TORALBA: Si Christus est Dei filius, est ejusdem essentiae, aliquando
genitum esse oportet; si genitus est aliquando, fuit tempus illud, quo
nondum erat, quod quidem originem ac tempus principii habuisse
declarat.
CORONAEUS: Hoc argumentum Augustinus1 et Hilarius2 sic diluunt, ut
patrem agnoscant, aeternum sine auctore, filium etiam aeternum, sed non
sine autore, ut calor ab igne, lux a sole. Christus, inquit
Tertullianus3, a patre prodiit, ut radius a sole, rivus ex fonte,
frutex e semine.