company.
A moment more and Steenie got up. His father rose also.
‘I’ll convoy ye a bit, my man,’ he said.
‘Eh, na! ye needna that, father! It’s nearhan’ yer bedtime! I hae
naegait to be convoyt. I’ll jist be aboot i’ the nicht--maybe a
stane’s-cast frae the door, maybe the tither side o’ the Horn. Here or
there I’m never frae ye. I think whiles I’m jist like ane o’ them ’at
ye ca’ deid: I’m no awa; I’m only deid! I’m aboot somegait!’
So saying, he went. He never on any occasion wished them good-night:
that would be to leave them, and he was not leaving them! he was with
them all the time!