Doulce dame, a Dieu vous command,
Aler m'en fault, dont il me poise,
Cent fois a vous me recommand,
Et vous suppli, doulce et courtoise, 4
Ne m'oubliez ou que je voise;
Et pour retour de ce voiage,
Je vous laisse mon cuer en gage. 7
--Amis, vostre departement
Petitement mon cuer renvoise,
Et se m'oubliez nullement,
Il ne sera nul qui racoise 11
Mon dolent plour. A basse noise
Vous di a Dieu, et pour partage,
Je vous laisse mon cuer en gage. 14
--Belle, sachiez certainement
Que, pour dame ne pour bourgoise,
Ne vous oublieray vraiement;
D'autre amour ne donne une boise, 18
Tost revendray comment qu'il voise,
Et de vous renvoier message,
Je vous laisse mon cuer en gage. 21