Stylobata Doricus, & ratio vitandi difficultatem quamdam, quæ occurrit
inter illum opticè delineandum.
_Hic oritur difficultas hæc. Vestigium ~A~ opticè translatum in ~C~
adeò contrahitur, ut distinctè videri nequeat ubi collocetur circini
pes, ut transferri possint perpendiculares stylobatæ adumbrati; totaque
hæc difficultas oritur à propinquitate quam habet linea horizontalis,
seu punctum oculi cum linea plani. Ut igitur illam vincas: Duces lineam
plani inferiùs quantum libuerit, & super illam feres denuò latitudinem, &
longitudinem more solito, retinendo puncta oculi, & distantiæ ~OF~, & sic
videbis vestigia magis minusve distincta; Vestigium enim ~E~ distinctius
est vestigio ~D~, & ~D~ distinctius est vestigio ~C~._