Et tout ce nient en nient revient
Par nient, qui tout fait anie_n_tir: 39
C’est nient q’en soy tous mals contient
Du quoy tout temps qua_n_t me sovient,
M’estoet a trere maint suspir,
Que je voi tantz mals avenir
Du nient, car tous ont leur desir
En nient q’au siecle se p_ar_tient;
Que nient les fait leur dieu guerpir
Pour nient, q’en nient doit revertir
Et devenir plus vil que fient.
Jehan l’apostre evangelist
En l’evangile qu’il escrist 50
Tesmoigne q’au com_m_encement
Dieux crea toute chose et fist,
Mais nient fuist fait sanz luy, ce dist:
Dont saint Gregoire sagement,
Qui puis en fist l’exponement,[2]
Par le divin inspirement
Du nient la forme nous aprist,
Disant que nient en soy comprent
Le no_u_n du pecché soulement,
Car pecché tous biens anientist. 60
Primer quant dieus ot fait les cieux,
Des tous angres espiritieux
Un Lucifer fuist principals;
Mais du pecché q’estoit mortieux
Chaoit de les celestieux
Au nient dev_er_s les infernalx:
Pecché fuist source de les mals,
Tornant les joyes en travals,
De halt en bas changeant les lieux:
Nient est pecché ly desloyals, 70
Car par son vuill et ses consals
Volt anientir quanq_ue_ fist dieux.
Cil Lucifer no_u_npas solein
Chaïst du ciel, ançois tout plein
Des autres lors furont peris
Par pecché, dont ly soverein
Leur fist chaoir, siq’ en certein
Du pecché vint ce que je dis,
Dont l’angre furont anientiz:
Mais tous vous avetz bien oïz, 80
Com_m_e dieu puis de sa p_ro_pre mein
Adam crea deinz paradis,
Et sa compaigne au droit divis
Le fist avoir du dame Evein.
Pour le pecché, pour le forsfait,
Dont Lucifer avoit mesfait,
Dieus, q’en vist la desconvenue,[3]
Coment son ciel estoit desfait,--
Pour ce tantost Adam fuist fait
Et Eve auci tout nu a nue 90
En p_ar_adis dessoutz la nue:
Siq’ en apres de celle issue
Que de leur corps serroit estrait,
Soit restoré q’estoit perdue
Amont le ciel, a la value
Que Lucifer avoit sustrait.
Du noble main no duy parent
Estoiont fait molt noblement,
Car dieu le piere les forma:
Pour noble cause et ensement 100
Estoiont fait, quant tielement
A son ciel dieu les ordina:
En noble lieu dieu les crea
Et paradis tout leur bailla,
Que molt fuist noble au tiele gent;
Mais l’en puet dire bien cela,
Helas! quant le pecché de la
Les anientist si vilement.
Chacun de vous ad bien oï
Coment Adam se departi 110
De Paradis, mais nepourquant,
Solonc que truis en genesi
Vous en dirray trestout ensi:[4]
Dont falt savoir primer avant
Q’en Paradis avoit estant
Une arbre dieu luy toutpuissant,
Dont il les pommes deffendi
A Adam, qu’il n’en fuist mangant,[5]
Et dist, s’il en mangast, par tant[6]
Du mort en serroit anienti.[7] 120
Bien tost apres, ce truis escrit,
Cil Lucifer dont vous ay dit
S’aparçut de la covenance;
Et ot d’Adam trop grant despit,
Qu’il fuist a celle joye eslit,
Dont mesmes par sa mescheance
Estoit cheeuz: lors sa semblance
Mua, siq_ue_ par resemblance
En forme d’un serpent s’assit
Dessur celle arbre, et d’aquointance 130
Pria dame Eve, a qui constance
De sa nature ert entredit.
Au frele et fieble femeline
En la figure serpentine,
Dessur celle arbre u qu’il seoit,
Ly deable conta sa covine:
Si dist, ‘He, fem_m_e, pren sesine
Du fruit qui tant p_er_est benoit:
Car lors serras en ton endroit
Du bien et mal, du tort et droit, 140
Sachant come dieu.’ O la falsine!
Par ce q’ensi la p_ro_mettoit,
La fem_m_e son voloir tornoit
Contre la volenté divine.
La fem_m_e, qui par tricherie
Fuist du serpent ensi trahie,
Mangut le pom_m_e, helas, mortal:
Et quant ot fait la felonie,
Tantost s’en vait come fole amie
Pour tempter son especial; 150
Et tant luy dist que parigal
Le fist de cel origenal;
Le fruit mangut par compaignie.
Ensi ly serpent fuist causal
Au fem_m_e, et fem_m_e auci du mal
Causoit que l’om_m_e fist folie.
Au mors du pom_m_e tant amer
Mort et pecché tout au primer
Dedeinz Adam pristront demure:
Car il ne savoit excuser 160
Sa conscience, ainz accuser
De la mortiele forsfaiture.
Helas! cil qui tant fuist dessure
Fuist tant dessoutz en si poy d’ure;
Car dieux luy fist nud despoiler:
Come sa malvoise creature,
Atteinte ovesq_ue_ la menure
Le fist come traitre forsjuger.
C’estoit du dieu le Jugement,
Q’Adam serroit vilaynement 170
Botuz du Paradis en terre;
U q’en dolour molt tristement
Sa viande et son vestement
Irroit a pourchacer et querre:
Sa fem_m_e auci pour son contrere,
De ce q’a dieu ne voloit plere,
Tous jours a son enfantement,
Quant vient au naturel affere,
Doit tous ses fils et files trere
En plour et en ghemissement. 180
Mais tout ce n’eust esté que jeeu,
Si plus du paine n’eust ëeu;
Mais sur trestout c’estoit le pis
La mort, dont au darrein perdu
Furont loigns en enfern de dieu
Et piere et miere et file et fils,
Sanz fin pour demourer toutdis.
[Sidenote: =f. 6=]
Lors pourray dire a mon avis,
Du pecché vient en chacun lieu
Ce dont ly bon sont anientiz, 190
Car ciel et terre et paradis
De sa malice ad corrumpu.
Pour ce vous dirray la maniere
Com_m_ent Pecché nasquit primere,
Et de ses files tout ades;
Si vous dirray qui fuist son piere,
Et u nasquist celle adv_er_siere
Trestout dirray cy en apres.[8]
Ly deable mesme a son decess,
Quant il p_er_dist sanz nul reless 200
Du ciel la belle meson cliere,
Lors engendra tieu fals encress,
Come vous orretz, si faitez pes;
Car je vuill conter la matiere.
=Com_m_ent Pecché nasquist du deble, et com_m_ent Mort nasquist
du Pecché, et coment Mort espousa sa miere et engendra sur luy
les sept vices mortieux.=
Ly deable, qui tous mals soubtile
Et trestous biens hiet et revile,
De sa malice concevoit
Et puis enfantoit une file,
Q’ert tresmalvoise, laide et vile,
La quelle Pecché no_u_n avoit. 210
Il mesmes sa norrice estoit,
Et la gardoit et doctrinoit
De sa plus tricherouse guile;[9]
Par quoy la file en son endroit
Si violente devenoit,
Que riens ne touche q_ue_ n’avile.
Tant p_er_servoit le deble a gré[10]
Sa jofne file en son degré
Et tant luy fist plesant desport,
Dont il fuist tant enamouré, 220
Que sur sa file ad engendré
Un fils, que l’en appella Mort.
Lors ot le deable grant confort,
Car tout quidoit par leur enhort
De l’ome avoir sa volenté;
Car quant ils deux sont d’un acort,
Tout quanq_ue_ vient a leur resort
Le deble tient enherité.
Au piere furont molt cheris
Pecché sa file et Mort son fils, 230
Car trop luy furont resemblant:
Et pour cela par son devis,
Pour plus avoir de ses norris,
La miere espousa son enfant:
Si vont sept files engendrant,
Qui sont d’enfern enheritant
Et ont le mond tout entrepris;
Come je vous serray devisant,
Des queux no_u_ns om leur est nomant
Et du mestier dont sont apris. 240
Les no_u_ns des files du Pecché
L’un apres l’autre en leur degré
Dirray, des quelles la primere
Orguil ad no_u_n, celle est l’aisnée,
La tresmalvoise maluré,
Que plus resemble a son fals piere;
L’autre est Envye, que sa chiere
Belle ad devant, et parderere
Plaine est du male volenté;
Ire est la tierce, et trop est fiere, 250
Que jam_m_ais n’ot sa pes plenere,
Ainz fait trestoute adversité:
La quarte est celle d’Avarice,
Que l’or plus q_ue_ son dieu cherice;[11]
La quinte Accide demy morte,
Q’au dieu n’au monde fait service;
La siste file en son office
C’est Glotonie, que la porte
Des vices gart, et tout apporte
Ce dont la frele char supporte; 260
Du foldelit c’est la norrice:
Mais la septime se desporte,
C’est Leccherie, que se porte
Sur toutes autres la plus nice.
Ensi com_m_e je le vous ay dit,
Pecché du deable q’est maldit
Primerement prist sa nescance,
Et puis du Pecché Mort nasquit,
Dont plus avant com_m_e j’ay descript[12]
Par si tresmalvoise alliance 270
Nasquiront plain du malfesance
Ly autre sept, que d’attendance
Au deble sont par tout soubgit;
Dont cil qui tous les mals avance,
Quant naistre vit ytiele enfance,
De sa part grantment s’esjoït.[13]
=Com_m_ent le deable envoya Pecché ovesq_ue_ ses sept files
au Siecle, et com_m_ent il tient puis son p_ar_lement pour
l’om_m_e enginer.=
Ly deable, q’est tout plain du rage,
Qua_n_t vist qu’il ot si g_ra_nt lignage,
Au Siecle tous les envoia:
Pecché la fole et la salvage 280
Ses p_ro_pres files du putage
Parmy le Siecle convoia;
Et tant y fist et engina
Que ly fals Siecle s’enclina
De faire tout par leur menage,
Par ceaux sa gloire devisa,
Par ceaux toutdis se conseila,
Par ceaux fist maint horrible oultrage.
Chascune solonc son endroit
Office seculiere avoit 290
Le Siecle pour plus enginer:
Orguil sa gloire maintenoit,
Envie ades luy consailloit,
Et d’Ire fist son guerroier,
Et d’Avarice tresorer,
Accidie estoit son chamberer,
Et Glotonie de son droit
Estoit son maistre boteller,
Et Leccherie en son mestier
Sur tous sa chiere amie estoit. 300
Cil qui trestous ceos mals engendre,
Quant vist les files de son gendre
Mener le Siecle a leur voloir,
Lors comença consail a prendre
Coment cel hom_m_e pot susprendre,
Le quel devant ot fait chaoir
Du p_ar_adis le beau Manoir;
Car bien scieust que par estovoir
Cel hom_m_e doit el siecle attendre,
Dont au petit tient son pooir, 310
Si l’om_m_e n’en poet decevoir,
Pour faire en son enfern descendre.
Ly deable, qui tous mals engine,
Quant vist qu’il ot par sa falsine
Du paradis l’om_m_e abatu,
Hors de la joye celestine
En la deserte salvagine,
D’un autre mal lors s’est pourveu,
Dont l’om_m_e q’ançois ot deçu
Treroit encore au plus bass lieu,[14] 320
U l’en languist sanz medicine,
Au fin q’ensi serroit perdu
Sanz esperance de salu:
Oietz qu’il fist de sa covine.
Au Siecle mesmes s’en ala,
Et tout son consail luy conta,
Et pria qu’il luy volt aider:
Tant luy promist, tant luy dona,
Que l’un a l’autre s’acorda,
Et le firont entrejurer; 330
Mais pour son purpos achever
Com_m_unement volt assembler
Tous ses amys, et pour cela
Un parlement faisoit crier,
Par queux se pourroit consailler
Com_m_e son purpos achievera.
Les bries tantost furont escris
A ceaux qui furont ses amys,
Que tous vienent au parlement,
N’en est un soul qui soit remis: 340
Pecché la dame du paiis
Ove ses sept files noblement
Vint primer a l’assemblement;
Le Siecle y vient ensemblement
Ove belle route a son devis;
Mais Mort venoit darreinement:
Et lors quant tous furont present,
Le deable disoit son avis.
Devant trestous en audience
Le deable sa reson com_m_ence, 350
Et si leur dist parole fiere:
‘J’en ay,’ fait il, ‘al dieu offense
L’om_m_e abatu par ma science
Du paradis, u jadis iere,
Dont il est mis a son derere
En terre plaine de misere:
Mais plus avant de ma prudence
Si en enfern de la terrere
Le porray trere en tieu maniere,
Lors serroit fait ce que je pense. 360
‘Par ceste cause je vous pri,
Sicom_m_e vous m’estez tout amy,
Consailletz moy en cest ovraigne,
Au fin que porray faire ensi.’
Pecché sa file respondi,
Si dist sa reso_u_n primeraine:
‘Piere, tenez ma foy certaine,
Je fray tricher la char humaine
Ove mes sept files q’ay norri:
Car s’il d’icelles s’acompaigne, 370
[Sidenote: =f. 7=]
Ne poet faillir de male estraine,
Dont en la fin ert malbailli.’
Le Siecle auci de sa partie
Promist au deable son aïe,
Ensi le faisoit assavoir:
‘Je fray,’ ce dist, ‘ma tricherie
De la richesce et manantie
Que je retiens en mon pooir;
Du quoy trestout a ton voloir
Cel hom_m_e porray decevoir. 380
Du bien promettre faldray mie
Qu’il doit trestoute joye avoir,
Mais en la fin, sachiez du voir,
Je le lerray sanz compaignie.’
Apres le Siecle parla Mort,
Que toute vie au fin remort:
‘De l’om_m_e je te vengeray,
Car pour deduyt ne pour desport
Du moy ne poet avoir desport,
Que je son corps ne tuerai; 390
Mais pour voir dire, je ne say
Si l’alme mortefieray,
Car ce partient a ton enhort:
Fay bien de l’alme ton essay,
Et je du corps responderay,
Qu’il doit venir a mon resort.’
Ly deable grantment s’esjoït[15]
De ce que chacun luy promist,
Dont chierement leur mercioit;
Et oultre ce consail enquist, 400
Et pria que chascun luy dist
De leur avis que sembleroit,
S’il apres l’om_m_e manderoit
Pour savoir ce qu’il en dirroit.[16]
Sur quoy chacun luy respondist
Que bien affaire ce serroit,
Q’un messager a grant esploit
Apres luy maintenant tramist.
Cil messager par son droit no_u_n
Je l’oi nom_m_er Temptacio_u_n, 410
Qui droit a l’om_m_e s’en ala:
Sanz noise faire ne halt so_u_n
Dist son message, et sa reso_u_n
El cuer de l’om_m_e il oreilla,
Depar le deable et luy pria
Q’au venir tost se hastera,
U sont ensemble ly baro_u_n;
Et dist q_ue_ quant venu serra,
Des tieux novelles il orra
Dont doit avoir sa gariso_u_n. 420
Temptacio_u_n soutilement
Tant fist par son enticement
Que l’om_m_e vint ovesq_ue_ luy,
Pour savoir plus plenierement
La cause de tieu mandement:
Et maintenant, quant venoit y,
De sa venue s’esjoÿ
Ly deable, qui molt le chery
Ove tous les autres ensement.
Chacun de sa part le servi, 430
Que l’om_m_e estoit tout esbahy
De l’onnour que chacun luy tent.
Ly deble com_m_ence a parler,
Si dist pour l’om_m_e losenger
Devant trestout le remenant:
‘Bealsire, je t’ay fait mander,
Pour ce que vuil a toy parler
Au fin que soiez mo_u_n servant;
Et si te soit ensi plesant,
Je t’en vois loer promettant 440
Tiel come tu vorras demander:
Ne t’en soietz du rien doubtant,
Trestous les jours de ton vivant
Tu porras joye demener.
‘He, hom_m_e, enten ce que j’ay dit,
Et n’eietz honte ne despit
Du quelq_ue_ chose que te die:
Car si voes estre mon soubgit,
N’y ad honour, n’y ad p_ro_ufit,
Q’ap_ar_tient au presente vie, 450
Dont tu n’avras a ta partie
Si largement sanz nul faillie,
Que tu dirras que ce suffit:
Et si t’en fra sa compaignie
Pecché ma file suef norrie,
Pour faire trestout ton delit.’
Pecché parloit apres son piere,
Q’estoit plesant de sa maniere:
‘He, hom_m_e, croiez a ses dis,
Car de ma part te ferray chiere: 460
Si tu voes faire ma priere,
Dont ton corps serra rejoïz,
Ce que mon piere t’ad promis
En ceste vie t’ert complis;
Car je serray ta chamberere
Pour faire tout a ton devis
Et tes plaisirs et tes delis,
Dont dois avoir ta joye entiere.’
Et puis le Siecle du noblesce
Promist a l’om_m_e sa largesce, 470
Et si luy dist pour plus cherir:
‘He, hom_m_e, asculte ma p_ro_messe,
De mo_u_n avoir, de ma richesse
Te fray molt largement richir.
Car si mon consail voes tenir,
Tu dois no capitain servir;
Et s’ensi fais, je t’en confesse
Que prest serray pour sustenir
Solonc que te vient au plesir
Ta vie plaine de leesce.’ 480
Mais a celle houre nequedent
Mort endroit soy n’y fuist p_re_sent,
Auci pour l’om_m_e consailler;
Car plain estoit du maltalent,
Qu’il ne savoit aucunement
Ne bell p_ro_mettre ne don_n_er:
Pour ce ne volt lors apparer,
Ainz en secré se fist muscer,
Et ce fuist par com_m_un assent;
Car l’om_m_e pour plus enginer 490
Lors ne voloient molester
Du chose contre son talent.
Mais au darrein p_ar_ son degré
Lors vint avant tout en celée
Temptacion ly decevant;
C’estoit ly messagier privé,
Qui primes l’omme ot amené,
Come je vous contay cy devant;
Cil dist a l’om_m_e en consaillant:[17]
‘He, hom_m_e, a quoy vas tariant 500
De recevoir tiele ameisté,
Dont tu pourras toutdis avant
Avoir le corps p_ar_ tout joyant
Sanz point d’aucune adverseté?’
Mais cil qui lors ust bien oï
Temptacio_u_n come il blandi
Par la douçour de sa parole,
Il porroit dire bien de fi
Que ja n’oïst puisqu’il nasqui
Un vantparlour de tiele escole: 510
Car plus fuist doulce sa parole
Que n’estoit harpe ne citole.
Dont l’om_m_e quant il l’entendi,
Au tiele vie doulce et mole
La char, q’estoit salvage et fole,
Tantost de sa part consenti.
La char de l’om_m_e consentoit
A ce que l’en luy promettoit,
Si fist hom_m_age et reverence
Au deable, qu’il luy serviroit: 520
Mais l’Alme moult dolente estoit,
Quant vist sa char sanz sa licence
Avoir mesfait de tiele offense;
Dont se complaint au Conscience
Que sur cela consailleroit,
Et maintenant en sa presence
A reson_n_er sa char commence
Par ceste voie, et si disoit:
=Com_m_e_n_t l’Alme aresona la Char, q’avoit fait hom_m_age au
deable, et com_m_ent au darrein p_ar_ l’eide du Reso_u_n et de
Paour le Char s’en p_ar_ti[18] du diable et du Pecché et se
soubmist al gov_er_nance de l’Alme.=
‘He, fole Char, he, Char salvage,
Par quel folour, p_ar_ quelle rage 530
Te fais lever encontre moy?
Remembre toi q’al dieu ymage
Fui faite, et pour to_u_n governage
Fui mis dedeinz le corps de toi.
He, vile Char, avoi, avoi!
Remembre aussi q_ue_ tu la loy
Primer rompis en cel estage
U dieu nous avoit mis tout coi,
Dont nuyt et jour es en effroy.
Ne te suffist si grant dam_m_age? 540
‘He, Char, remembre, car bien scies
Ly deable par ses malvoistés
Du tieu barat te baratta,
Dont en dolour tu es ruez
Des haltes joyes honourez
Q’a toy dieu lors abandona.
He, Char, pren garde de cela,
Ainz qu’il plus bass te ruera:[19]
Cil qui sur tout est malurez,
C’est cil qui jadis t’engina, 550
Et tous les jours t’enginera,
Tanqu’il t’avra pis enginez.
‘He, Char, desserre ton oraille,
Enten, car je te le consaille;
Et certes si tu m’en creras,
Tieu grace dieus te repp_ar_aille
Que tu remonteras sanz faille
[Sidenote: =f. 8=]
Au lieu dont jadys avalas:
Et autrement tout seur serras,
Si tu le deable serviras, 560
Quant ceste vie te defaille,
Tantsoulement pour to_u_n trespas
Et toi et moi saldrons si bas,
Dont dieux ne voet q_ue_ l’en resaille.
‘He, Char, come tu fais grant folie,
Q’au tiele false compaignie
Si loigns de moy te fais attraire,
Que tout sont plain du tricherie:
Car tu scies bien que par envie
Le deble a toi est adversaire. 570
Pecché primer te porra plaire,
Mais au darrein te doit desplaire;
Ly Siecle auci de sa partie,
S’il t’eust don_n_é tout so_u_n doaire,
Au fin te lerra q’une haire,
Que plus n’en porteras tu mie.
‘He, Char, des tieux amys fier
N’estoet, car prou n’en dois porter;
Come tu sovent as bien oï,
Que bel p_ro_mettre et riens don_n_er 580
Ce fait le fol reconforter:
Aguar pour ce, ainz que trahi
Soietz, je t’amoneste et pri.
He, Char, pour dieu fai que te di,
Laissetz tieux fals amys estier;
Car, Char, si tu ne fais ensi,
Je, lass! serray pour toi hony,
Que mieux t’en doie consailler.
‘He, Char, remembre auci coment
Entre nous deux conjoigntement 590
En un corps suismes sanz demise:
Dont falt que resonablement
Soions tout d’un acordement.
Car s’il avient que d’autre guise
No cause soit deinz soi devise,
Lors devons p_er_dre la franchise
Q’au n_ost_re franc pooir attent;
C’est de monter par bone aprise
En paradis, dont par mesprise
Susmes cheeus si folement. 600
‘He, Char, tu porras bien entendre,
Mieux valt remonter et ascendre
En celles joyes plus haltaines,
Qe d’un bass en plus bass descendre,
U l’en ne doit socour attendre
Mais sanz fin les ardantes paines.
He, Char, s’au deable t’acompaines
Et a les autres ses compaines,
Ne dois faillir du paine prendre:
Mais, Char, si tu ta char restraines, 610
Tes joyes serront si certaines
Que sanz fin nul t’en poet rep_re_ndre.’
La Char s’estuit et se pensa,
Et en partie s’esmaia
De ce q_ue_ l’Alme a luy disoit.
Mais d’autrepart quant regarda
Les autres, tant s’en delita,
Que pour voirdire ne savoit
Au queu part trere se pourroit.
Mais au Pecché quant remiroit, 620
De son amour tant suspira
Et d’autrepart tant covoitoit
Le Siecle, qu’il tresoublia
Tout qanq_ue_ l’Alme a luy precha.
Et lors quant l’Alme s’ap_ar_çuit
Que contre luy la Char s’estuit,
Dont devoit estre governals,
Trop avoit p_er_du son deduyt:
Et nepourquant apres luy suyt
Ensi disant, ‘He, desloyals! 630
Male es, pource te tiens as mals.
Mais bien verras q_ue_ trop est fals
Cil anemy, qui te poursuit
Pour toi ruer es infernals:
Te fait moustrer les beals journals,
Dont pers memoire de la nuyt.
‘He, Char, si fuissetz avisée
Come par treso_u_n ymaginé
Ly deble, qui te voet trahir,
Le riche Siecle t’a moustré 640
Et la plesance du Pecché,
Mais Mort, par qui tu dois morir,
Ne voet il faire avant venir,
Ainz l’ad muscé du fals conspir,
Que tu n’en soiez remembré![20]
Car il te vorra p_er_vertir
Si fort que jamais convertir
Ne t’en lerra par nul degré.’
Lors prist ly deable a coroucer,
Quant l’alme oïst ensi parler, 650
Et com_m_anda que maintenant
Pecché de son plesant mestier
Ove tout le vice seculier
Fuissent la Char reconfortant,
Et qu’ils la feissont si avant
A leur delices entendant,
Dont Mort pourroit tresoublier.
Trestout en firont son com_m_ant,[21]
Du quoy la Char fuist si joyant
Q’au Mort ne pot considerer. 660
Mais l’Alme, que tout fuist divine,
Quant vist sa char q’ensi decline,
Reson appelloit et Paour,
Qui sont sergant de sa covine;
Car sovent par leur discipline
La frele Char laist sa folour.
Pour ce celle Alme en grand dolour
Fist sa compleinte et sa clamour,
Siq_ue_ la Char par leur doctrine
Pourroit conoistre la verrour 670
Du Mort, que l’autre tricheour
Ont fait muscer de leur falsine.
Reson, q’a l’alme est necessaire,
Au Char de l’omme lors repaire,
Et Paour luy suioit apres:
Mais d’autrepart fuist au contraire
Temptacio_u_n ly secretaire,
Q’au Char tempter ne falt jam_m_es.
L’un volt entrer par bon_n_e pes,
Mais l’autre se tenoit si pres 680
Au Char tempter du tiel affaire,
Par quoy la Char sanz nul decess
A tieu delit se tient ades,
Que Reson ne l’en pot retraire.
Reso_u_n la Char areson_n_a,
Et tant come pot la conseila
Du bon_n_e contemplacio_u_n
Que sa folie lessera:
Et ce luy dist, q’au fin morra
En grande tribulacio_u_n. 690
Mais d’autrepart Temptacio_u_n
Au Char fist sa collacio_u_n,
Et tieux delices luy moustra,
Du pecché delectacio_u_n
Et seculiere elacio_u_n,
Par quoy la Char desreson_n_a.
Et quant Paour ce vist, coment
La Char par si fals temptement
S’estoit du Reso_u_n departie,
Lors dist au Char tresfierement: 700
‘He, Char tresfole et necligent,
He, Char mortiele, he, Char porrie,
Trop es deçu du deablerie,
Q’au toi muscont par tricherie
La Mort que vient sodainement.
Mais vien devers ma compaignie,
Si te moustray l’erbergerie
U l’ont muscé secretement.’
Paour q’estoit espirital
Lors prist la Char sup_er_flual, 710
Si l’amena droit par la main
Serchant amont et puis aval
Trestous les chambres de l’ostal,
Tanqu’ils troveront au darrein
U Mort l’orrible capitein,
Covert d’un mantelet mondein,
Deinz une chambre cordial
S’estoit muscé trestout soulein,
En aguaitant la Char humein,[22]
Quelle est sa proie natural. 720
Mais quant la Char vist la figure
De celle horrible creature,
Dedeinz soy comença trembler,
Et tant se dolt en sa nature
Que tout tenoit a mesprisure
Ce dont se soloit deliter.
Vers Pecché n’osa plus garder,
Ne vers le Siecle au covoiter,
Ainz s’avisa du Mort tout hure:
Si volt vers Reso_u_n retorner, 730
Sa conscience d’amender
Et servir l’Alme en vie pure.
Paour ensi la Char rebroie,
Q’au Conscience la renvoie,
Et Conscience plus avant[23]
Au bon_n_e Reso_u_n la convoie,
Et puis Reso_u_n par juste voie
A l’Alme la fait acordant.
Dont l’Alme, q’ot esté devant
Du Char folie languissant, 740
Reprist s’espiritale joye,
Et vait la Char si chastiant
Par quoy la Char molt repentant
S’en part du deble et sa menoie.
La Char du deble s’en parti
Et du Pecché tout autrecy,
Ne point el Siecle se fia:
Paour l’avoit tant esbahy,
Q’a l’alme tout se converti
[Sidenote: =f. 9=]
Sicome Reso_u_n l’amonesta.
Mais quant ly deble vist cela, 751
Com_m_ent Reson luy surmonta
Siq_ue_ de l’om_m_e estoit failli,
Ove Pecché lors se conseilla,
Et puis au Siecle compleigna
Par grant tristour disant ensi:
=Com_m_ent la Char de l’om_m_e s’estoit p_ar_tie du deable
p_ar_ le conseil du Reso_u_n et de Pao_ur_: lors come_n_t le
deble s’en complaignoit au Siecle et don_n_a po_ur_ ce lez
sept files du Pecché en mariage au Siecle pour l’om_m_e pl_us_
enginer.=
‘He, Pecché, q’est ce que tu fais,
Par ton delit qua_n_t ne desfais
Paour du mort que l’om_m_e meine?
He, Siecle, pour quoy te retrais, 760
Qu[e] tu de ton honour n’attrais[24]
Pour moy servir la Char humeine?
Paour du mort ensi l’estreine,
Dont Reso_u_n est la capitaine,
Q’a moy s’acordera jam_m_ais:
Du ceste chose je me pleigne,
Car s’il eschape mo_u_n demeine,
Lors ay p_er_du tous mes essais.’
Pecché reconforta son piere,
Et si luy dist en tieu maniere: 770
‘He, piere, je m’aviseray:
Je suy des autres sept la miere,
Au Siecle auci je suy treschiere,
Dont leur consail demanderay;
Et solonc que je troveray,
Par leur avis te conteray
Que soit affaire en la matiere.
Car endroit moy me peneray,
Le corps, si puiss, je tricheray,
Dont l’om_m_e dois avoir arere.’ 780
Au Siecle lors s’en vait Pecché,
Si ad son consail demandé,
Et ove ses files lors conspire
Come porront faire en leur degré
Que l’om_m_e arere soit mené
Au deble qui tant le desire.
Mais nepourquant Paour le tire,
Q’a l’un ne l’autre ne remire,
Ainçois les ad tous refusé;
Siq_ue_ le Siecle, pour voirdire, 790
Ne Pecché ne le pot suffire,
Mais sanz esploit sont retorné.
De ceste chose fuist dolent
Pecché, quant par s’enticement
Ne poait l’om_m_e decevoir:
Mais ore oretz come falsement
Le Siecle par compassement
Au deable faisoit assavoir.
Il dist que c’il a son voloir
Les files Pecché poet avoir 800
En mariage p_ro_prement,
N’estoet doubter q’a son espoir
Il entrera tiel estovoir,
Dont l’om_m_e ert tout a son talent.
Ly deable quant oÿt cela,
Un petit se reconforta,
Et au Pecché de ce parloit
Pour savoir ce q’elle en dirra,[25]
Et si luy plest q’ensi dorra
Ses files que l’en demandoit: 810
Car quant a soy, ce dist, sembloit
Le mariage bien seoit,
Dont tiele issue engendrera
Que so_u_n lignage encresceroit,
Et l’om_m_e, qui tant desiroit,
Encontre Reson conquerra.
Pecché respont disant ensi:
‘O piere, a ton voloir p_ar_my
Mes files sont en ton servage:
Fay que t’en plest, q’atant vous dy, 820
Moult bon me semble et je l’ottry,
L’alliance et le mariage.
Le Siecle est bien soutil et sage,
Dont m’est avis, sanz desp_ar_age
Mes filles puiss don_n_er a luy,
Pour engendrer de no lignage,
Dont conquerras tiel avantage
Pour guerroier to_u_n anemy.’
Et pour voirdire courtement,
Tous s’acorderont d’un assent, 830
Le mariage devoit prendre:
Et maintenant tout en p_re_sent
Le Siecle Orguil au fem_m_e prent,
Quelle ot le port de halte gendre.
Mais pour ce que l’en doit ap_re_ndre
Si noble feste de comprendre,
Com_m_e fuist au tiel assemblement,
S’un poy m’en vuillez cy attendre,
Le vous ferray trestout entendre,
Sicome fuist fait solempnement. 840
=Com_m_ent les sept files du Pecché vindront vers leur mariage,
et de leur arrai et de leur chiere.=