a. _Homo enim Rationem habet à natura menti datam quæ, &
causas rerum et consecutiones videt, & similitudines, transfert, &
disiuncta coniungit, & cum præsentibus futura copulat, omnemque
complectitur vitæ consequentis statum._ b. _Eademque ratio facit
hominem hominum appetentem, cumque his, natura, & sermone in vsu
congruentem: vt profectus à caritate domesticorum ac suorum, currat
longius, & se implicet, primò Ciuium, deinde omnium mortalium
societati: vtque non sibi soli se natum meminerit, sed patriæ, sed suis,
vt exigua pars ipsi relinquatur._ c. _Et quoniam eadem natura
cupiditatem ingenuit homini veri inueniendi, quod facillimè apparet,
cum vacui curis, etiam quid in cœlo fiat, scire auemus, &c._