"Miri diri bibi, me kamava butidiro tevel chovihani. Kamava ta dukker
geeris te ta jin kunjerni cola. Tu sosti sikker mengi sarakovi."
"Oh miri kamli! vonka tu vissa te vel chovihani, te i Gorgie jinena lis,
tu lesa buti tugnus. Sar i chavi tevel shellavri, te kair a gudli te
wusser baria kanna dikena tute, te shyan i bori foki merena tute. Awer
kushti se ta jin garini covva, kushti se vonka chori churkni juva te sar
i sweti chungen' apre, jinela sa ta kair lende wafodopen ta pessur sar
lenghis dush. Te man tevel sikker tute chomany chovihaneskes. Shun!
Vonka tu kamesa pen o dukkerin, lesa tu sar tiro man {325} ta latcher
ajafera a manush te manushi lis se. De lende o yack, chiv lis drovan opa
lakis yakka tevel se rakli. Vonka se pash trasherdo yoi tevel pen buti
talla jinaben. Kanna tu sos kedo lis sorkon cherus tu astis risser buti
dinneli chaia sa tav trustal tiro angushtri. Kenna-sig tiri yakka dikena
pensa sappa, te vonka tu shan hoini tu tevel dikk pens' o puro beng. O
pashno covva miri deari se ta jin sa ta plasser, te kamer, te masher
foki. Vanka rakli lela chumeni kek-siglo adre lakis mui, tu sastis pen
laki adovo sikerela buti bak. Kanna lela lulli te safrani balia, pen
laki adovo se tatcho sigaben yoi sasti lel buti sonakei. Kanna lakis
koria wena ketenes, dovo sikerela yoi tevel ketni buti barveli rya. Pen
sarja vonka tu dikesa o latch apre lakis cham, talla lakis kor, te
vaniso, adovos sigaben yoi tevel a bori rani. Ma kessur tu ki lo se,
'pre o truppo te pre o bull, pen laki sarja o latch adoi se sigaben o
boridirines. Hammer laki apre. Te dikessa tu yoi lela bitti wastia te
bitti piria, pen laki trustal a rye ko se divius pa rinkeni piria, te sa
o rinkeno wast anela kumi bacht te rinkno mui. Hammerin te kamerin te
masherin te shorin shan o pash o dukkerin. Se kek rakli te kekno mush
adre mi duvel's chollo-tem savo ne se boino te hunkari pa chomani, te si
tu astis latcher sa se tu susti lel lender wongur. Stastis, latcher sar
o rakkerben apre foki.
"Awer miri bibi, adovos sar hokkanipen. Me kamava buti ta sikker tachni
chovihanipen. Pen mandy si nanei tachi chovahanis, te sa yol dikena."
"O tachi chovihani miri chavi, lela yakka pensa chiriclo, o kunsus se
rikkeredo apre pensa bongo chiv. Buti Yahudi, te nebollongeri lena jafri
yakka. Te cho'hani balia shan rikkerdi pa lakis ankairoben te surri, te
adenna risserdi. Vonka Gorgikani cho'hani lena shelni yakka, adulli shan
i trasheni.
"Me penava tuki chomani sirines. Vonka tu latchesa o pori te o sasterni
krafni, te anpali tu latchesa cuttor fon papiros, tu sastis chin apre lis
sar o pori savo tu kamesa, te ha lis te tu lesa lis. Awer tu sasti chin
sar tiro noko ratt. Si tu latchessa pash o lon-doeyav o boro
matcheskro-bar, te o puro curro, chiv lis keti kan, shunesa godli. Tevel
tastis kana pordo chone peshela, besh sar nangi adre lakis dud hefta
ratti, te shundes adre lis, sarrati o gudli te vel tachodiro, te anpale
tu shunesa i feris rakerena sig adosta. Vonka tu keresa hev sar o bar
adre o mulleskri-tan, jasa tu adoi yeck ratti pash a waver te kenna-sig
tu shunesa sa i mulia rakerena. Sorkon-chirus penena ki lovo se garrido.
Sastis lel o bar te risser lis apre o mulleskri-tan, talla hev si kedo.
"Me penava tuki apopli chomani cho'haunes. Le vini o sar covva te
suverena apre o pani, pa lenia, pa doeyav. Te asar i paneskri mullos kon
jivena adre o pani rakkerena keti puveskri chovihanis. Si manush dikela
pano panna, te partan te diklo apre o pani te lela lis, adovo sikela
astis lel a pireni, o yuzhior te o kushtidir o partan se, o kushtidir i
rakli. Si latchesa ran apre o pani, dovo sikela sastis kur tiro wafedo
geero. Chokka or curro apre o pani penela tu tevel sig atch kamelo sar
tiri pireni, te pireno. Te safrani ruzhia pa pani dukerena sonaki, te
pauni, rupp, te loli, kammaben."
"Kana latchesa klisin, dovo se buti bacht. Vonka haderesa lis apre, pen
o manusheskro te rakleskri nav, te yan wena kamlo o tute. Butidir bacht
si lullo dori te tav. Rikker lis, sikela kushti kamaben. Man nasher lis
avri tiro zi miri chavi."
"Nanei, bibi, kekker."