CORONAEUS: Si nihil proficiunt mortuis viventium rogationes, cur Judaei
mortuos in sepulcra deferentes canerent suam1 השֻובה (accubationem) in
qua his verbis utuntur: Spiritus domini quiescere faciat N. in horto
Eden, in pace, ipsum ac omnes defunctos Israëlitas, ad cujus precantis
vocem populus respondet Amen! Cur etiam Augustinus pro matre Monica sic
precatur: Dimitte, domine, dimitte, obsecro, ne intres in judicium cum
hac?2 Cur etiam Muhammedistae ipsi, qui supplicia inferorum quidem
sempiterna fore credunt, tam ardenter precarentur ut amici vita
defuncti ab interrogatione utriusque angeli atri eripiantur?