* * * * *
[The line divisions and numbers of the original have been retained,
although they are not used in any editorial references. Brackets
are in the original. Note that the first page break is inconsistent
with the following line numbers.]
A. Persius Flaccus natus est pridie nonas Decembris
Fabio Persico L. Vitellio coss. decessit VIII kalendas
Decembris P. Mario Asinio Gallo coss. 5
natus est in Etruria Volaterris, eques Romanus, sanguine
et affinitate primi ordinis viris coniunctus. decessit
ad octavum miliarium in via Appia in praediis
suis.
pater eum Flaccus pupillum reliquit moriens annorum 10
fere sex. Fulvia Sisennia mater nupsit postea
Fusio equiti Romano et eum quoque extulit inter
paucos annos.
studuit Flaccus usque ad annum XII aetatis suae
Volaterris, inde Romae apud grammaticum Remmium 15
Palaemonem et apud rhetorem Verginium Flavum.
cum esset annorum XVI, amicitia coepit uti Annaei
Cornuti, ita ut ab eo nusquam discederet. inductus
aliquatenus in philosophiam est.
amicos habuit a prima adulescentia Caesium Bassum 20
poetam et Calpurnium Staturam, qui vivo eo iuvenis
decessit. coluit ut patrem Servilium Nonianum. cognovit
per Cornutum etiam Annaeum Lucanum, aequaevum
auditorem Cornuti. [nam Cornutus illo tempore
[-- page --]
tragicus fuit sectae stoicae. sed] Lucanus adeo mirabatur
scripta Flacci, ut vix retineret se recitantem clamore,
quin illa [esse] vera poemata diceret, etsi ipse
sua ludos faceret. sero cognovit et Senecam, sed non
ut caperetur eius ingenio. usus est apud Cornutum
duorum convictu virorum et doctissimorum et sanctissimorum, 5
acriter tum philosophantium, Claudii Agathemeri,
medici, Lacedaemonii, et Petronii Aristocratis,
Magnetis, quos unice miratus est et aemulatus, cum aequales
essent, Cornuti minores et ipsi.
idem etiam decem fere annos summe dilectus a Paeto 10
Thrasea est, ita ut peregrinaretur quoque cum eo aliquando,
cognatam eius Arriam habente uxorem.
fuit morum lenissimorum, verecundiae virginalis,
formae pulchrae, pietatis erga matrem et sororem et
amitam exemplo sufficientis. 15
fuit frugi et pudicus.
reliquit circa HS vicies matri et sorori. scriptis tamen
ad matrem codicillis Cornuto rogavit ut daret sestertia,
ut quidam, centum, ut alii volunt et argenti facti
pondo viginti et libros circa septingentos Chrysippi sive 20
bibliothecam suam omnem. verum Cornutus sublatis
libris pecuniam [sororibus, quas heredes frater fecerat]
reliquit.
et raro et tarde scripsit. hunc ipsum librum inperfectum
reliquit. versus aliqui dempti sunt ultimo libro, 25
ut quasi finitus esset. leviter retractavit Cornutus
et Caesio Basso petenti, ut ipsi cederet, tradidit
edendum.
[-- page --]
scripsit etiam Flaccus in pueritia praetextam [+] vescio
et hodoeporicon librum unum et paucos in socrum
Thraseae [in Arriae matrem] versus, quae se
ante virum occiderat. omnia ea auctor fuit Cornutus
matri eius ut aboleret. 5
editum librum continuo mirari et diripere homines
coepere.
decessit autem vitio stomachi anno aetatis XXX.
sed mox ut a scholis et magistris divertit, lecto libro
Lucilii decimo vehementer saturas conponere instituit. 10
cuius libri principium imitatus est, sibi primo, mox omnibus
detracturus cum tanta recentium poetarum et oratotum
insectatione, ut etiam Neronem [illius temporis
principem] culpaverit. cuius versus in Neronem cum
ita se haberet 'auriculas asini Mida rex habet,' in eum 15
modum a Cornuto, Persio iam tum mortuo, est commutatus
'auriculas asini quis non habet?' ne hoc Nero in
se dictum arbitraretur.
QUINTILIANUS X, 1, 94 multum et verae gloriae
quamvis uno libro Persius meruit. 20
MARTIALIS IV, 9, 7
Saepius in libro numeratur Persius uno,
quam levis in tota Marsus Amazonide.
IOANNES LYDUS DE MAG. I, 41 +Persios de
ton poiêtên Sôphrona mimêsasthai thelôn to Lukophronos 25
parêlthen amauron.+
* * * * *