My Lordis, I beleve thare be none so unwyse hear, that will mak
merchandise with ane Frenche man, or any other unknawin stranger, except
he know and understand first the conditioun or promeise maid by the
French man or stranger. So lyikwyse I wold that we understood what thing
we promeis in the name of the infante unto God in Baptisme: For this
caus, I beleve, ye have Confirmatioun.
Then said Maister Bleiter,[414] chaplen, that he had the Devill within
him, and the spreit of errour. Then answered him a cheild,[415] saying,
"The Devill cane not speik such wordis as yonder man doith speik."