Posteritatis amor mihi perblanditur, et ultro
Premittit libris secula multa meis.
At non tam facile est oculato imponere, nosco
Quam non sim tali dignus honore frui.
Graecia magniloquos vates desiderat ipsa,
Roma suos etiam disperiisse dolet.
Exemplis quum sim claris edoctus ab istis,
Qui sperem Musas vivere posse meas?
Certe mi sat erit praesenti scribere saeclo,
Auribus et patriae complacuisse meae.