So sang the bard—and Nansie’s wa’s
Shook with a thunder of applause,
Re-echo’d from each mouth!
They toom’d their pocks, they pawn’d their duds,
They scarcely left to co’er their fuds,
To quench their lowin drouth:
Then owre again, the jovial thrang
The poet did request
To lowse his pack an’ wale a sang,
A ballad o’ the best;
He rising, rejoicing,
Between his twa Deborahs,
Looks round him, an’ found them
Impatient for the chorus.