How blest were the days o' langsyne when a laddie!
Alane by a bush wi' my dog and my plaidie;
Nae fop was sae happy, though dress'd e'er sae gaudy,
Sae sweet were the days o' langsyne when a laddie.
Whiles croonin' my sonnet amang the whin bushes,
Whiles whistling wi' glee as I pou'd the green rashes;
The whim o' the moment kept me aye frae sorrow,
What I wanted at night was in prospect to-morrow.
The nest o' a lintie I fondly explored,
And plundering bykes was the game I adored;
My pleasures did vary, as I was unsteady,
Yet I always found something that pleased when a laddie.
The boy with great pleasure the butterfly chases;
When manhood approaches, the maid he embraces;
But view him at once baith the husband and daddie,
He fondly looks back to the joys o' a laddie.
When childhood was over my prospects were greater,
I tried to be happy, but, alas, foolish creature!
The sports of my youth were my sweetest employment--
Much sweetness in prospect embitters enjoyment.
But now I 'm grown auld, and wi' cares I 'm perplex'd,
How numerous the woes are by which I am vex'd!
I 'm tentin' the kye wi' my dog, staff, and plaidie;
How changed are the days since langsyne when a laddie!