1.
O Bessie Bell and Mary Gray,
They war twa bonnie lasses;
They bigget a bower on yon burn-brae,
And theekit it o'er wi' rashes.
2.
They theekit it o'er wi' rashes green,
They theekit it o'er wi' heather;
But the pest cam frae the burrows-town,
And slew them baith thegither.
3.
They thought to lie in Methven kirk-yard,
Amang their noble kin;
But they maun lye in Stronach haugh,
To biek forenent the sin.
4.
And Bessy Bell and Mary Gray,
They war twa bonnie lasses;
They bigget a bower on yon burn-brae,
And theekit it o'er wi' rashes.
[Annotations:
1.3: 'bigget,' built.
1.4: 'theekit,' thatched.
3.4: _i.e._ to bask beneath the sun.]