Quela neve dei copi[1], per sgiazzarse[2],
Quanto tempo, Madona, che ghe vol!...
Se la vede adasieto ritirarse
Dopo le longhe ociae[3] che ghe dà el sol.
Par che a ogni tristo dì de nebie o vento,
De sgiazzarse ghe vegna el pentimento;
Par che la diga: «Resto ancora qua....
Palido sol, xe assae lontan l'istà!...»
*
* *
Per tornar a sperar, quanto che speta
El mio zovene cuor za sconfortà!...
Ghe xe nòve ilusion, ghè 'na segreta
Speranza, ma el mio cuor resta serà.
Se le speranze de dorade e care,
Le disilusïon xe tanto amare!...
No fidarte: sta atento, sa, mio cuor:
Ocio ai fantasmi.... xe lontan l'amor!...
[1] _dei copi _= delle tegole, dei tetti.
[2] _s_giazzarse_ = sciogliersi.
[3] l_onghe ociae_ = lunghe occhiate.