Dikdom me trin geeria
Sar yeckno a tacho Rom,
Sa miro wardo ghias adur
Apre a wafedo drom.
O yeckto sos boshengero,
Yuv kellde pes-kokero,
O kamlo-dud te perele
Sos lullo apre lo.
O duito sar a swagele
Dikde 'pre lestes tuv,
Ne kamde kumi, penava me
'Dre sar o miduvels puv.
O trinto sovade kushto-bak
Lest 'zimbel adre rukk se,
O bavol kelld' pre i tavia,
O sutto 'pre leskro zi.
Te sar i lengheri rudaben
Shan katterdi-chingerdo
Awer me penav' i Romani chals
Ne kesserden chi pa lo.
Trin dromia lende sikkerden kan
Sar dikela wafedo,
Ta bosher, tuver te sove-a-le
Aja sa bachtalo.
Dikdom palal, sa ghiom adur
Talla yeckno Romani chal
'Pre lengheri kali-brauni mui,
Te lengheri kali bal.