APOSTROPHIA: Cognomen Veneris, a στρέφω, _verto_. Sic a Cadmo
cognominata, ut ab omnibus spurcis artibus avocaretur, obscenaque
libidine ac concupiscentiis averteretur. (_Pausan._ libb. I et IX.)
Eadem est ac _Venus pudica_ Romanorum.
APPELLARE: Ad stuprum blanda oratione allicere.
"Aliud est _appellare_, aliud adsectari. _Appellare_ est blanda
oratione alterius pudicitiam attentare. Adsectatur, qui tacitus
frequenter sequitur."
—Ulp. XV, _de Injuriis et famosis libellis._