Le mardi après l'apparicion[150], huitiesme jour du moys de janvier l'an
mil trois cens cinquante-huit, les Anglois et Navarrois qui tenoient la
Ferté-soubs-Juerre alèrent à Laigny-sus-Marne et pillièrent la ville et
y prisrent des bonnes gens. Et depuis alèrent en la ville grant nombre
de brigans qui estoient venus de Milan, qui gastèrent ladite ville par
telle manière que tous les habitans s'en partirent; et demoura toute
gastée.
[150] _L'Apparicion_. L'Épiphanie.