CURTIUS: Magnam vobis gratiam debet ecclesia Romana, quod purgatorios
ignes pene exstinctos argumentorum vi atque eloquentia1 videmini
excitavisse. Nam in iis ignibus legatorum2 ac donationum vis prope
immensa, quasi in causa non tantum impulsiva, ut jurisconsulti
loquuntur, sed etiam finali consistere videtur, ut scilicet sacrificia
missarum anniversaria fiant pro salute animae testatoris.