Amours me tient pour son soudart
je serviray a ses gaiges
doulx regars & plaisans langaiges
sont pourtrais en son estandart
Espoir me soustient le menton
desir me donne a hault vouloir
Le bien celer est le baston
pour quoy je puis trop mieux valoir
Qui n'est plain de science et d'art
ja ne fera beau vacelage
mais pource que je suis volage
et que je sçay lancer le dart
Amours me tient pour son soudard
Respons en taille palernode est une espece de rhetorique en maniere de
champt eclesiastique ou plusieurs nombres se rejectent ou corps
principal