Coment le roy de Navarre ala à Meleun et ardi Chatres-soubs-Mont-Lehery.
La première sepmaine de septembre, environ heure de tierce, le roy de
Navarre chevaucha bien à deux mil combattans, si comme l'en disoit; et
ala à Meleun rafraichir ses gens et veoir ses seurs, la royne Blanche et
une autre appelée Jehanne, lesquelles estoient dedens le chastel. Et en
son chemin ardi pluseurs villes comme Chatres-soubs-Mont-Lehery et
autres.