Stylobata Corinthius cum suis pilis.
_Fecisse septimam figuram magno tibi documento erit ad construendum,
& dividendum stylobatam ~A~, & vestigium ~B~; cum nihil addere debeas
præter pilas ~C~ cum coronice, quæ duo latera ambit. Opticè hoc vestigium
delineabis in ~D~, quæ delineatio distinctior est, quia inferiùs duxi
lineam plani; & distinctior etiam est sectio ~E~, cum elongaverim
visualem ~FG~. Sic semper agam, ut detur locus figuræ adumbratæ, & ut
etiam videas perpendiculares stylobatæ adumbrati cadere super angulos
vestigii, & lineas planas incidere è diametro super angulos sectionis
~E~. Iterùm libenter moneo, ut facias supradictas præparationes in
chartulis separatis, ut initio assuescas transferendis figuris nitidis
circino; facile enim tibi postea erit integras machinas Perspectivæ
jucundioris delineare, ut videbis: in hoc enim tota regulæ hujusce, &
totius operis facilitas sita est._