Une autre vertu bon_n_e et belle
Dieus de sa grace y ordina,
Et a Reso_u_n don_n_a ycelle,
Dont puet defendre la querelle
De l’Alme, et puis si la nom_m_a
Dame Chasteté, quelle enfanta
Cink files: mais q’amys serra 16580
A la prim_er_e dammoiselle,
Ja fornicacio_u_n ne fra;
Car ceste ensi le gardera
Qu’il ja vers autre ne chancelle.
Iceste file Bon_n_eguarde[447]
Estroiteme_n_t les cynk sens garde,
Siq’ils ne devont forsvoier;
L’oraille n’ot, ne l’oill reguarde,
Ne bouche parle par mesgarde,
Ne nees delite en odourer, 16590
Ne main mesp_re_nt au foltoucher,
Du quoy le cuer font enticer
Au folpenser deinz son einzgarde;
Ce sont le forain officer,
Qui du malfaire ou mal lesser
La char font hardie ou couarde.
Les cynk sens par especial,
Ce sont ly porte et fenestral,
Par queux le deable y est entrant
A l’alme p_ar_ si fort estal 16600
Qe molt sovent le reson_n_al
En bestial vait destournant:
Mais saint Jerom te vait disant,
Qe jam_m_ais deable ert po_ur_p_er_nant
La tour du cuer judicial,
Si Bon_n_egarde y soit devant
Po_ur_ garder q_ue_ tout ferm tenant
Soient du chastel ly portal.
Ly saint Apostre no_us_ defent
De parler leccherousement; 16610
Car le p_ar_ler de ribaldie
Corrumpt les bon_n_es mours sove_n_t:
De tiel soufflet molt tost s’esp_re_nt
Le fieu de chalde Leccherie.
Pour ce la bouche de folie
Si Bon_n_eguarde bien ne guie
En ce q’a son office appent,
Le cuer s’assente en sa partie,
Si tret la char en compaignie,
Dont ils sont ars ensemblement. 16620
Quel es, ytiel ert ta p_ar_ole,
Honeste ou laide ou sage ou fole,
Car ce dont cuers habonde al hure
S’en ist plustost de bouche et vole:
Ce tesmoignont de leur escole
Le philosophre et l’escripture.
Mais Bon_n_egarde bien s’en cure,
Sa lange ne laist pas sanz cure,
N’ad point la goule chanterole
Pour dire ou chanter de luxure, 16630
Ainz de reso_u_n q’est au dessure
La lange tient com_m_e en gayole.
Du chose que n’est pas a faire
Sanz emp_ar_ler om se doit taire,
Ce dist Senec, dont m’est avis
Q’om doit du leccherouse affaire
De bouche clos scilence attraire,
Et guarder soy par tiel devis
Qe ses p_ar_oles et ses ditz
Soient d’onesteté toutditz: 16640
Car qui de si fait essamplaire
Se voet garder, je truis escris,
Qe grant honour luy est p_ro_mis
En ciel, u tout honour repaire.
El main du lange est vie et mort,
Dont sages est qui s’en remort,
Si q’il sa lange poot danter.
La bouche souffle a malvois port,
Qant des folditz fait son report;
Car ce voit om, q_ue_ par souffler 16650
Le fieu tantost estenceller
Com_m_ence, et si continuer
Sufflant voldra, lors a plus fort[448]
La flam_m_e esp_re_nt; ensi parler
Du mal les mals fait enticer,
Et don_n_e as vices le support.
[Sidenote: =f. 93=]
Senec te dist que ta parole
Du vanité ne du frivole
Ne soit. Enten, tu foldisour:
Dieus dist, du quanq_ue_ l’en parole 16660
Om doit compter a celle escole,
U q’il ert mesmes auditour:
Lors croy je bien q_ue_ cil lechour,
Qui meulx quide ore en fol amo_ur_
Queinter ses ditz, dont se rigole,
P_er_dra l’esploit de son labour,
Qant ly chançons se to_ur_ne en plo_ur_
Et toute ardante ert la carole.
De folp_ar_ler te dois retraire;
‘Mieulx valt,’ ce dist ly sage, ‘a taire
De folparler, car par cela 16671
Sovent avient folie maire.’
De ce no_us_ fist bon essamplaire
Uluxes, qant il folparla
A Circes et a Calipsa;
Du folp_ar_ler les enchanta,
Dont leur fesoit folie faire;
Auci, qant il les rescoulta,
Des lo_ur_ fols ditz tant assota
Q’il du reso_u_n ne savoit gaire. 16680
Pour ce luy covient abstenir
Du folp_ar_ler et foloïr,
Qui selonc Bon_n_egarde vit;[449]
Car s’il l’oraille voet ov_er_ir,
Au paine se porra cov_er_ir,
Qu’il chasteté sovent n’oblit.
Qui les chançons en mer oït
De les Sereines, s’esjoÿt,
Qe tout le cuer le font ravir;
Mais soubz cela du mort soubit, 16690
Qant il meulx quide estre a bon plit,
En halte mer luy font perir.
Auci covient guarder la veue,
Car l’oill q’au folregard se mue
Sovent reporte au cuer dam_m_age:
David, qant passa p_ar_ la rue,
Des fols regartz son cuer englue
Voiant la beauté du visage
Du Bersabé, dont fist folage:
Auci Paris ne fist q_ue_ sage, 16700
Qant vist Heleine, q’ert venue
En l’isle presde son rivage;
Pour l’oill lessa le cuer en gage,
Trop fuist l’eschange chier vendue.
Pour ce bon est q’om s’ap_ar_aille
De bien garder l’oill et l’oraille;
Car si le deable overt les voit,
Un dart y tret en repostaille,
Dont fiert le cuer p_ar_ tiele entaille,
Tanq_ue_ Reso_u_n tout morte y soit: 16710
Et lors l’attorne a son endroit,
Et dist au main, ‘Tastetz tout droit,
C’est suef et moll q_ue_ je te baille,
Fai ce que l’om_m_e faire doit’:
Ensi la sote gent deçoit,
Qant Bon_n_egarde lo_ur_ defaille.
Quintiliens uns sages clercs
Dist q_ue_ les oils, qant sont ov_er_tz,
As vices sont la halte voie,
Dont vont au cuer tout au t_ra_vers, 16720
Et tost ruer luy font env_er_s,
Et les vertus tollont envoie.
He, quel meschief cel oil emploie,
P_ar_ folregard qant se desploie
Et du p_ro_dhom_m_e fait p_er_vers!
Pour ce, siq_ue_ ton oil bien voie,
Du Bon_n_egarde le convoie,
Car l’oil de l’om_m_e est molt divers.
Ce dist le p_ro_phete Ysaïe,
‘La mort p_ar_my no fenestrie 16730
Entre et desrobbe no meso_u_n’;
C’est p_ar_ les oils qui l’en mesguie.
Pour ce te dist le fils Marie,
Qe si ton oil te soit felo_u_n,
Hostetz le sanz aresteiso_u_n:
‘Meulx valt,’ ce dist a bon reso_u_n,
‘Avoec un oil entrer en vie
Q’ove tout deux oils estre en p_ri_so_u_n
D’enfern, u flambent ly tiso_u_n
Du fieu q’exteindre ne puet mie.’ 16740
Saint Job disoit q’il asseurance
Ot pris par ferme covenance
Avoec ses oils, q’il du virgine
Ou d’autre fem_m_e remembrance
Ne duist avoir p_ar_ l’aqueintance[450]
De leur regard en sa poitrine.
De son essample et sa doctrine
Savoir poons q_ue_ la covine
Des oils enportont g_ra_nt nuisance;
Du cuer esmovent la racine, 16750
Dont vait la char a sa ruine,
Qant n’ad du vertu la substance.
‘Tourne ton oill,’ David disoit,
‘Siqu’il la vanité ne voit,’
La quelle tout le corps fait vain:
Car dieus le dist p_ar_ tiel endroit,
Qe si l’oill vil et obscur soit,
Le corps ert obscur et vilain,
Et si l’oill soit tout clier et sain,
Le corps du clareté tout plain 16760
Sicom_m_e lanterne luire doit,
Po_ur_ l’alme conduire au darrein
Vers ciel le halt chemin certain
En la p_re_sence dieu toutdroit.
Encore falt a regarder,
Qui chasteté voldra garder,
De fuïr fole compaignie,
C’est soule ove sole acompaigner:
De ce nous faisoit essampler
Amon, qui par sa grant folie 16770
De sa sorour faisoit s’amie,
Et la pourgust du leccherie,
Soulaine qant la pot trover;
Par ce q’ert sole fuist honie,
Si du soulein s’estoit fuïe,
Ja n’eust eeu tiel encombrer.
Ly bon Joseph bien s’en fuï,
Qant p_ar_ son mantell le saisi
La dame qui rovoit s’amour:
La guerre en son fuiant venqui; 16780
Pour ce meulx valt fuïr ensi,
Dont l’en poet estre venqueour,
Q’attendre et estre combatour,
Dont l’en soit vencu sanz retour
Par force du fol anemy.
Fuïr t’en puiss a ton honour,
Mais cil q’attent en cel estour,
Miracle s’il n’en soit hony.[451]
Sicom_m_e du paste ly levains
Attrait a son savour les pains, 16790
Et com_m_e la poire q’est purrie
Corrompt les autres q_ue_ sont sains,
Et com_m_e l’ardant charbons soulains
Un moncell d’autres enflambie,
Tout ensi fole compaignie
Les autres tret a sa folie
Et des courtois les fait vilains;
Pour ce je vous consaille et prie,
Vous qui voletz hon_n_este vie,
Fuietz le sort des tieux compains.
Nous d’une estoille ensi lison, 16801
Q’est appellé cuer du lion,
La quelle est froide de nature,
Mais pour ce q’elle en le giro_u_n
Du solaill vait tout enviro_u_n,
S’eschalfe et art; et p_ar_ figure
Ensi fait l’om_m_e de luxure
Par compaignie et envoisure.
David te dist en sa leçon,
‘Ove l’om_m_e saint pren ta demure, 16810
Car cil q’ove l’om_m_e mal demure
Estre ne poet si malvois no_u_n.’
Encontre tous autres pecchés
Resistetz fort et combatez
Pour veintre la temptacio_u_n;
Mais cy endroit ne resistez,
Ce dist l’apostre, ‘En tous degrés
Fuietz la fornicacio_u_n’:
Ne te mette au p_ro_bacio_u_n,
Ainz sanz avoir dilacio_u_n 16820
Du compaignie tost fuietz,
Qe t’alme en ait salvacioun:[452]
Retien ceste enformacio_u_n
Du Bon_n_egarde, et t’en gardetz.
=Ore dirra de la seconde file de Chasteté, quelle ad no_u_n
Virginité, contre le vice de Stupre.=
Encontre Stupre le pecché
Est la seconde file née
Du Chasteté par droit descente,
La quelle ad no_u_n Virginité;
Si est de pure netteté,
Sur toutes autres la plus gente[453] 16830
De son fait et de son entente.
C’est celle qui de sa jovente
Toutdis ovesq_ue_ Chasteté
Converse et toute se p_re_sente
A dieu, qui jam_m_ais ne s’assente
Au char du fait ne du pensée.
Iceste file ensi confite
A la tresfine margarite
Est en trois choses resemblable:
La piere est blanche et bien petite,
Si ad vertu dont molt p_ro_fite; 16841
Au quoy la vierge est concordable,
Q’ad blanche vie et amiable,
Du cuer petit et reson_n_able
D’umilité, dont est p_ar_fite;
[Sidenote: =f. 94=]
De sa vertu molt est vaillable,
Qant mesmes dieu est entendable
De l’onourer pour sa merite.
Et d’autre p_ar_t, ce m’est avis,
Virginité par droit devis 16850
L’en porra raison_n_ablement
Resembler a la flour de lys,
Quelle ad cink fuilles bien assis
Ove trois grains dorrez finement:
Le fuil primer au corps appent,
Dont n’est corrupt ascunement,
Ne don_n_e au char ses foldelitz;
Le fuil seconde au cuer s’extent,
Qe le penser tout purement
Sustient sanz foldesir toutdis. 16860
Ly cuers q’a ceste vertu pense
Deinz soy jam_m_ais ne contrepense
Q’eschanger vuille son estage;
Car saint Jerom ce no_us_ ensense,
Si dist, ‘Poy valt la conscience,
Qant vierge pense au mariage’:
Par tiel penser, p_ar_ tiel corage
Virginité se desparage; 16868
Car bon ov_er_eigne qui com_m_ence,
S’il n’en p_ar_fait trestout l’ov_er_age,
N’est droitz q’il ait plain avantage,
Qant il n’en met la plaine expe_n_se.
Le tierce fuil c’est humbleté,
Qui bien s’acorde a chasteté;
Car saint Bernard ce vait disa_n_t,
Qe molt est belle l’unité
D’umblesce et de virginité;
Car ne puet estre a dieu plesant
Virginité q’est orguillant,
Nient pl_us_ q_ue_ s’om te meist devant 16880
Viande bon_n_e et savourée
En un vessel ord et puiant:
Ja n’en fuissietz si fameillant,[454]
Qe tout n’en serretz abhosmé.
Mais n_ost_re dame en sa man_er_e
De l’un et l’autre fuist plen_er_e,
Humblesce avoit et fuist virgine:
Po_ur_ ce fuist faite la dieu mere,
Et p_ar_ vertu de dieu le pere
Virginité fuist enterine. 16890
C’estoit la flour de lis divine[455]
De fuil, de fruit et de racine,
Dont dieux faisoit sa chamberere,
Et en la gloire celestine,
Pour faire y n_ost_re medicine,
La fist planter et belle et chere.
De les trois fuilles cy devant
Conté vous ai, mais ore avant
Au quarte fuil frai mon retour,
Q’est du vergoigne apparisant; 16900
Et puis du quinte fuil suiant,
Q’ad la verdure de paour.
Vergoigne hiet tout fol amour,
Les ditz n’ascoulte du lechour,
Ainz tout foldit et folsemblant,
Ou soit secret ou soit clamour,
Sa face enrougist du colour,
Et s’en retrait de meintenant.
Les vierges serront vergoignouses,
Auci serront et paourouses; 16910
Car el vessel q’est frel et vein
Portont les fleurs tant p_re_ciouses,
Dont au fin serront gloriouses,
Si la fleur gardent saulf et sein;
Mais si la fleur flestre au darrein,
Lors tout p_er_dront et flour et grein,
Dont ont esté laboriouses:
Ly fiebles q’aler doit longtein,
S’il n’ait dont supponer ou mein,
Les voies sont plus p_er_illouses. 16920
Pour ce ly vierges q’est flori
Doit vergoigne et paour auci
En sa main destre toutdis p_re_ndre
Pour suppoer le corps de luy;
Et s’il par cas soit assailly,
Du tiel basto_u_n se doit defendre.
Ce no_us_ fait saint Ambroise entendre,
Qe vierges doit avoir cuer tendre,
Dont du legier soit esbahi:
Vierge en ses chambres doit attendre,
Q’aillours ne laist sa flour susp_re_ndre,
Dont son chapeal soit deflory. 16932
Qui pert son virginal honour,
De son chapeal deschiet la flour,
Q’est sur trestoutes blanche et mole;
Meulx valsist estre enclos de tour,
Q’es champs pour faire tiel atour
Du violette ou prim_er_ole,
Par quoy sa flour de lys viole.
Riens valt dancer a la carole, 16940
Dont puis covient ruer en plour:
Qant piere hurte a la viole,
Ou l’ostour luite au russinole,
Savoir poetz q’ad le peiour.
La fem_m_e fieble a l’om_m_e fort,
Ou soit a droit ou soit a tort,
Sa force ne puet resister,
Ainz son delit et son desport
Souffrir l’estuet sanz nul desport,
Si soule la porra trover. 16950
Pour ce ne doit pas soule aler
La vierge, car ly p_ro_verber
Dist, ‘Way soulein q’est sanz resort
Du compaignie, car aider
N’est autre, qant vient encombrer,
Luy puet po_ur_ faire ascun confort.’
Jacob de s’espouse Lya
Ot une file a no_u_n Dyna,
La quelle pure vierge estoit:
Avint q_ue_ la pucelle ala 16960
Pour regarder les gens de la
En terre estrange, u demorroit;
Mais po_ur_ ce q_ue_ souleine estoit,
Sichen, qui sa beauté veoit,
De son amour enamoura,
Dont la ravist et desflouroit:
Mais si ses chambres bien gardoit,
Ja Sichen ne l’eust fait cela.
Virginité n’est bien florie,
Si ly deux fuil ne soient mie, 16970
Vergoigne et paour ensement.
Vergoigne et paour ot Marie,
Qant l’angre de la dieu partie
La dist, ‘Ave!’ soulainement:
C’estoit la dame voirement
Q’ot les cink fuilles plainement
El fleur de virginale vie,
Ove les trois grains certaineme_n_t;
Dont vous dirray, oietz com_m_ent,
Des ces trois grains quoi signefie. 16980
Trois fo_ur_mes sont de dieu amer,
Ce sont les grains dont vuil p_ar_ler,
Au fin q_ue_ vierge soit parfit:
Car vierge doit tout au primer
D’entendement sanz folerrer
Amer son dieu, q’est son eslit,
Et si se dolt ou s’esjoÿt,
D’entier voloir sanz contredit
Tendra l’amour sanz reto_ur_ner:
N’est pas amy qui tost oublit, 16990
Ainçois du tout son espirit
Luy doit cherir et mercier.
Tieux sont les grains dont est p_ar_fait
La flour; si vierge ensi les ait,
Lors rent a dieu son droit paiage;
Et autrement, s’ensi ne vait,
Tout est en vein que vierge fait,
Car pl_us_ ne valt le pucellage
Qe lampe exteignte sanz oillage;
Dont ly cink fole au mariage 17000
Au port entrer furont desfait,
Mais l’autre cink, qui furont sage,
Et d’oille avoiont l’avantage,
Entreront y sanz contreplait.
Mais po_ur_ compter tout au final,
Trois causes sont en general
Pour exciter l’umanité
D’amer l’estat q’est virginal:
Prim_er_ement c’est un causal
Pour la tresfine bealté, 17010
La seconde est pour la bonté,
Et la tierce est pour digneté:
Ce sont ly cause principal
Q’om doit amer virginité;
De chascun point en son degré
Vous dirray par especial.
Ly sages dist en sa doctrine:
‘O com_m_e p_er_est et belle et fine
La flour du virginal endroit!’
Auci Jerom de ce diffine, 17020
Si dist q_ue_ belle est la virgine
Com_m_e robe blanche, en quelle om voit
Legierement si tache y soit.
C’est la beauté que dieus amoit
Et la retint de sa covine,
Qant prendre n_ost_re char venoit:
Dont m’est avis amer l’en doit
L’estat q_ue_ si bell eslumine.
De la bonté ce nous devise
Jerom, qui dist en ceste guise, 17030
Q’estat du vierge est purement
Offrende a dieu et sacrefise,
Qant om le gart du bon_n_e enprise;
Dont grant loer au fin reprent.
De saint Jehan l’experiment
Avoir porrons q_ue_ d’autre gent
Virgine est de plus halte assisse;[456]
[Sidenote: =f. 95=]
Car il porta resemblement
Al Aigle, qui plus haltement[457]
Vola de la divine aprise. 17040
De tous les saintz q’om doit nom_m_er
Estoit Jehans plus familier[458]
Et plus privé de son seignour:
Apocalips doit tesmoigner
Qe vierges doit plus halt monter[459]
Et d’autres plus avoir l’onour;
Q’en halt le ciel sup_er_iour
Devant le throne dieu maiour
Ly vierge devont assister,
Et pour la grant bonté de lour 17050
L’aignel de dieu p_ar_ tout entour
S’en vont suiant pour luy loer.
L’aignel de dieu sanz departie
En blanches stoles sanz partie
Ly vierge vont suiant toutdis,
Ly quel de sa bonté complie
A faire leur honeur se plie
Ove trois coron_n_es de grant pris,
Q’il portont sur le chief assis:
Virginité dont m’est avis 17060
Sur tous estatz se glorifie;
De sa beauté dieus fuist suspris,
De sa bou_n_té le paradis
Est n_ost_re, quoy q_ue_ nuls endie.
Virginité, qui bien la meine,
Fait l’alme digne en son demeine;
Car saint Gregoire vait disant,
Qe cil qui vit en char humeine
Et contre char sa char restreine,
Si q’a sa char n’est obeissant, 17070
Est as bons angres comparant:
Et plus le loe encore avant
Du digneté q’est plus halteine.[460]
Le Genesis vait tesmoignant
Qe l’alme vierge est resemblant
Au magesté q’est sov_er_eine.
Ambroise ce vait demandant:
‘Qui porroit estre meulx vailla_n_t
De luy q’est de son Roy amé,
Et de son jugge ferm, constant, 17080
En juggement, le poeple oiant,
Sanz nul errour est apprové,
Et est sur ce saintefié
De dieu, q’en ad la poesté
Sur toute rien q_ue_ soit vivant?’
C’est plus ne meinz en verité
Qe l’ordre de virginité,
Qui toutz les autres vait passa_n_t.
Un Emp_er_our jadis estoit
Q’om Valentinian nomoit; 17090
Cil avoit oitante au_n_s compliz:
Sovent fortune luy don_n_oit
Victoire, et qant om en parloit[461]
Pour luy loer, il n’en tint pris,
Ainz dist q’assetz plus ot enpris
De ce q’il un soul anemys
Vencu de sa bataille avoit,
Qe du tout autre a son avis;
C’estoit sa char q’il ot soubmis,
Dont sa loenge demenoit. 17100
Virginité molt valt en soy;
Essample avons du viele loy:
Ce parust qant le poeple hebreu
Les Madians ove leur desroy
Trestout venquiront au tournoy;
Car Moÿses, qui s’est pourveu,
Com_m_anda lors q_ue_ tost veeu
Soit toute fem_m_e qui parcru
Fuist de la Madiane foy,
Et les corruptes en tout lieu 17110
Fuissont occis en l’onour dieu,
Mais les virgines laissa coy.
Ce dist Gilbert en son sermo_u_n:
‘Virginité sanz mal felo_u_n
Est de sa char la pes entiere
Et des pecchés redempcio_u_n,
Princesse et dame de reso_u_n,
Sur toutes vertus la prim_er_e.’
Ce dist Jerom en la matiere:
‘Jadis ly Prince et l’Emp_er_ere 17120
Par les Cités tout enviro_u_n
Donneront voie ove liée chiere
A la virgine belle et chere,
Pour l’onour de si noble no_u_n.’
Seint Ciprian en son escript
Virginité ensi descrit,
Q’elle est la flour de sainte eglise
Et l’ornement bon et p_ar_fit
Del grace du saint espirit,
Ov_er_aigne bon_n_e sanz reprise; 17130
Si est en dieu l’ymage assisse,
Que n’est corrupte ne malmise,
Sov_er_ein amour, sov_er_ein delit,
Dont l’alme q’est de tiele aprise
Les angres passe en mainte guise,
Et a dieu mesmes s’associt.
=Ore dirra de la tierce file de Chasteté, la quelle ad no_u_n
Matrimoine, co_n_tre le vice de Avolterie.=