Stylobata Ionicus, & ratio vitandi aliam difficultatem in elevationibus.
_In elevationibus etiam sectionis opticè potest accidere, ut si visualis
~LK~ nimis recta sit, sectio ~B~ restringatur. Elongando lineam plani ab
~L~ ad ~M~, visualis ~MN~ erit inclinatior, & consequenter sectio ~C~
erit latior, & distinctior._
_Nota, difficultatem hanc sæpe sæpiùs te habiturum in figuris præcipuè,
quæ multas lineas habent, ut in figura quadragesimasecunda, ubi pariter
rationem vitandi confusionem reddam._
_Neque tibi molestiæ sim, quod in hac figura lineam horizontalem infra
lineam plani collocaverim, id enim feci, ut illarum diversos effectus
videas, utque tu in tuis studiis mutes, & discas._